Isaia 8:9 - Baibuli Ekibono kya Katonda 2014

⁹ Mwesoloze imwe amaghanga, aye balibatentena; mutege kutu imwe mwenamwena ab'omu nsi edh'eghala, mwetegeke okulwana, aye balibatentena; mwetegeke okulwana, aye balibatentena.

Isaia 8:9 ပူးပေါင်းရင်းမြစ်များ

1 Bakyabazinga 20:11

Kyabazinga wa Isiraeli yaamwiramu ati: “Mumukobe muti, ‘Ole agemye eby'okulwanisa okuja mu lutalo, tagwaine kwesuutiriza ng'oti n'ole amaze okubiisa ghansi ng'alughangwire.’ ”

Ensambo 11:21

Ekikakafu kiri nti abakozi b'ebibi baja kubonerezebwa, aye abatuufu akabi tikaja kubatuukaku naire.

Isaia 28:13

Kale ni, Musengwa Katonda ky'aliva n'abeegeresa eisomo ku isomo, ekiragiro ku kiragiro, n'akanhiriri ku kanhiriri. Olwo baje ekyeinhumainhuma bagwe enume y'ekigwo, olutuula lubagemye babatwale nga basibe.

Isaia 37:36

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

Isaia 54:15

Omuntu yeenayeena alikutanulaku olutalo, ti ninze ndiba nga mmuganhie akole atyo. Buli alikutanulaku olutalo olimughangula yaagwa ere.

Yeremia 42:11

Mulekere agho okutya kyabazinga w'e Babilonia. Nze ndi n'imwe era ndidha kubatoola mu ngalo dhe mbawonie.

Yeremia 46:3

“Abaduumizi Abamisiri baakaabuka bati, ‘Mugeme engabo dhaimwe enene n'entono, mwetegekere okuja mu lutalo.

Yeremia 46:4

Imwe abavuzi b'embalaasi, musibe ebigaali byaimwe eby'omu lutalo ku mbalaasi dhaimwe. Mughagale amafumo gaimwe, muvaale enkuufiira dhaimwe edh'ekyuma, n'ebivaalo eby'omu kifuba eby'ekyuma. Muniine ku bigaali eby'omu lutalo ebyo, musimbe enhiriri.’ ”

Yeremia 51:20

Musengwa Katonda akoba ati: “Iwe ensi Babilonia, oli nhundo yange era eky'okulwanisa kyange mu lutalo. Nakukozesa okuzikiriza amaghanga n'okusaaniagho obwakyabazinga.

Ezekieli 38:7

“Ba mwetegefu, n'amagye go goonagoona ogalagire gabe nga geetegeike.

Ezekieli 38:8

Nga ghabiseeghooku ekiseera kinene, mu biseera eby'oluvainhuma ndikulagira okulumba ensi Isiraeli, olutalo ye lwagoya einho ni lugireka agho etyo ng'eri bifulukwa byereere omutaba bantu okumala entangama. Abantu baamu baali basansaine aye mpegaano baira nga bava mu maghanga kamaala, baaba ku nsozi dh'ensi yaibwe eyo nga bali mu miraala.

Yoshua 11:5

Bakyabazinga bano boonaboona beeyimba, baidha baasimba weema dhaibwe ghalala e Meromu ku mwiga, okulwana n'Abaisiraeli.