Luka 10:42 - Baibuli Ekibono kya Katonda 2014

⁴² aye ekyetaagisa kiri kirala, Maria n'alonze ekintu ekirungi, ekitaghanga kumutoolebwaku.”

Luka 10:42 ပူးပေါင်းရင်းမြစ်များ

Zabbuli 119:111

By'okoba mbitwala ng'omugabo ogwange ku bwange ebyanda n'ebyanda; bwenebwene mu ebyo n'omuva okusangaala okw'omwoyo gwange.

Zabbuli 119:173

Banga mwetegefu okumbeera buliidho, kuba nasalagho okujiiranga ku mateeka go.

Zabbuli 119:30

Nsazeegho okuba omwesigwa y'oli, nga buli kaseera njiira ku nsala yo.

Zabbuli 142:5

Wo Musengwa Katonda, nkulirira oidhe ombeere; niiwe onkuuma era niiwe wenka ye neesiga mu nsi muno.

Zabbuli 17:15

Aye nze ndidha kulingiriranga amaiso go, kuba nziraku musango. Buli lwe nnaazuukanga ndidha kubanga musangaavu okukubona nga bw'oli.

Zabbuli 27:4

Ekintu kirala kiti kye nsaba Musengwa Katonda, kye nhenda kiri kirala nti mbenga mu ndhu ya Musengwa Katonda enaku dhoonadhoona edh'obulamu bwange, okulingirira obulungi bwa Musengwa Katonda, n'okumusaba angalagire;

Zabbuli 73:25

Eyo mu igulu nzirayo wundi ali ku lwange okutoolaku iwe era ni ku nsi kuzira kye neetaaga okutoolaku iwe.

Omulangirizi 12:13

Byonabyona bye nkobye obiwuliire. Kale ni tyanga Katonda era ogemenga amateeka ge, kuba eyo n'ensonga eyatondesa omuntu.

Mariko 8:36

“Omuntu aganhulwamu ki okufuna ensi yoonayoona aye n'afiirwa obulamu bwe?

Luka 10:39

Ono yali ni muganda we nga bamweta Maria. Maria oyo yaatyama agho gha bigere bya Musengwa yaawulirisa by'akoba.

Luka 11:1

Olwatuuka, Yesu bwe yamala okusaba, ghaabaagho mulala ku Beegeresebwa be yaamukoba ati: “Musengwa, twegerese okusaba, ng'oti ni Yoanne bwe yayegeresa abeegeresebwa be.”

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

Luka 12:33

Mutunde ebyaimwe, mugabire abaavu, mwetungire ensawo edhitakairigha mufune n'obukombe obutawaagho mu igulu omwibi y'atatuuka waire ensiiriri okubwonoona.

Luka 16:2

Kyeyava n'amweta n'amukoba ati, ‘Biki bino bye nkuwuliraku? Kale inhonhola ebigema ku bughanika bwo, kuba tokaaghanga kuba mughanika.’

Luka 16:25

“Aye Aburahamu yaamukoba ati, ‘Mwana wange idhukira oti mu bulamu bwo wafuna ebirungi byonabyona, aye Lazaro yaafuna ebibi kale mperaano ono n'okuba mu kwesiima, iwe n'oba mu kubonaabona.

Luka 18:22

Yesu bwe yawulira ekyo yaamukoba ati: “Okaabuzaayo ekintu kirala. Ja otoole by'oli nabyo byonabyona ogabire abaavu, eby'obukombe oliba nabyo mu igulu era oidhe obitenga ninze.”

Luka 8:18

“Mwegendereze niini ensambo ye muwuliramu, kuba oyo ali ni kyali nakyo aligheebwa, ate oyo azira, ni ky'adhuuba okuba nakyo kirimutoolebwaku.”

Yoanne 11:1

Ghaaligho omusaadha eyalwala nga bamweta Lazaro. Yali mu kibuga Bethania omwabanga Maria ni muganda we Maritha.

Yoanne 11:19

Era Abayudaaya kamaala baali baidhie okubona Maritha ni Maria n'okubasaasira olw'okufiirwa mwanhinaibwe.

Yoanne 12:3

Maria yaatoola akadoome ak'omuzigo ogw'omughendo ogw'ekika kya narudo yaagusiiga ku bigere bya Yesu, era bwe yamala yaabisiimuuza enviiri dhe. Enhumba yaidhula akawoowo.

Yoanne 17:3

Era obulamu obutawaagho ni buno: Abantu okukumanha iwe wenka Katonda ow'amazima n'oyo ye watuma, Yesu Kurisito.

Yoanne 4:14

aye kiisi anhwa ku maadhi ge mmugha, taliirayo kuba ndiwo. Amaadhi ago ge ndimugha, mu oyo galifuuka ensulo ey'amaadhi agagha obulamu era gaamugha obulamu obutawaagho.”

Yoanne 5:24

“Bwenebwene mbakobera nti: Kiisi awulira kibono kyange n'aikiriza oyo eyantuma, ali n'obulamu obutawaagho era taja kusalirwa musango, aba amaze okusomoka okuva mu kufa okungira mu bulamu.

Yoanne 6:27

Mutakolereranga mere ewaagho, aye mukolererenga emere etawaagho, etuusa ku bulamu obutawaagho. Eyo n'emere Omwana w'Omuntu yaalibagha. Kuba oyo Katonda Lata yamutaaku akamanhiso.”

1 Ab'e Korintho 13:3

Ni bwe mpaayo ebyange byonabyona okuliisa abanaku, era ni bwe mpaayo omubiri gwange okwokebwa ghazira kye nganhulwa, bwe mba nga tigonza bantu banange.

Ab'e Galatia 5:6

kuba bwe tweyimba mu Kurisito Yesu, okukeketebwa n'obutakeketebwa byaga. Ekikulu n'okwikiriza okweyolekera mu kugonza.

Amateeka Agokubiri 30:19

Ndayira olwaleero eigulu n'ensi bibe abadhulizi bange ababalumiriza, nti mbaghaire okulondagho okuba abalamu oba okufa, okugheebwa enkabi oba okukolimirwa. Kale ni mulondegho obulamu, mughange okubanga abalamu n'eizaire lyaimwe.

Yoshua 24:15

Aye oba nga timuli beetegefu kugheereza Musengwa Katonda, musalegho olwaleero luno ye munaagheerezanga: oba musalagho kugheereza bakatonda badhaadha baimwe be baasinzanga nga bakaali eruuyi ere ng'osomoike omwiga, oba bakatonda ab'Abamori abaali beene kiketezo kino buti ghe muli. Aye nze ku lwange n'ab'endhu yange twidha kugheerezanga Musengwa Katonda.”

Yoshua 24:22

Yoshua yaabakoba ati: “Oba nga beene musazeegho okugheereza Musengwa Katonda, imwe beene niimwe abadhulizi b'ekyo kye musazeegho.” Abantu baamwiramu bati: “Yii, bwenebwene tuli badhulizi baakyo.”