Isaia 9:14 - Baibuli Ekibono kya Katonda 2014

¹⁴ Kale ni, Musengwa Katonda oyo ky'aliva n'abonereza ensi Isiraeli ku lunaku lulala luti, ebe ng'oti n'ekitonde kye batemyeku omutwe n'omukira, oba ng'ekimera kye batemyeku ensaga n'emizi;

Isaia 9:14 ပူးပေါင်းရင်းမြစ်များ

Isaia 10:17

Musengwa Katonda oyo eitaala lya Isiraeli aliba omuliro, Katonda oyo Omutukuvu wa Isiraeli yaaba enimi edh'omuliro; ogulyokya ni gusaaniagho mu lunaku olulala, abo boonaboona abali ng'oti n'amawa n'enkandwa.

Isaia 19:15

Mpegaano mu Misiri timukaalimu muntu akola bigasa, k'abe mukulu oba muto, k'abe mukulembeze oba akulemberwa.

Isaia 30:13

agho ni muliku omusango era gubaleeteire okuba ng'oti n'ekimante ekigungumavu ekyetemye ogutanda, nga kiruyiriire era nga kiri kugwa amangu geene, mu kaseera buseera.

Yeremia 6:21

Kale ni ndidha kubateera ebitimuguunha mu ngira, beekontole okwo bagwe. Abazaire ghalala n'abaana baibwe, bakagwa baibwe ni baliraanwa baibwe, baja kuzikirira.”

Yeremia 8:12

Bandibaire baswalanga nga bakoze ebyenhinhalwa! Aye busa naire, tibaswala waire akatono kati. N'ensoni tidhibagemaku naire. Kale ni kyebaliva ni baghangulwa ng'oti n'abandi bwe baaghangulwa, era ni bazikirira lwe ndiidha okubonereza. Nze Musengwa Katonda, ninze nkobye.”

Okulira 4:16

Musengwa mwene yabasansaania, nga takaabafaaku, nga takaata mu bakabona kitiisa, era nga takaagemerwa bakulembeze kivunika.

Hosea 1:4

Musengwa Katonda yaakoba Hosea ati: “Mutuume eriina ‘Yezireeli,’ kuba esigaireyo ekiseera kitono mbonereze kyabazinga wa Isiraeli olw'obutemo dhaadha we Yehu bwe yakolera e Yezireeli. Nja kulekeza ab'oku nda ya Yehu okufuga obwakyabazinga bwa Isiraeli.

Hosea 1:6

Gomeri yaatoola enda kabiri, yaazaala omwana mughala. Musengwa Katonda yaakoba Hosea ati: “Mutuume eriina ‘Tasaasirwa,’ kuba nze tikaasaasira Baisiraeli, waire okubasonigha.

Hosea 1:9

Musengwa Katonda yaakoba Hosea ati: “Mutuume eriina ‘Tiibantubange,’ kuba imwe timukaali bantu bange, era zeena tikaali Katonda waimwe.”

Hosea 10:15

Mwena Abaisiraeli batyo bwe balibakola olw'ebibi byaimwe ebitaloodheka. Kyabazinga wa Isiraeli aliitibwa ng'olutalo lwakatoolera.”

Hosea 13:3

Kale ni abantu abo baliwaagho ng'oti lufu lwa ku nkyo, era ng'oti musulo ogukala nga bukaali na nkyo. Baliba ng'oti musinsi empewo gw'efuuwa okuva ghe bakubira engaano, era ng'oti mwosi ogufuumuukira mu kituli ni gubulagho.

Hosea 4:5

Imwe bakabona mugwa mu nsobi omusana n'obwire, n'abalanzi boona baakola n'ekirala ng'oti niimwe. Kale ni ndizikiriza Isiraeli inhaimwe.

Hosea 8:8

Abaisiraeli boona bafuuse ng'oti n'abamaghanga agandi, era tibakaali na mugaso ng'oti n'entamu emenheike.

Amosi 3:12

Musengwa Katonda akoba ati: “Ng'omwayi w'entaama bw'awoniagho amagulu abiri obubiri, oba akatundu obutundu aka kutu, n'Abaisiraeli ababa mu Samaria boona batyo bwe baliwonezebwa n'ensonda ey'omwito, n'akatundu ak'obuliri.”

Amosi 6:11

Bona eno, Musengwa Katonda bw'aliragira, endhu enkologho n'edho entono dhija kumenhebwamenhebwa dhisigale bumulumulu.

Amosi 7:17

Musengwa Katonda ali kukukoba iwe Amazia ati, ‘Mukazi wo aidha kuba malaaya mu kibuga, ate batabane bo ni baghala bo babaitire mu lutalo. Eitaka lyo baidha kulipima n'omugugha baligabane, n'iwe mwene baidha kukutwala mu nsi etali nongoofu y'olifiira. Era Abaisiraeli bateekwa okutwalibwa mu bunhage bave mu nsi yaibwe.’ ”

Okwolekebwa 18:10

Balyemerera ghalaku olw'okutya okudaagadaaga kwe, baakoba bati: “Okagwireku, okagwireku iwe Babiloni ekibuga ekikologho! Iwe ekibuga eky'amaani! Ozikiriziibwa mu saawa busaawa eti!”

Okwolekebwa 18:17

Mu saawa busaawa eti ofiiriirwa eby'obukombe ebyo byonabyona!” N'abakulu ab'amaato, n'abakozi ab'oku maato, n'abantu be bawungula, n'abo boonaboona abakola ku nhandha, balyemerera ghala.

Okwolekebwa 18:8

Ebibamba bye kye biriva bimwidhira ku lunaku olulala, endwaire ya kawumpuli, obughafu, n'endhala. Era alyokebwa omuliro, kuba Musengwa Katonda ali kumusalira omusango okumusinga wa maani.”