Luka 1:74 - Baibuli Ekibono kya Katonda 2014

⁷⁴ Nga tumaze okununulwa mu mikono egy'abazigu baife, tumugheereze aghazira kutya

Luka 1:74 ပူးပေါင်းရင်းမြစ်များ

2 Bakyabazinga 17:39

Aye nze Musengwa Katonda waimwe, ninze ye mube mutyenga, era ninze ndidha okubawonianga abazigu baimwe boonaboona.”

Zabbuli 119:134

Mponia okunhigirizibwa abantu, nsobole okugema amateeka go.

Isaia 43:21

Abo n'abantu bange, nze mwene be neeteeragho, bansaakenga.”

Isaia 45:17

Aye Musengwa Katonda buliidho aidha kulokolanga Isiraeli. Imwe Abaisiraeli ensoni tidhiribagema waire okuswazibwaswazibwa ebyanda n'ebyanda.’ ”

Zekaria 8:19

“Okusiiba kwaimwe okw'omu mwezi ogwokuna, n'okw'omu gwokutaanu, n'okw'omu gwomusanvu, n'okw'omu gweikumi, kulifuukamu biseera bya masanhu na kusagamba eri ab'eighanga Buyudaaya nga bali mu bibinuko. Agho ni mugwaine mugonzenga okukolerera amazima n'emiraala.”

Luka 1:71

ati aidha kutuwonia abazigu baife, era atuwonie n'omukono ogw'abatukyagha.

Luka 1:73

Ekirayiro kye yalayirira Aburahamu dhaadha waife okukituukiriza mu ife.

Luka 1:75

mu maiso ge, mu butukuvu ni mu mazima enaku edh'obulamu bwaife dhoonadhoona.

Ab'e Roma 6:22

Aye mperaano mwava mu kibi mwafuuka abairu ba Katonda. Kino kibaleeteire okutukuzibwa n'okufuna obulamu obutawaagho.

Ab'e Roma 8:15

Katonda ti yabagha Mwoyo wa kubasibira mu bwiru na kubaleetera kutya, aye mwagheebwa mwoyo abafuula abaana ba Katonda abasobola okweta Katonda “Abba”, ekitegeeza kiti “Iseife”.

2 Timotheo 1:7

kuba Mwoyo Katonda y'atugha ti wa kutya, aye n'oyo atwidhuza amaani, okugonzania, n'okwefuga.

Abaheburayi 2:15

Olwo awonie abo, entiisa ey'okufa be yali egemereire ng'abairu obulamu bwaibwe bwonabwona;

Abaheburayi 9:14

Oba ng'ekyo kityo bwekiri, memale omusaayi gwa Kurisito tigulisingagho inho kututukuza ni tugheereza Katonda omulamu ku lwa Kurisito aziraku kimyamya, eyeeghaayo ye Katonda mu maani ga Mwoyo atawaagho?

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.