Isaia 8:4 - Baibuli Ekibono kya Katonda 2014

⁴ kuba omwana oyo aliba akaali na kwega kweta ati ‘Baaba’ oba ati ‘Maama’, ng'obukombe bw'e Damasiko n'ebintu byonabyona Samaria bye yanhaga, byamala ira okutwalibwa kyabazinga w'e Assiria.”

Isaia 8:4 ပူးပေါင်းရင်းမြစ်များ

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

2 Bakyabazinga 16:9

Kyabazinga w'e Assiria yaikiriza, yaaja yaalumba ekibuga Damasiko yaakigema, yaita kyabazinga Rezini, era yaatwala abantu baayo e Kiri nga banhage.

2 Bakyabazinga 17:3

Agho kyabazinga Shalumaneseri ow'e Assiria, yaalumba Hoshea yaamughangula mu lutalo, Era Hoshea oyo yaaghanga Shalumaneseri omusolo.

Isaia 17:1

Buno n'obukwenda obugema ku Damasiko. Musengwa Katonda akoba ati: “Bona, Damasiko kija kulekera agho okuba ekibuga, kifuuke bwa mmungo dha bifunfugu.

Isaia 17:3

Ensi Isiraeli eriba nga tekaali na bifo bya kwewogomamu kwewonia bazigu, ni Damasiko nga tikikaali na bwakyabazinga. Abasiria abaliwonagho baliswala inho ng'oti n'Abaisiraeli. Nze Musengwa Katonda Afuga Amagye ntyo bwe nkobye.”

Isaia 28:4

Ekitiibwa ky'abakulembeze abo abatamiivu kiriwaagho mangu ng'oti n'ebibala by'emiti emitiini ebisookereza okwenga, abantu bye babona ni babinoga, era ni babirya amangu geene nga byakenga.

Isaia 8:5

Musengwa Katonda yaayogera ninze olundi kabiri.

Amosi 1:3

Musengwa Katonda akoba ati: “Abantu ab'e Siria bakoze ebibi emikuzi kamaala. N'olw'ensonga eyo nteekwa buteekwe okubabonereza. Kuba baabisa abantu ab'e Gileadi mu bukambwe obutaloodheka.

Amosi 1:5

Era nja kumenha olwigi olwigala ekibuga ekyo Damasiko, nzikirize abantu ababa mu kiiko ekyetebwa Aveni, n'omufuzi ow'e Bethedeni. Abantu ab'e Siria baja kutwalibwa mu nsi Kiri nga banhage.”

Yona 4:11

Memale nze tigwaine kufaayo ku Nineve, ekibuga ekikologho ekyo, ekirimu abaana abaziraku musango abaswika mu mitwalo eikumi n'ebiri (120,000), era nga kirimu n'ensolo kamaala?”

Ab'e Roma 9:11

Waire baali nga bakaali na kuzaalibwa era nga bakaali na kukolaku kibi oba kikalamu, aye olw'okutuukiriza entegeka ya Katonda ey'okulondaku omwana omulala, nga tajiira ku bikolwa aye nga ajiira ku kweta kwe mwene,

Amateeka Agokubiri 1:39

“Agho Musengwa Katonda yaatukoba twenatwena ati, ‘Abaana baimwe, abakaali na kwawulagho kirungi na kibi, be mwakoba muti baidha kunhagibwa abazigu, n'abalingira mu nsi eyo. Abo be ndigigha yaaba yaibwe.