Isaia 9:11 - Baibuli Ekibono kya Katonda 2014

¹¹ Kale ni, Musengwa Katonda ky'aliva n'asiikuula abazigu ba Rezini, n'abaleetera okulumba Isiraeli.

Isaia 9:11 ပူးပေါင်းရင်းမြစ်များ

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

2 Bakyabazinga 16:9

Kyabazinga w'e Assiria yaikiriza, yaaja yaalumba ekibuga Damasiko yaakigema, yaita kyabazinga Rezini, era yaatwala abantu baayo e Kiri nga banhage.

Isaia 10:4

Muliba nga muzira kindi kya kukola okutoolaku okutwalibwa mu busibe, oba okwitibwa mu lutalo. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Isaia 28:1

Obwakyabazinga bwa Isiraeli bukagwireku, olw'abantu baamu okwekuluntaza n'okuba abatamiivu. Ekitiibwa kyaibwe kiri kuwaagho, ng'oti n'engule dh'ebimuli edhinialiire ku mitwe gy'abakulembeze baibwe, abatamiira ni bawaamu.

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Isaia 7:1

Mu biseera Ahazi mutabane wa Yothamu era mwidhukulu wa Uzzia bye yafugiramu Buyudaaya, Rezini kyabazinga wa Siria, ni Peka mutabane wa Remalia era kyabazinga wa Isiraeli, baalumba Yerusalemu aye kyabalema okughangula.

Isaia 7:8

kuba Rezini afuga Siria yonka n'ekibuga kyayo ekikulu Damasiko. Ate mu myaka nkaaga n'etaanu, Isiraeli eriba yeekutwirekutwiremu nga tekaali ighanga irala.