Isaia 8:22 - Baibuli Ekibono kya Katonda 2014

²² oba ni balinga ghansi ku itaka, tibalibona kintu kindi naire, okutoolaku enaku n'enzikiiza etiisa, egemye bedimudimu, era mu yeene eyo mwe balibabingira.

Isaia 8:22 ပူးပေါင်းရင်းမြစ်များ

Yobu 18:18

Balimutoola mu butangaavu baamubingira mu nzikiiza, ave mu nsi y'abalamu.

Okuvaayo 10:21

Agho Musengwa Katonda yaakoba Musa ati: “Ghanika omukono ng'ogwolekeza ku igulu, ghaidhegho enzikiiza egeme ku nsi Misiri enzikiiza ere yeene eri bedimudimu.”

Okuvaayo 10:22

Kale Musa yaagololera omukono y'eigulu, memale ghaidhagho enzikiiza ere yeene eri bedimudimu, yaagema ku nsi Misiri okumala enaku isatu.

Ensambo 14:32

Ababi beereetera beene okugwa olw'ebikolwa byaibwe ebibi, aye abatuufu, obwesigwa bwaibwe n'obubakuuma.

Isaia 30:6

Buno n'obukwenda bwa Katonda obugema ku nsolo edh'omu kiketezo ekikalukalu eky'oku luuyi olw'omukono omusaadha olw'e buvandhuba: “Abakwenda ba Buyudaaya babita mu nsi eidhwire ebizibu ebitiisa, erimu empologoma n'emisota egy'obusagwa egya buli nsambo, nga n'omuli n'egyo egiguluka ng'oti nhonhi. Batwika eby'obukombe byaibwe ku ndogoyi ni ku mabbango g'engamiya, baabitwalira abantu abatasobola kubagasa naire.

Isaia 5:30

Olunaku olwo bwe lulituuka, baliwologomera mu Isiraeli, ng'oti n'enhandha bw'ewolomboka. Omuntu bw'aliringirira ensi eyo, alibona nzikiiza na nnaku byonka, ng'ebire bikingiriiza omusana, enzikiiza yaidha.

Isaia 50:11

Imwe mwenamwena abasala enkwe okuzikiriza banaimwe, mumanhe nti imwe beene niimwe mulyezikiriza mu nkwe dhaimwe dheene. Ekyo Musengwa Katonda mwene n'alikireetera okuba kityo, era mulifiira mu bulumi.

Isaia 50:3

Nsobola okwirugaza eigulu, lyaba ng'oti ndivaaziiza kutiya lyoleke nga bwerinakughaire.”

Isaia 59:9

Abantu bakoba bati: “Bwenebwene okukola amazima kutuli ghala, n'okukola ebituufu kutuziramu. Tunoonia obutangaavu, aye twabona bwa nzikiiza ndhereere eri bedimudimu.

Isaia 60:2

Bona eno, enzikiiza erigema ku nsi, enzikiiza eri bedimudimu yaasandikira amaghanga. Aye Musengwa Katonda alivaayo ng'oti ndhuba yaakwakiraku, n'ekitiisa kye kya bonekera ku iwe.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Isaia 9:1

Bazira ngeri ye baliwonamu lunaku lwa kabi olwo. Ebika bya Zebuluni n'ebya Nafutali eira byanhoomebwanga, aye ye bwidha ekiketezo ekyo kiriba kya kitiisa, okuviira irala ku Nhandha Eyaghagati okuja okutuuka e buvandhuba ng'osomoike Yorudani, n'okutuukira irala e Galilaaya abamaghanga agandi ye baba.

Isaia 9:20

Abantu balinhakula buli ghantu mu nsi eyo aye nga tibamatira, era baalya buli kamere ke balyagaana ghano ni ghale aye nga tibaiguta. Balituuka n'okulya abaana abaibwe beene.

Yeremia 13:16

Mughe Musengwa Katonda waimwe ekitiisa ng'akaali kuleeta nzikiiza ni mwekontola ku nsozi. Era nga n'obutangaavu bwe mwasuubira akaali kubufuula nzikiiza eri bedimudimu.

Yeremia 23:12

Kale ni baidha kubanga ng'oti n'abatambulira mu nzikiiza mu ngira etyerera, batyererenga omwo bagwe. Nja kubatuusaaku akabi, kuba ekiseera kyaibwe eky'okubonerezebwamu kiri kwidha. Nze Musengwa Katonda, ninze nkobye.

Matayo 22:13

Agho kyabazinga yaakoba abagheereza ati, ‘Mumusibe amakono n'amagulu mumusuule ku luya mu kizikiiza eri okugegenga n'okuluma emba olw'obulumi obubitirivu.’

Matayo 24:29

“Okudaagadaaga okw'enaku edho nga kwakawa, endhuba eriirugala, omwezi guliroba okwaka, emuunienie dhirimagalika okuva mu igulu, n'amaani ag'omu igulu galitengeesebwa.

Matayo 8:12

aye abaana ab'omu Bwakyabazinga balibingirwa ku luya mu kizikiiza, omuliba okugegenga n'okuluma emba olw'obulumi obubitirivu.”

Yuda 1:13

Bali ng'oti n'okwefuukuula kw'enhandha, ate ebikolwa byaibwe ebiswaza byaba ng'oti n'eiwovu erifuukeera ku maadhi agali kwefuukuula. Bali ng'oti muunienie edhimala gaja eyo dhityo, era Katonda yabategekera okuba mu nzikiiza ebyanda n'ebyanda.

Okwolekebwa 16:10

Malaika owokutaanu yaayugha ekibya kye ku kityamo eky'obwakyabazinga eky'ekisolo. Obwakyabazinga bwakyo bwagema enzikiiza, abantu beerumaluma enimi olw'obulumi,