Isaia 8:7 - Baibuli Ekibono kya Katonda 2014

⁷ kale ni bona eno, nze Musengwa Katonda nja kubaleetera amaadhi amangi ate ag'amaani agava mu mwiga Eufurate, oyo nga ni kyabazinga w'e Assiria n'abalwani be boonaboona. Amaadhi ago galiidha gaidhuza emyeta gy'amaadhi egy'omu Buyudaaya mwonamwona, gaakuuluulira ni ku mbali kwagyo.

Isaia 8:7 ပူးပေါင်းရင်းမြစ်များ

Amainhama 6:17

kuba bona, ndidha kuleeta omwidhuzo gw'amaadhi ku nsi guzikirize kiisi kiri na bulamu ekiri ghansi gh'eigulu. Buli kintu ku nsi kiidha kufa.

2 Bakyabazinga 19:32

“Bino Musengwa Katonda by'akoba ku kyabazinga w'e Assiria: ‘Taidha kwingira mu kibuga kino, waire okulasaayo akasaale. Taidha kukirumba na ngabo, waire okukibungaku emungo ey'eitaka ey'okuniiniraku okukirwanisa.

Ezera 4:10

ghalala n'abantu abamaghanga agandi goonagoona, Osinappari omukologho be yatoola mu maka gaibwe eby'entaka, okusenga mu bibuga eby'e Samaria ni mu kiketezo ekiri ere ng'osomoike omwiga Eufurate.”

Zabbuli 46:4

Eriyo omwiga oguli n'emyala egireeta eisanhu mu kibuga kya Katonda, agho mu ndhu entukuvu aghali oyo Ali Ghaigulu Yeene.

Zabbuli 72:8

Obwakyabazinga bwe bugazighe okuva ku nhandha okutuuka ku nhandha. Era buve ku mwiga Eufurate okutuuka ensi y'ekoma.

Isaia 10:16

Kale ni, Musengwa Katonda Afuga Amagye alisindika obulwaire bwagoogombya abalwani ba kyabazinga w'Assiria abageedhu obukalamu, yaabaleetera okukyemuka mu mibiri ng'oti bwa muliro.

Isaia 10:5

Musengwa Katonda yaakoba ati: “Assiria, n'omwigo gwe ngema nga nsungughaire, gwe nkozesa okubonereza abo be ndiku n'ekiruyi.

Isaia 11:15

Musengwa Katonda alikozesa empewo ye ebabula yaakaza ekikono ky'enhandha y'e Misiri; era yaasonka omukono gwe ku mwiga Eufurate, yaagwawulamu obwiga musanvu, abantu bwe basobola okusomoka nga tibabozeeku naire.

Isaia 28:15

Musengwa Katonda akoba ati: “Mwesuuta mbu mwakola endagaano n'okufa, era mbu mwataagho entegeeragana ghagati ghaimwe n'amagombe. Era mukoba muti akabi namuzisa bwe kaliidha, imwe tikalibatuukaku, kuba obulimba n'obuguya bye mufiire obulumukiro bwaimwe obubawonia.”

Isaia 28:17

Okukola amazima n'okulifuuka olukoba olupima, ate obutuufu bwaba akagugha akatereeza ekisenge ekizimbibwa.” Kiwunga alimu omugozi alyeyaagho obuguya bwaimwe bwe mwesiga, amaadhi ag'omwidhuzo gaazikiriza ebyo bye mwesiguliraku.

Isaia 28:2

Bona, Musengwa Katonda ali n'omuntu we ow'amaani aziramu ntete naire, eyeetegeike okubalumba n'amaani. Omuntu oyo ali ng'oti ni kiwunga namuzisa alimu n'omugozi; ali ng'oti ni kiwunga ow'amaani einho, era ng'oti n'amaadhi ag'omwidhuzo agataalaala ni gaidhula ensi.

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Isaia 59:19

Abantu okuva e buvandhuba okutuuka e bugwandhuba balimutya, era baatya n'ekitiisa kye kuba aliidha ng'oti n'omwiga oguwolomboka n'amaani, nga gutwalibwa empewo Musengwa Katonda mwene y'asindika.

Isaia 7:17

Musengwa Katonda alikuleetera iwe ebizibu, n'abantu bo, n'ab'endhu ya lata wo, nga tibibangaghooku okuva obwakyabazinga bwa Isiraeli lwe bweyawula ku bwa Buyudaaya. Kuba aja kubaleetera kyabazinga w'e Assiria.

Isaia 7:20

“Olunaku olwo bwe lulituuka, Musengwa Katonda alibasala enviiri n'akamwano k'alipangisa okuva ere ng'osomoike omwiga Eufurate oyo nga ni kyabazinga w'e Assiria. Alibasalaku enviiri ku mitwe, n'ebirevu, n'obuviiri obw'oku mibiri gyaimwe.

Yeremia 47:2

Yaakoba ati: “Bona! Abazigu bali kwesololeza ere ku luuyi olw'omukono omugooda olw'e buvandhuba, nga bali ng'oti n'omwiga oguli kubanda. Baidha kubuutikira ensi n'ebigiriku byonabyona, babuutikire n'ebibuga n'abantu ababibaamu. Abantu baliririra nze mbayambe, buli muntu ali ku nsi aliwowoola amaziga.

Yeremia 51:42

Enhandha etaalaaliire ku kibuga Babiloni, yaakimira n'amaadhi gaayo agawolomboka nga geefuukuula.

Ezekieli 26:19

Musengwa Katonda akoba ati: “Ndikufuula ekibuga ekyonooneibwa ni kifuuka ebifulukwa, olwo waaba ng'ebibuga ebindi ebitakaabaamu bantu. Ndikuyoolookezaaku amaadhi amangi ag'enhandha gaakusandikira.

Danieli 11:10

“Batabane ba kyabazinga wa Siria oyo balitegeka okulwana olutalo, baasoloza eigye einene einho. Eigye eryo liriidha nga liri kubanda bubande ng'oti n'amaadhi ag'omwidhuzo, lyataalaala mu nsi eyo era lyatuukira irala ni mu kifo kya kyabazinga eky'okwewogomamu.

Danieli 11:22

Alyeyaagho yaazikiriza kiisi muntu yeenayeena aligezaaku okumulwanisa, ni bw'aliba Omukulu wa Bakabona ba Katonda.

Danieli 9:26

Ng'emyaka enkaaga n'ebiri emikuzi omusanvu gibiseegho, omukulembeze omulonde wa Katonda aja kwitibwa, aye ng'aziraku musango. Ghalibaagho omufuzi ow'amaani aliidha n'eigye lye, yaazikiriza ekibuga n'eisinzizo. Enkomerero ye eriba ng'oti maadhi ga mwiga ogubanze. Era ghalibaagho olutalo n'okuzikirizibwa.

Amosi 8:8

Olw'ebikolwa ebyo, ensi eritengeeta, n'abantu boonaboona baagemwa enaku ensi erisiikuuka, yeefuukuula ng'oti n'omwiga Kiyira.

Amosi 9:5

Musengwa Katonda afuga amagye agema ku nsi, ensi yaatengeeta n'abantu boonaboona baagemwa enaku. Ensi esiikuuka yeefuukuula ng'oti n'omwiga Kiyira.

Mika 1:9

Kuba Samaria alwaire amabwa ga kokolo agatali ga kuwona, era gatuuse n'okugema Buyudaaya okuzikirira kuseese kwatuukira irala ku mulyango gwa Yerusalemu, ekibuga abantu bange mwe baba.”

Mika 5:4

Aja kufuga abantu be mu maani ga Musengwa Katonda, era Musengwa Katonda oyo amufuule okuba kyabazinga omukologho. Abantu be baja kuba n'emiraala, kuba ensi yoonayoona eja kumubona nga mukologho.

Mika 5:5

Kino kija kuleetagho emiraala. Ab'e Assiria bwe balitulumba, ni baghagula ebifo byaife ebigumu bye twesiga, tuja kusindika abakulembeze ab'amaani babalwanise.

Nahumu 1:8

Aye abazigu be abazikiriza n'omwidhuzo ogw'amaadhi ag'amaani. Abo abamutakania abasindika mu nzikiiza ey'omu magombe.

Luka 6:48

Ali ng'oti n'omuntu eyazimba endhu, nga yasooka yaasima ghansi, yaakuba omusingi ku lubaale, omwidhuzo gwabaagho, omwiga gwayalaala gwabanda endhu eyo, aye tigwaghanga kugitengeesa, kuba yali ezimbiibwa bukalamu.

Okwolekebwa 17:15

Malaika era yankoba ati: “Amaadhi g'oboine malaaya g'atyaimeku, n'abo enkunkumuli edh'abantu, aba kiisi kika, kiisi lulimi, na kiisi ighanga.