Isaia 9:5 - Baibuli Ekibono kya Katonda 2014

⁵ Engaito dh'abaisirukale abayoolooka okwidha okulumba, n'ebivaalo byaibwe bye bafuusefuuse mu musaayi, birifuulibwa nku byayokebwa omuliro.

Isaia 9:5 ပူးပေါင်းရင်းမြစ်များ

Amainhama 32:30

Yakobo yaatuuma ekifo ekyo eriina Penieli, ng'akoba ati: “Mbonagaine ni Katonda maiso ku maiso, aye naasigala nga nkaali mulamu.”

Zabbuli 46:9

Alekeza okulwana entalo mu nsi yoonayoona; yaakutulakutula mu bulaso, era yamenhamenha amafumo, n'engabo yaadhikumaku omuliro.

Zabbuli 72:3

Ensi eveemu amakungula amalungi, n'obutuufu bwo bweyoleke.

Okuvaayo 23:21

Imwe mumuwulire, mugondere kiisi ky'abakoba. Mutamudheemera, taidha kubasonigha kwonoona kwaimwe, kuba ali kwidha mu liina lyange.

Isaia 13:4

Muwulire akasasamalo akali ku lusozi ng'oti n'amamiro ag'olukunkumuli lw'abantu. Muwulire okwasiikana okw'obwakyabazinga, okwasiikana okw'amaghanga agali kwesoloza. Musengwa Katonda Afuga Amagye ali kusoloza eigye okulwana olutalo.

Isaia 2:4

Musengwa Katonda aliramula amaghanga, yaasalira abantu kamaala emisango gyaibwe. Edhibaire empiima dhaibwe edh'okulwanisa balidhigheesaamu mbago, ate amafumo gaibwe baagagheesaamu busolobyo bwa kuwoolera. Amaghanga tigaliirayo kugema bya kulwanisa kuja kulumba gainaago, waire okwirayo okutendekebwa mu by'entalo.

Isaia 30:33

Ekifo eky'okwokeramu kyabazinga w'e Assiria kyategekebwa ira. Ekifo ekyo kinene era kirimu olwina oluleeyi, olwidhwire enku. Musengwa Katonda alifuuwa omuuka oguli ng'oti buganga bwa salufa, gwakikunaaniaku omuliro.

Isaia 37:36

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

Isaia 4:4

Agho Musengwa Katonda aliba ng'amaze okukozesa obuyinza bwe okusalira omusango abantu b'omu Yerusalemu, n'okubanaazaaku ebibi byaibwe, n'okutoola ku Yerusalemu omusango ogw'obutemo bwe baakikoleramu.

Isaia 9:4

Kuba obatoireku obuzito obwabavunanga, waamenhamenha emiigo gye baabakubisanga ku mabega, waaghangula amaghanga agaatuntuzanga abantu bo, ng'oti ni bwe waghangula Abamidia.

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Yeremia 23:5

Musengwa Katonda era yaakoba ati: “Bona eno, ekiseera kiri kwidha, nteegho omwidhukulu omutuufu owa Daudi abe kyabazinga. Aja kufuganga n'amagezi era aidha kukolanga amazima n'ebituufu mu nsi ye.

Yeremia 47:3

Baliwulira ebinuulo by'embalaasi nga biri kubbagalya ku itaka, baawulira okupakalania okw'ebigaali eby'omu lutalo, n'okuwoloma okw'enkede dhaabyo. Abazaire tibalikyuka kunona baana baibwe, emikono giribalekuka nga giwoiremu amaani.

Yoeli 2:5

Dhituumiratuumira ku ngulu kw'ensozi nga dhivuuma ng'oti n'okupakalania okw'ebigaali eby'omu lutalo; era ng'oti n'okutulikatulika okw'eisubi eikalu nga liri kumamulwa omuliro. Dhisimbye enhiriri ng'oti igye lya maani eryetegeike okulwana.

Abalevi 3:11

Kabona anaabyokeranga byonabyona ku alutaari ng'ekigheebwayo eky'eby'okulya ekigheebwayo eri Musengwa Katonda ekyokebwa.

Abalevi 3:16

Kabona anaayokeranga ebyo byonabyona ku alutaari ng'ekigheebwayo eky'eby'okulya ekyokebwa, olw'akawoowo kaakyo akasangaaza Musengwa Katonda. Amasavu goonagoona ga Musengwa Katonda.

Mika 5:1

Abantu ab'e Yerusalemu mwesoloze mukole eigye! Batuzingiiza! Bakubye omufuzi wa Isiraeli ku itama n'olwigo.

Nahumu 3:2

Wulira omuvuuma ogw'enkoba nga bali kukuba embalaasi dhe bali kuvuga. Wulira okuwoloma okw'enkede edh'ebigaali eby'omu lutalo, n'empindo edh'ebigere eby'embalaasi, n'okupakalana okw'ebigaali eby'omu lutalo.

Zekaria 6:13

Oyo n'alizimba eisinzizo eryo, era oyo ye baligha ekitiisa eky'obwakyabazinga, yaaba mufuzi. Ghalibaagho kabona alibanga agho okumpi n'ekityamo kye eky'obwakyabazinga, nga bombi bategeeragana mu miraala.’

Matayo 3:11

“Bwenebwene nze mbabatiza na maadhi okulaga okwenenia kwaimwe, aye anvaaku einhuma n'asinga nze obukumu, oyo ye ntagwanira na kuba mu kifo kye alibatiza mu Mwoyo Mutukuvu ni mu muliro.

Ebikolwa by'Abatume 2:19

Ndiraga ebyewuninkiriza eyo ghaigulu mu igulu, n'ebyewuunhio ghansi ku nsi. Ghalibaagho omusaayi, omuliro, n'omwosi ogunioka.

Ebikolwa by'Abatume 2:3

Baabona enimi ng'edh'omuliro, nga dheetengeike ku buli mulala

2 Ab'e Thessalonika 1:8

Aliidha n'omuliro ogwaka, yaaleetera abatatya Katonda n'abatagondera Mawulire Malungi aga Musengwa waife Yesu, okudaagadaaga.

Abalamuzi 13:18

Malaika wa Musengwa Katonda yaamwiramu ati: “Lwaki ombuuza eriina lyange eryewuninkiriza?”

1 Samueli 14:19

Saulo yabanga eno ng'ali kwogera ni kabona, ere okutabuka okwali mu kifo Abafilisiti ghe baasimba weema dhaibwe nga kuli kweyongera. Agho Saulo yaakoba kabona ati: “Toolagho omukono gwo!”