Isaia 8:21 - Baibuli Ekibono kya Katonda 2014

²¹ Era baidha kuyengeeteranga mu nsi nga beeraliikirivu inho, era nga balumwa endhala. Ng'endhala eri kubaluma, baidha kwesinwanga bakolime kyabazinga waibwe ni Katonda waibwe. Ni bwebaliringa ghaigulu batya,

Isaia 8:21 ပူးပေါင်းရင်းမြစ်များ

2 Bakyabazinga 25:3

Ku lunaku olwomwenda mu mwezi ogwokuna, endhala yeekalangula okuluma abantu mu kibuga, nga tibakaali na kya kulya.

2 Bakyabazinga 6:33

Yali akaayogera nabo, kyabazinga yaatuuka gh'ali, yaamukoba ati: “Musengwa Katonda n'atutuusiisaaku akabi kano. Kale lwaki nhongera okuteega okubona Musengwa Katonda ky'anaakola?”

Yobu 1:11

Aye mpegaano golola omukono gwo omutooleku byonabyona by'ali nabyo, aja ku kuvuma ng'obona n'okubona.”

Yobu 18:12

Endhala emuluma y'awaamu amaani, akabi kali agho kamuteegereire.

Yobu 2:5

Aye mpegaano golola omukono gwo ogeme ku mubiri gwe, aja kukuvuma ng'obona n'okubona.”

Yobu 2:9

Agho mukazi we yaamukoba ati: “Era okaagumiire ku bwesigwa bwo? Vuma Katonda, ofe.”

Okuvaayo 22:28

“Otavumanga Katonda oba okukolimira omufuzi ow'abantu bo.

Ensambo 19:3

Omuntu asobola okukola eby'ekisiru yeereetera mwene okuzikirira, aye yaamala yaasungughalira Musengwa Katonda.

Isaia 14:30

Musengwa Katonda aligha abaana ababeri ab'abanaku einho eky'okulya, n'abali mu bwetaavu baliba mu miraala. Aye imwe Abafilisiti Musengwa Katonda alibaisa endhala, n'abo abaliba bawoniegho boona alibaita n'obukambwe.

Isaia 51:19

Obuzibu bukwidhiire bwa mikuzi ebiri: olutalo lwonoineyonoine ensi yo, n'abantu bo baafa endhala n'empiima. Naani anaakusaasiraku n'anaakugumya?

Isaia 59:9

Abantu bakoba bati: “Bwenebwene okukola amazima kutuli ghala, n'okukola ebituufu kutuziramu. Tunoonia obutangaavu, aye twabona bwa nzikiiza ndhereere eri bedimudimu.

Isaia 65:13

Kale ni, nze Musengwa Katonda nkoba nti, abo abansinza balirya era baanhwa, aye imwe endhala eribaluma n'endiwo yaabagema. Beene balisagamba, aye imwe muliswazibwa.

Isaia 9:20

Abantu balinhakula buli ghantu mu nsi eyo aye nga tibamatira, era baalya buli kamere ke balyagaana ghano ni ghale aye nga tibaiguta. Balituuka n'okulya abaana abaibwe beene.

Isaia 9:21

Abamanasse n'Abaefuraimu balirwanagana beene na beene, ate baamala beeyimba okulwanisa ab'ekika kya Yuda. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Yeremia 14:18

Bwentambula ni njaaku eyo mu byalo, mbona mirambo gy'abaitirwa mu lutalo. Bwenhingira mu bibuga, mbona bantu bali kulambuka ndhala. Abalanzi ni bakabona bakola emirimo gyaibwe nga buliidho mu nsi, aye bazira kye baidhi.”

Yeremia 52:6

Ku lunaku olwomwenda mu mwezi ogwokuna, endhala yeekalangula okuluma abantu mu kibuga, nga tibakaali na kya kulya.

1 Samueli 8:18

Mu kiseera ekyo mulirira olwa kyabazinga waimwe, beene ye mwerondera, aye Musengwa Katonda talibairamu.”