Luka 1:22 - Baibuli Ekibono kya Katonda 2014

²² Bwe yafuluma tiyasobola kwogera ye bali, agho baamanha nga ghaligho ekimubonekeire mu isinzizo. Yagezaaku okubamanhisa bye yayenda mu bumanhiso, yaasigala ng'omunwa guzibye.

Luka 1:22 ပူးပေါင်းရင်းမြစ်များ

Ezekieli 3:26

Era nja kuleetera olulimi lwo okukwesibira ku kibuno, obe ng'oti kasiru olwo olobe kusobola kulabula bantu abo abadheemu.

Luka 1:21

Abantu baali mu kulindirira Zekaria, era nga beewuunhia ekimulwisisaayo mu isinzizo.

Luka 1:23

Agho olugobo lwe bwe lwawaaku, yairayo eka.

Luka 1:62

Baakozesa obumanhiso, baabuuza ise eriina ly'ayenda bamwete.

Yoanne 13:24

Simoni Petero yaamusunaku, yaamukoba ati: “Mubuuze, naani y'ali kukoba.”

Ebikolwa by'Abatume 12:17

Yaabaghemya basirike, yaabakobera nga Musengwa bw'amuwoniiza eikomera. Era yaabakoba ati: “Bino mubikobere Yakobo n'aboluganda.” Yaavaayo yaaja aghandi.

Ebikolwa by'Abatume 19:33

Baatoola Alekisandero mu kiyindi, Abayudaaya baamusindiikiriza baamwemereza emberi. Agho Alekisandero yaabaghemya ng'ayenda abeeku kyainhonhola abantu.

Ebikolwa by'Abatume 21:40

Omukulu w'abaisirukale yaamuganha. Paulo yaayemerera ku madaala yaaghemya abantu. Bwe baasirika yaayogera nabo mu lulimi Oluheburayi, yaakoba ati: