Luka 1:77 - Baibuli Ekibono kya Katonda 2014

⁷⁷ oghe abantu be amagezi ag'okulokoka, mu kusoniyibwa ebibi byaibwe.

Luka 1:77 ပူးပေါင်းရင်းမြစ်များ

Yeremia 31:34

Kiriba tikikeetaagisa muntu kwegeresa mwine amanhe Musengwa Katonda, kuba boonaboona baliimanha okuviira irala ku basembayo ghansi okutuukira irala ku babbede beene. Ndibasonigha ebibi byaibwe era neerabirira irala okwonoona kwaibwe. Nze Musengwa Katonda, ninze nkobye.”

Luka 3:3

Yoanne yaaja woonawoona mu biketezo ebyetooloire Yorudani, yaalangirira okubatizibwa okw'okwenenia okusoniyibwa ebibi.

Luka 3:6

Olwo abantu boonaboona baabona nga Katonda bw'alokola.’ ”

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

Yoanne 1:34

Ebyo nabibona era nkakasa nti oyo n'Omwana wa Katonda.”

Ebikolwa by'Abatume 10:43

Oyo abalanzi boonaboona ye boogeraku nga bakoba bati, ‘Kiisi amwikiriza asoniyibwa ebibi olw'amaani ag'eriina lye.’ ”

Ebikolwa by'Abatume 19:4

“Okubatizibwa kwa Yoanne.” Paulo yaabakoba ati: “Yoanne yabatiza n'okubatizibwa okw'okwenenia, yaakoba abantu baikirize oyo amuvaaku einhuma, oyo nga ni Yesu.”

Ebikolwa by'Abatume 2:38

Petero yaabakoba ati: “Mwenenie, buli muntu abatizibwe mu liina lya Yesu Kurisito, ebibi byaimwe bisoniyibwe, era mwidha kufuna ekirabo kya Mwoyo Mutukuvu

Ebikolwa by'Abatume 3:19

Kale mwenenie, mukyuke memale ebibi byaimwe bisoniyibwe.

Ebikolwa by'Abatume 5:31

Katonda yamuta ku luuyi olw'omukono gwe omusaadha yaamufuula omufuzi era omununuzi, okusobozesa Abaisiraeli okwenenia basoniyibwe ebibi byaibwe.

Ab'e Roma 3:25

Olw'okufa kwe Katonda yamutaagho okuba omutango ogw'ebibi by'abaikiriza. Katonda yakola kino olw'okwoleka obutuufu bwe, kuba olw'okuguminkiriza kwe, ebibi by'abantu eby'eira tiyabiringiriza.

Ab'Efeso 1:7

Olw'okufa kwa Kurisito ng'omusengo, tufuna okununulwa nga tusoniyibwa ebibi byaife olw'ekisa kya Katonda ekyodo,