Luka 1:67 - Baibuli Ekibono kya Katonda 2014

⁶⁷ Era ni ise Zekaria yaidhula Mwoyo Mutukuvu yaalanga ng'akoba ati:

Luka 1:67 ပူးပေါင်းရင်းမြစ်များ

2 Samueli 23:2

Daudi oyo yakoba ati: “Omwoyo gwa Musengwa Katonda gwogerera mu nze, antaire ebibono bye mu kanwa.

Yoeli 2:28

“Ebyo nga biwoire, ekiseera kirituuka naayugha omwoyo gwange ku bantu boonaboona. Batabane baimwe ni baghala baimwe baliranga ebiribaagho, abakaire mu imwe baaloota ebirooto, n'abaisuka baimwe baabonekerwa.

Okubala 11:25

Agho Musengwa Katonda yaikira mu kire yaayogera ni Musa, era yaatoola ku mwoyo ogwali ku Musa yaaguta ku bantu abo. Era omwoyo ogwo bwe gwabaidhaku baayogera eby'obulanzi. Aye baakoma ku olwo, tibaakikola mukuzi gundi.

Luka 1:15

Kuba aliba mukulu mu maiso ga Musengwa era talinhwa mwenge gwa mizabbibu oba ekitamiiza kyonakyona. Aliidhuzibwa Mwoyo Mutukuvu ng'akaali mu nda ya inhina.

Luka 1:41

Ekyabaagho: Elisabethi olwawulira Maria ng'amulamusa, omwana yeedhaga mu nda ye, Elisabethi yaidhula Mwoyo Mutukuvu

Ebikolwa by'Abatume 2:4

era boonaboona baidhula Mwoyo Mutukuvu baatoolera okwogera mu nnimi edhindi, nga Mwoyo bwe yabaghanga okwogera.

Ebikolwa by'Abatume 2:8

Kisoboka kitya ife buli mulala, okubawulira mu lulimi lwe oluzaaliranwa?

Ebikolwa by'Abatume 9:17

Agho Anania yaasituka yaaja mu nhumba yaamwisaaku emikono yaamukoba ati: “Owoluganda Saulo, Musengwa Yesu mwene eyakubonekera, bwe wali mu ngira ng'oidha, antumye oghange okwiramu okubona era oidhule Mwoyo Mutukuvu.”

2 Petero 1:21

kuba ghazira mulanzi yalangaku ku bubwe yenka. Abalanzi baayogeranga ebiva ye Katonda nga Mwoyo Mutukuvu n'aboogeza.