Luka 1:69 - Baibuli Ekibono kya Katonda 2014

⁶⁹ Atufuniire amaani okutulokola mu ndhu ya Daudi omugheereza we.

Luka 1:69 ပူးပေါင်းရင်းမြစ်များ

2 Samueli 22:3

Musengwa Katonda ni Katonda wange, n'olubaale lwe numukiramu okwewonia, era n'engabo mwe neewoma; n'omulwanirizi wange amponia byonabyona. Musengwa Katonda n'obulumukiro bwange, era n'ekifo kyange eky'okwewogomamu, oyo n'amponia abakambwe.

2 Samueli 7:26

Oidha kubanga mukologho ebyanda n'ebyanda, abantu bakwogerengaku bati, ‘Musengwa Katonda Afuga Amagye oyo, ni Katonda wa Isiraeli.’ Era nkweghemba okuumenga ab'endhu yange nze omugheereza wo Daudi.

1 Bakyabazinga 11:13

Ate era tirimutoolaku bwakyabazinga bwonabwona, aye ndimulekeragho ekika kirala ku lwa Daudi omugheereza wange, ni ku lwa Yerusalemu, ekibuga kye nalonda okuba ekyange.”

Zabbuli 18:2

Musengwa Katonda n'olubaale mwe neegisa, era n'ekifo kyange eky'okwewogomamu, oyo n'antoola aghabi. Musengwa oyo ni Katonda wange, era n'engabo mwe neewoma; n'omulwanirizi wange amponia byonabyona.

Zabbuli 89:17

Kuba niiwe otugha obughanguzi obutaloodheka; era olw'okutugonza waatugha okusagamba ng'abaghanguzi.

Zabbuli 89:3

Wakoba oti: “Nakola endagaano ni Daudi ye neerondera; era naasuubiza omugheereza wange oyo nti,

Yeremia 30:9

Aye baidha kumpeerezanga, nze Musengwa Katonda waibwe, era bagheerezenga ni mwidhukulu wa Daudi ye ndibateeragho okuba kyabazinga waibwe.

Ezekieli 29:21

“Ekyo bwe kirituukirira, eighanga Isiraeli ndirifuula lya maani, era iwe Ezekieli ndikugha okulanga n'amaani, abantu boonaboona baakuwulira. Olwo balimanha nga ninze Musengwa Katonda.”

Amosi 9:11

Musengwa Katonda akoba ati: “Olunaku lwidha kutuuka ndhizeegho obwakyabazinga bwa Daudi, nga bwe bwalinga mu biseera Daudi mwe yabeera kyabazinga kuba buti buli ng'oti n'endhu eyagwa. Kale nja kuzimba ebimante byayo buyaaka, ngiizeegho nga bwe yalinga eira.

Matayo 1:1

Oluzi lwa Yesu Kurisito mwidhukulu wa Daudi, mwidhukulu wa Aburahamu luti bwe lwali:

Mariko 11:10

Bwa nkabi obwakyabazinga bwa iseife Daudi obuli kwira! Hosanna! Ghaigulu irala.”

Okwolekebwa 22:16

“Nze Yesu, ntumye malaika wange okubakobera ebintu bino mu bikunsu eby'abandhikiriza. Ndi wa ku luzi lwa Daudi era nsimuka mu oyo. Ninze emuunienie ey'oku nkyo eyaka einho.”

1 Samueli 2:1

Hanna yaasaba ng'akoba ati: “Ndi kusagamba olwa Musengwa Katonda ky'ankoleire, Musengwa Katonda andhiziizaamu amaani. Nsekerera abazigu bange, naasagamba kuba iwe Musengwa Katonda omponiiza.

1 Samueli 2:10

Abazigu ba Musengwa Katonda aja kubazikiriza baweegho; aja kubabwatukira ng'oti lukuba ng'ali mu igulu. Musengwa Katonda aja kulamula ensi yoonayoona, aghe kyabazinga we amaani, agulumize obukumu bw'oyo ye yasiiga omuzigo.”