Luka 10:28 - Baibuli Ekibono kya Katonda 2014

²⁸ Yesu yaamukoba ati: “Oizeemu bukalamu, kola otyo, oidha kuba mulamu.”

Luka 10:28 ပူးပေါင်းရင်းမြစ်များ

Nehemia 9:29

Waabalabulanga, basobole okukyuka bagondere amateeka go. Aye beekuluntaza, baaloba kugondera biragiro byo, baakola bukole bibi. Ate nga mu kutuukiriza ebiragiro omuntu mw'afunira obulamu. Aye baakolanga bwa mpwitu era baakalangusanga emyoyo gyaibwe, baaloba kukugondera.

Ensambo 19:16

Omuntu agondera ebiragiro akuuma obulamu bwe, aye ole abinhooma obunhoome wa kufa.

Ezekieli 20:11

Naabagha ebiragiro byange, naabeegeresa n'amateeka gange kuba ebyo nga n'ebireetera omuntu okuba omulamu ng'abituukiriiza.

Ezekieli 20:13

Aye abantu ab'eighanga Isiraeli bandheemera nga bali eyo mu irungu, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Era baayonoona olunaku lwange olwa Sabbato. Agho naayenda mbamalireku ekiruyi kyange nga bali eyo mu irungu, mbazikirize mbamaliriregho.

Ezekieli 20:21

“Aye abaana boona bandheemera, baaloba kujiira ku mateeka gange era baava ku biragiro byange, ebireetera omuntu okuba omulamu ng'abituukiriiza. Baayonoona n'olunaku lwange olwa Sabbato. Agho naayenda okubamaliraku ekiruyi kyange, mboolekeze obusungu bwange nga bali eyo mu nsi Misiri.

Abalevi 18:5

Agho ni mugemenga amateeka n'ebiragiro bye mbagha. Anaabituukirizanga, anaabanga mulamu. Ninze Musengwa Katonda.

Matayo 19:17

Yesu yaamukoba ati: “Ombuuliza ki ku kirungi? Omulungi ali mulala. Aye oba nga oyenda okufuna obulamu obutawaagho, gema ebiragiro.”

Mariko 12:34

Yesu bwe yabona ng'aizeemu bukalamu, yaamukoba ati: “Obwakyabazinga bwa Katonda tobuli ghala.” Era okuva ku olwo ng'ezira akanaghala kumubuuza kibuuzo.

Luka 7:43

Simoni yairamu ati: “Ndhuuba ole ye yasonigha ekinene.” Yesu yaamukoba ati: “Osaze mu mazima.”

Ab'e Roma 10:4

Kuba Kurisito n'eyadibya Amateeka, olwo kiisi aikiriza aghange okuba omutuukirivu.

Ab'e Roma 3:19

Twidhi nga buli kyonakyona ekiri mu Mateeka kigema ku abo abafugibwa Amateeka, ghalobe kubaagho eyeewolereza, era abantu ab'omu nsi boonaboona Katonda abasalire omusango.

Ab'e Roma 7:10

era kyandeetera okufa. Kale ekiragiro ekyandibaire nga kindeetera obulamu, kyanviiramu kufa.

Ab'e Galatia 3:12

Aye Amateeka tigeesigama ku kwikiriza, kuba ebyaghandiikibwa era bikoba biti: “Oyo akola ebyo byonabyona bye galagira aliba omulamu olw'Amateeka.”

Amateeka Agokubiri 6:24

Musengwa Katonda waife oyo yaatulagira okutuukirizanga amateeka ago goonagoona n'okumutyanga, olwo tughange okubanga obukalamu buliidho, era atukuumenga nga tuli balamu, nga bwe tuli mpegaano.