Luka 1:15 - Baibuli Ekibono kya Katonda 2014

¹⁵ Kuba aliba mukulu mu maiso ga Musengwa era talinhwa mwenge gwa mizabbibu oba ekitamiiza kyonakyona. Aliidhuzibwa Mwoyo Mutukuvu ng'akaali mu nda ya inhina.

Luka 1:15 ပူးပေါင်းရင်းမြစ်များ

Amainhama 12:2

Ndidha kukugha abaidhukulu kamaala, bafuuke eighanga ery'amaani. Ndidha kukugha enkabi, era ndeetere eriina lyo okumanhikana olwo lighange okugheesanga abandi enkabi.

Amainhama 48:19

Aye ise yaaloba. Yaakoba ati: “Mwana wange, ekyo nkiidhi bukalamu. Baidhukulu ba Manasse boona balifuuka ighanga, era baliba bakologho. Aye muto we n'alimusinga obukologho, era baidhukulu be balifuuka amaghanga kamaala.”

1 Ebyomubyanda 17:8

Naabanga ghalala niiwe buli ye wajanga, naasaaniangagho abazigu bo ng'oli kumpi okutuukayo. Era ndidha kukufuula mukologho obe ng'oti n'abantu abakologho ab'oku nsi.

1 Ebyomubyanda 29:12

Niiwe ogaba obukombe n'ekitiibwa. Niiwe ow'amaani n'obuyinza, afuga ebintu byonabyona, era aleetera abantu okuba abakologho, era ab'amaani.

Zabbuli 22:9

Ate nga niiwe owantoola mu nda ya maama, ni bwe nali ku mabeere nga nhonka ng'onkuuma.

Yeremia 1:5

“Nakulonda nga nkaali na kukuwumba mu nda ya inhoko. Era wali okaali kuzaalibwa naakutukuza naakulonda obe mulanzi eri amaghanga.”

Yeremia 35:6

Aye bairamu bati: “Ife titwidha kunhwa mwenge gwa mizabbibu, kuba dhaadha waife Yonadabu mutabane wa Rekabu, yatukoba ife beene, n'abaana baife, era ni baidhukulu baife, obutanhwanga mwenge gwa mizabbibu.

Abalevi 10:9

“Iwe ni batabane bo, bwe munaabanga munhweire ku mwenge ogw'emizabbibu, oba ekitamiiza ekindi kyonakyona, mutaingiranga mu Weema ey'Okwagaananirangamu ni Musengwa Katonda. Bwe mulikikola, muja kufa. Eiteeka eryo linaakuumibwanga ab'olulyo lwaimwe enaku dhoonadhoona.

Zekaria 9:15

Musengwa Katonda oyo Afuga Amagye alikuumanga abantu be, yaabaleetera okuzikiriza abazigu baibwe, baabatyankirira. Balitamiira okuyugha omusaayi gw'abazigu, baaba ng'oti n'abatamiire omwenge. Era omusaayi ogwo guliba mungi ng'oti n'ogw'emisengo, gwe bayugha n'ekibya ku alutaari ni gutoonherera ku nsonda dhaayo.

Luka 1:14

Olifuna eisanhu era waasangaala era abantu kamaala balisagamba olw'okuzaalibwa kwe.

Luka 7:28

Ka mbakobere ezira muntu yeenayeena azaalibwa mukazi asinga Yoanne aye asembayo mu Bwakyabazinga bwa Katonda amusinga.”

Luka 7:33

Yoanne Omubatiza yaidha nga talya mugaati era nga tanhwa mwenge, mwakoba muti, ‘Aliku omuzimu omubi!’

Yoanne 5:35

Yoanne yali ng'oti itaala eryaka ni limulisa, aye okumulisa kwe kwabasangaazaaku kaseera buseera.

Ebikolwa by'Abatume 2:4

era boonaboona baidhula Mwoyo Mutukuvu baatoolera okwogera mu nnimi edhindi, nga Mwoyo bwe yabaghanga okwogera.

Ab'e Galatia 1:15

Aye Katonda yali yamala ira okuunonda nga nkaali na kuzaalibwa, yandhawula era yantaagho okumukolera omulimo olw'ekisa kye.

Ab'Efeso 5:18

Mutairanga mu kutamiira mwenge ogwidha okubaitaitana, aye mwidhule Mwoyo Mutukuvu.

Yoshua 3:7

Musengwa Katonda yaakoba Yoshua ati: “Ku lunaku luno nja kwoleka Abaisiraeli boonaboona nga bw'oli n'ekitiisa ekya ghaigulu. Baidha kumanha nga ndidha kubanga n'iwe, nga bwe nalinga ni Musa.

Yoshua 4:14

Ku lunaku olwo, Musengwa Katonda yayoleka Abaisiraeli boonaboona nga Yoshua bweyali n'ekitiisa ekya ghaigulu, era okuva n'olwo baamutya enaku dhoonadhoona edh'obulamu bwe, ng'oti ni bwe baatyanga Musa.