Isaia 9:18 - Baibuli Ekibono kya Katonda 2014

¹⁸ Ebyonoono by'abantu byokya ng'oti muliro, ogusaaniagho enkandwa n'amawa; ni gumamula ebibira, ni guvaamu ebire eby'omwosi ebiri ng'oti mpango, era ni gunioka nga guja ghaigulu.

Isaia 9:18 ပူးပေါင်းရင်းမြစ်များ

1 Bakyabazinga 16:21

Agho Abaisiraeli beesalamu ebitundu bibiri: abandi nga benda Tibuni mutabane wa Ginathi ye babe bafuule kyabazinga, ate abandi nga benda Omuri.

Zabbuli 37:20

Aye ababi baja kufa; abazigu ba Musengwa Katonda abo baja kuwaagho mangu ng'oti munhiriro gwa isubi, era ng'oti n'omwosi bwegubulagho.

Zabbuli 68:2

Ng'empewo bw'efuuwa omwosi ni guvaagho, weena otyo bw'obe obafuumuule embiro baje. Ng'omuzigo bwe gusaanuuka nga guli gha muliro, n'ababi boona batyo bwe babe bazikirire, baweegho mu maiso ga Katonda.

Zabbuli 83:14

Ng'oluyiira bwerusenkeenha ekibira, n'enimi edh'omuliro ni dhikoleeza ensozi,

Isaia 1:31

Ab'amaani baliba ng'oti isubi ikalu, ate ebibi bye bakola byaba ng'oti nnimi dha muliro, olwo baliyiira ghalala nabyo, era ghaabulagho n'omuntu asobola okulobera okuzikirizibwa kwaibwe.

Isaia 1:7

Ensi yaimwe bagizikiriiza, n'ebibuga byaimwe baabyokya omuliro byasiriira; abantu abagwira balumbye ensi yaimwe; baaginhaga era baazikiriza n'ebigirimu nga mubona muti.

Isaia 26:11

Wo Musengwa Katonda, iwe ogalwire omukono gwo okubabonereza, aye era ekyo tibakibona naire. Kale iwe babonereze obaswaze nga bwe weesoomera okukola abazigu bo. Balage nga bw'olumirwa abantu bo.

Isaia 27:4

Mpegaano ndekeire agho okusungughalira eisamba eryo. Nguli gabaire mawa na nkandwa nga bye ndi n'okulwanisa, nandibibunziiza byonabyona, naabyokera ghalala.

Isaia 3:5

Abantu balituntuza bantu banaibwe, buli muntu yaakiriga mwine era yaanhigiriza muliraanwa we. Abato balinhooma abakulu, n'abantu abazira kye bagasa baanhooma ab'ebitiibwa.

Isaia 30:30

Musengwa Katonda alireetera abantu boonaboona okuwulira amamiro ge ag'ekitiisa, n'okubona omukono gwe ogubonereza nga gwika. Ghalibaagho enimi edh'omuliro oguzikiriza buli kiri mu ngira yaagwo, era ghaabaagho okughemya n'okutyabuka kw'olukuba, ni kiwunga, n'amaadhi agalimu amabaale ag'omugozi.

Isaia 30:33

Ekifo eky'okwokeramu kyabazinga w'e Assiria kyategekebwa ira. Ekifo ekyo kinene era kirimu olwina oluleeyi, olwidhwire enku. Musengwa Katonda alifuuwa omuuka oguli ng'oti buganga bwa salufa, gwakikunaaniaku omuliro.

Isaia 33:12

Mulifaanana ng'oti babookiikya mwafuuka bwa ivu, era mwaba ng'oti mawa ge batemye ni bagookya gasiriira mu muliro.

Isaia 33:14

Aboonooni abali mu Sioni bali mu kutya kwereere; abantu abo abatatya Katonda bali kudhugumira, nga bakoba bati: “Musengwa Katonda ali ng'oti muliro oguzikiriza buli ekiri mu ngira yaagwo. Kale naani ku ife asobola okusigala ng'akaali mulamu mu kwokerera okwo okutalekera ebyanda n'ebyanda?”

Isaia 5:24

Kale ni ng'omuliro bwe gumamula ebikaba, n'eisubi eikalu ni liya okuweekereragho, boona ebyo bye beesiga bwe birivunda, n'ebyo bye bakola byafuumuuka ng'oti nkungu; kuba baaloba amateeka ga Musengwa Katonda Afuga Amagye, baanhooma ekiragiro eky'Omutukuvu wa Isiraeli.

Isaia 50:11

Imwe mwenamwena abasala enkwe okuzikiriza banaimwe, mumanhe nti imwe beene niimwe mulyezikiriza mu nkwe dhaimwe dheene. Ekyo Musengwa Katonda mwene n'alikireetera okuba kityo, era mulifiira mu bulumi.

Yeremia 9:3

Olulimi lwe bakozesa ti lutereevu naire, lwidhwire buguya bwereere. Ensi yaibwe mu kifo ky'okubaamu amazima, eidhwire bukupankupania. Musengwa Katonda akoba ati: “Abantu bange beeyongera bwa kukola bibi, era nze tibandidhi naire.”

Hosea 13:3

Kale ni abantu abo baliwaagho ng'oti lufu lwa ku nkyo, era ng'oti musulo ogukala nga bukaali na nkyo. Baliba ng'oti musinsi empewo gw'efuuwa okuva ghe bakubira engaano, era ng'oti mwosi ogufuumuukira mu kituli ni gubulagho.

Yoeli 2:20

Ndidha kutoolagho eigye ery'enzige edhaava ku luuyi olw'omukono omugooda olw'e buvandhuba. Edhindi ndidha kudhibingira mu irungu ezira bantu: edho edhiri mu bikunsu ebikulembeiremu ndidha kudhisindika mu Nhandha Eyomuunhu. Ate edho edhiri mu bikunsu eby'einhuma ndidha kudhisindika mu Nhandha Eyaghagati. Ndidhizikiriza olw'ebibi bye dhaabakola, era emirambo gyadho giriwunha inho.

Yoeli 2:3

Aghantu ghe dhiriire ebimera ghaba ng'oti muliro n'ogwokiikyagho. Emberi ye dhikaali kutuuka, ensi eba ng'oti n'enimiro ey'e Edeni, aye einhuma ye dhimaze okubita efuuka bifulukwa byereere omutaba bantu. Ghazira kintu waire ekirala kiti kye dhitazikiriza.

Amosi 7:4

Kabiri Musengwa Katonda yandholeka bino: naja okulinga nti nga mmubona ng'alikweta okwokya okw'endhuba okuli ng'oti muliro, kwidhe kubonereze abantu be. Enhandha yali emaze okwokebwa okuva ku ntobo era nga n'obukalu butooleire okuya.

Obadia 1:18

Abantu ab'oku nda ya Yakobo n'ab'oku nda ya Yosefu baliba ng'oti muliro, ate ab'oku nda ya Esau baaba ng'oti isubi ikalu. Omuliro ogwo guliryokya gwalimalagho, olwo ghabulegho awonagho waire omulala ati ku b'oku nda ya Esau. Nze Musengwa Katonda ninze ndhogeire.

Nahumu 1:10

Waire muli ng'oti n'amawa amakaadaanie, era mwaba ng'oti n'abanhwi b'omwenge abatamiire, muja kusaanagho ng'eisubi eikalu bwe limamuka n'omuliro.

Nahumu 1:6

Bw'asungughala ghazira abaagho nga mulamu, era ghazira aghanga kugumira busungu bwe obuli ng'oti muliro. Obusungu bwe obwo bwe butumbuka, ni bwe luba olubaale lumenhekamenheka, lwesa ng'oti nkungu.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Amateeka Agokubiri 32:22

Obusungu bwange bwidha kutumbuka ng'oti muliro, bwokye kiisi kiri ku nsi kyonakyona. Bwidha kwaka okutuuka e magombe ghansi eyo, bwokye emisingi gy'ensozi.

Abaheburayi 6:8

Aye bwe likuza amawa n'eisubi, liba tirikaagasa era nga liri kumpi kulaamibwa na kuzikirizibwa na muliro.

Okwolekebwa 14:11

Omwosi ogw'okudaazibwadaazibwa kwaibwe gwa kunioka ebyanda n'ebyanda. Era abasinza ekisolo n'ekifaananie kyakyo, na kiisi yeenayeena eyateebwaku akamanhiso k'eriina lyakyo, tibaligheeraku omusana n'obwire.”