Isaia 8:18 - Baibuli Ekibono kya Katonda 2014

¹⁸ Bona eno, Musengwa Katonda oyo Afuga Amagye era atyama ku kityamo kye ku lusozi Sioni, yatutaagho nze n'abaana bange tube obumanhiso n'ebyamagero mu Isiraeli.

Isaia 8:18 ပူးပေါင်းရင်းမြစ်များ

Amainhama 33:5

Esau bweyalinga ati, yaabona abakazi n'abaana, yaabuuza ati: “Bano ni baani abali n'iwe?” Yakobo yairamu ati: “Abo n'abaana, Katonda olw'ekivunika kye, be yagha omugheereza wo.”

1 Ebyomubyanda 23:25

Daudi yaakoba ati: “Musengwa Katonda wa Isiraeli aghaire abantu be emiraala, era ni mwene yeena aidha kubanga mu Yerusalemu ebyanda n'ebyanda.

Zabbuli 22:30

Ense edh'abaliiragho dhirimugheereza, abantu balighayira oluse olwidha ku Musengwa Katonda,

Zabbuli 71:7

Mbairenga kya kuboneraku eri abantu kamaala, olw'okuba iwe oli mukuumi wange ow'amaani.

Zabbuli 9:11

Mwembe enhembo edhisaaka Musengwa Katonda atyama mu Sioni; mukobere abamaghanga goonagoona ebyo by'akola.

Zabbuli 9:12

Musengwa Katonda afaayo inho ku abo abadaazibwadaazibwa, era tasiriikirira kulira kwaibwe. Yeesasuuza olw'omusaayi gwaibwe ng'abonereza abo ababaita.

Isaia 12:6

Mwembe mukube n'emizira imwe abatyamye b'omu Sioni, kuba Katonda oyo Omutukuvu wa Isiraeli mukologho era aba ghalala n'imwe abantu be.”

Isaia 14:32

Kale abakwenda b'eighanga ly'Abafilisiti abaliidha ye tuli tulibairamu tutya? Tulibairamu tuti, ‘Musengwa Katonda yataagho Sioni, era mu Sioni omwo abantu be abadaazibwadaazibwa mwe balirumukira.’ ”

Isaia 20:3

Musengwa Katonda yaakoba ati: “Omugheereza wange Isaia amaze emyaka esatu ng'atambula madu, okwoleka ebirituuka ku b'e Misiri n'ab'e Ethiopia.

Isaia 24:23

Olwo omwezi guligema enzikiiza, n'endhuba yaaloba kwaka; kuba Musengwa Katonda Afuga Amagye n'aliba kyabazinga ku lusozi Sioni ni mu Yerusalemu. Era alyoleka ekitiisa kye eri abakulembeze b'abantu.

Isaia 53:10

Musengwa Katonda akoba ati: “Ninze namuleetera okumunuubulanuubula, era naamuleetera okwetwika obughafu bwaimwe; kuba bw'aghaayo obulamu bwe ng'ekigheebwayo olw'ebibi, alibona abaidhukulu abamusimukamu, yaayongera ku nnaku dhe edh'oku nsi. Olwo bye nhenda byaba nga bituukirizibwa mu oyo.

Isaia 7:16

Era aliba akaali na kwawulagho kirungi na kibi, ng'ensi dha bakyabazinga ababiri ababatiisa dhaamala ira okusigala agho nga ndhereere.

Isaia 7:3

Musengwa Katonda yaakoba Isaia ati: “Ja ni mutabane wo Sheari Yashubu, ye kyabazinga Ahazi agho gha mweta oguleeta amaadhi okuva mu nsulo y'eitale eri ku ngira enene eja mu kifo ekyetebwa Ekyolezo.

Isaia 8:3

Agho naaja naaba ni mukazi wange, yaatoola enda era yaazaala omwana mulenzi. Musengwa Katonda yankoba ati: “Mutuume eriina OMUNHAGO OGW'AMANGU, OKUSWANKULA BYE BANHAGULWIRE

Yeremia 44:29

Nze Musengwa Katonda nja kubagha obukakafu obulaga nga ndibabonereza mu kifo kino, era obulaga ng'okuzikirira kwe nabeesoomera okubatuusaaku ndikutuukiriza.

Ezekieli 12:6

Olwo obibbeedere ku ibega, ofulume mu nzikiiza nga bakubona, oje nga weeghembye mu maiso nga tobona y'oja. Ebyo byonabyona biidha kuba kamanhiso ak'okulabula Abaisiraeli.”

Ezekieli 14:8

Ndimwefuulira naamukyagha, naamufuula akamanhiso ak'okulabulanga abandi era eky'okuyeeyereza. Era ndimuboola naalekera agho okumubalira mu bantu bange, memale olwo mwamanha nga ninze Musengwa Katonda.

Ezekieli 4:3

Olwo otoole olubaati, olusimbe lukole ng'ekisenge eky'ekyuma ghagati gh'ekibuga ekyo n'iwe. Omale amaiso go ogalingirize ekibuga ekyo, obe ng'oti bazigu bakizingiiza. Ako n'akanaaba akamanhiso eri eighanga lya Isiraeli.

Zekaria 3:8

Kale ni, iwe Yoshua Omukulu wa Bakabona ghalala ni bakabona baino, muwulire kino: Niimwe akamanhiso ak'ebiseera ebirungi eyo ye bwidha. Era nja kubooleka omugheereza wange ayetebwa Olusaga!

Zekaria 8:3

Luliba lulala naira ku lusozi lwange Sioni, naaba mu kibuga kyange Yerusalemu. Olwo ekibuga ekyo balikyetanga ekibuga eky'abantu abeesigwa, era baakyetanga olusozi lwange nze Musengwa Katonda Afuga Amagye olutukuvu.

Luka 2:18

era boonaboona abaabiwulira, beewuunhia inho ebintu bino abaayi bye baabakobera.

Luka 2:34

Simeoni yaabasabira enkabi, ate yaakoba Maria inhina ati: “Ono omwana ateereibwagho olw'okuzikirira n'okuzuukira okw'abangi mu Isiraeli, era abe akamanhiso ak'okutakania.

Amateeka Agokubiri 28:46

Ebikolimo ebyo biidha kubabangaku imwe ni baidhukulu baimwe enaku dhoonadhoona, bibenga ebyewuunhio n'ebyewuninkiriza.

Abaheburayi 10:33

Emikuzi egindi mwavumibwanga era mwadaazibwadaazibwa mu maiso g'abantu, emikuzi egindi mwalumirwanga ghalala n'abo be bakolanga batyo.

Abaheburayi 12:22

Aye imwe mwidhie ku lusozi Sioni era mu kibuga kya Katonda omulamu, Yerusalemu eky'omu igulu, eyeesololeiza bamalaika olukunkumuli.