Luka 11:15 - Baibuli Ekibono kya Katonda 2014

¹⁵ Aye abandi baakoba bati: “Aghanga okubinga emizimu emibi ku bwa Beelezebulu, omukulu ow'emizimu emibi.”

Luka 11:15 ပူးပေါင်းရင်းမြစ်များ

Matayo 10:25

Kimala ayegeresebwa okuba ng'omwegeresa we, n'omugheereza okuba nga Musengwa we. Kale oba nga mwenemu bamweta Beelezebulu, memale leero balyaza gha okubiiya ab'omu maka ge!

Matayo 12:22

Agho Yesu baamuleetera omuntu aliku omuzimu omubi nga mutulu era kasiru, yaamuwonia yaaba ng'aghanga okwogera era n'okubona.

Matayo 4:24

Yaawulikika mu Siria mwonamwona baamuleetera boonaboona abaali obubi: abaalwala endwaire edha buli nsambo, n'abaali na buli kibaluma, abaaliku emizimu, n'abasimbu, n'abalema, era yaabawonia.

Matayo 9:34

Aye Abafarisaayo baakoba bati: “Emizimu agibinga na buyinza bwa mukulu waagyo.”

Yoanne 10:20

Bangi ku abo baakoba bati: “Aliku omuzimu omubi era mulalu, muwulirisa wa ki?”

Yoanne 7:20

Eikuukuubira ery'abantu lyamwiramu liti: “Oliku omuzimu omubi! Naani ali kusala amagezi okukwita?”

Yoanne 8:48

Abayudaaya baakoba Yesu bati: “Tituli batuufu okukoba tuti oli Musamaria era oliku omuzimu omubi?”

Yoanne 8:52

Agho Abayudaaya baamukoba bati: “Mperaano tukakaisa tuti oliku omuzimu omubi! Aburahamu yafa n'abalanzi boona baafa, aye iwe okoba oti yeenayeena akalangukira ku kibono ky'omugha talifa.