Luka 1:32 - Baibuli Ekibono kya Katonda 2014

³² Aliba mukulu era alyetebwa Mwana w'oyo Ali Ghaigulu Yeene. Musengwa Katonda alimugha ekityamo kya Daudi dhaadha we.

Luka 1:32 ပူးပေါင်းရင်းမြစ်များ

2 Samueli 7:16

Ndidha kuleeteranga eizaire lyo okwala, ndeeterenga n'obwakyabazinga bwo okukakata mu maiso gange ebyanda n'ebyanda. Ekityamo kyo eky'obwakyabazinga kiidha kubanga kya maani ebyanda n'ebyanda.’ ”

Zabbuli 132:11

Kuba wasuubiza era toja kukyusaamu oti: “Nditoola mulala ku baana bo, naamufuula kyabazinga, yaafuga nga iwe oviiregho.

Zabbuli 132:12

Ekyo kiribaagho kasita abaana bo abo bakuuma ndagaano, ni bagema n'ebiragiro byange bye mbalagira. Era boona, abaana abaibwe n'abaja okukusikiranga ku bwakyabazinga ebyanda n'ebyanda.”

Isaia 16:5

Olwo omuntu ow'oku lulyo lwa Daudi, alityama ku kityamo eky'obwakyabazinga, yaafuga abantu n'ekisa ng'abagonza obutalekera era nga tasaliriza. Aliba mwangu mu kukola ebituufu ng'akolera ku mazima.”

Yeremia 17:25

Olwo bakyabazinga baibwe n'abakungu, baidha kwingiranga mu miryango gya Yerusalemu nga bali n'obukumu obw'okufuga nga Daudi bwe yali nabwo. Nga bali ghalala n'abantu b'omu Buyudaaya n'ab'omu Yerusalemu, baidha kuvuganga ebigaali by'omu lutalo, bajiirenga ni ku mbalaasi, era ekibuga Yerusalemu kinaabanga kiidhuvu kya bantu.

Yeremia 22:2

“Iwe kyabazinga wa Buyudaaya era mwidhukulu wa Daudi atyama ku kityamo eky'obwakyabazinga, wulirisa Musengwa Katonda by'ali kukoba iwe, n'abakungu bo, ghalala n'abantu b'omu Yerusalemu:

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Matayo 1:1

Oluzi lwa Yesu Kurisito mwidhukulu wa Daudi, mwidhukulu wa Aburahamu luti bwe lwali:

Matayo 12:42

Kyabazinga omukazi ow'e Sheba, mu kusalirwa omusango alisituka, yaalumiriza abantu b'oluse luno kuba yava etali kumpi yaidha okuwulirisa amagezi ga Solomoni. Aye ghano ghaligho asinga Solomoni.

Matayo 28:18

Yesu yaaseeta yaayogera nabo ati: “Nagheebwa obuyinza bwonabwona mu igulu ni mu nsi.

Matayo 3:11

“Bwenebwene nze mbabatiza na maadhi okulaga okwenenia kwaimwe, aye anvaaku einhuma n'asinga nze obukumu, oyo ye ntagwanira na kuba mu kifo kye alibatiza mu Mwoyo Mutukuvu ni mu muliro.

Mariko 14:61

Aye yaasirika, era azira kye yairamu. Kabiri Omukulu wa Bakabona n'okumubuuza yaamukoba ati: “Niiwe Kurisito Omwana w'oyo Katonda asaakibwa?”

Mariko 5:7

era yaayasiikana ati: “Yesu Omwana wa Katonda Ali Ghaigulu Yeene onhendeza ki? Mu ga Katonda otandaazadaaza!”

Luka 1:15

Kuba aliba mukulu mu maiso ga Musengwa era talinhwa mwenge gwa mizabbibu oba ekitamiiza kyonakyona. Aliidhuzibwa Mwoyo Mutukuvu ng'akaali mu nda ya inhina.

Luka 1:35

Malaika yaamwiramu ati: “Mwoyo Mutukuvu aidha kukwikaku, n'amaani g'oyo Ali Ghaigulu Yeene gaidha kukuboghera, kyova ky'olizaala, ekitukuvu, kiryetebwa Mwana wa Katonda.

Luka 1:76

N'iwe Omwana, olyetebwa mulanzi w'oyo Ali Ghaigulu Yeene; kuba olyembereramu Musengwa waamutegekera engira dhe

Luka 3:16

Yoanne yaabakoba ati: “Bwenebwene nze mbabatiza na maadhi, aye ansinga obukumu aidha, ye ntagwaniire waire okusibulula obusibiro obw'engaito dhe. Oyo alibabatiza na Mwoyo Mutukuvu era na muliro.

Luka 6:35

“Aye imwe, mugonzenga abazigu baimwe, mubakolenga bukalamu, era muwolenga nga ghazira kye musuubirayo olwo empeera yaimwe eriba nnene. Muliba baana b'oyo Ali Ghaigulu Yeene kuba oyo alaga abatasiima n'aboonooni ekisa.

Yoanne 12:34

Eikuukuubira lyamukoba liti: “Amateeka gatukoba gati Kurisito aja kuba mulamu ebyanda n'ebyanda. Aye iwe otukoba otya oti Omwana w'Omuntu ali n'okughanikibwa? Omwana w'Omuntu ono naani?”

Yoanne 6:69

Twidhi era twikiriza nga niiwe Omutukuvu wa Katonda.”

Ebikolwa by'Abatume 16:17

Yaanonereza Paulo n'ife bw'ayasiikana ati: “Abantu bano bagheereza ba Katonda Ali Ghaigulu Yeene, abali kubakobera nga bwe mughanga okulokolebwa.”

Ebikolwa by'Abatume 2:30

Kale ni yali mulanzi yaamanha Katonda kye yeelayirira mwene ng'amusuubiza ati mulala ku baidhukulu be beene alityama ku kityamo kye.

Ebikolwa by'Abatume 2:36

“Kale ni, endhu ya Isiraeli yoonayoona emanhe aghazira kubuusabuusa, nga Katonda yafuula, Yesu oyo ye mwakomerera ku musalaba, Musengwa era Kurisito.”

Ebikolwa by'Abatume 7:48

“Aye Katonda oyo Ali Ghaigulu Yeene, tasula mu ndhu dhizimbibwa bantu, ng'omulanzi bw'akoba ati,

Ab'e Roma 1:4

aye mu butukuvu obuva mu Bwakatonda bwe, bwe yazuukizibwa mu bafu, yaboneka ng'ali n'amaani mangi ng'Omwana wa Katonda.

Okwolekebwa 3:7

“Ghandiikira malaika ow'Ekikunsu eky'Abaikiriza mu Kurisito eky'e Filadelufia, oti: Oyo omutukuvu era ow'amazima, ali n'ekisumuluzo kya Daudi, aigulagho ni ghataba asobola kwigalagho, aigalagho ni ghataba asobola kwigulagho akoba ati: