Isaia 8:16 - Baibuli Ekibono kya Katonda 2014

¹⁶ Imwe abeegeresebwa bange mugumire ku bye mbasikiriire era mukalangukire ku bye mbeegereisa.

Isaia 8:16 ပူးပေါင်းရင်းမြစ်များ

2 Bakyabazinga 11:12

Agho Yehoiada yaafulumya Yoashi, yaamuvaaza engule ey'obwakyabazinga, yaamugemya n'ekighandiiko ekirimu Amateeka. Agho baasiiga Yoashi omuzigo, baamufuula kyabazinga, era baakuba mu ngalo nga bwe bakoba bati: “Kyabazinga ghangaala!”

Zabbuli 25:14

Musengwa Katonda aba mukagwa w'abo abamutya, era akakasa endagaano ye nabo.

Isaia 50:4

Musengwa Katonda andhegereisa bye nnaayogera, bisobole okwiza amaani mu muntu akooye. Katonda oyo anzuusa buli kaakyeire yampa amaani, ag'okuwulira by'aba aja okundhegeresa.

Isaia 54:13

Nze Musengwa Katonda mwene ninze ndyegeresa abantu bo, naabaleetera ebintu okubajiiranga obukalamu nga bali mu miraala.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Danieli 12:4

Agho yankoba ati: “Mperaano ni, iwe Danieli, wumbaku ekitabo ekyo okisibeku n'akamanhiso, okutuusa ku kiseera eky'enkomerero. Abantu kamaala balizungira eno n'ere nga benda okwongera ku bumanhi bwaibwe.”

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Matayo 13:11

Yaabairamu ati: “Kuba imwe mwagheebwa okumanha ebyama eby'Obwakyabazinga obw'omu igulu, aye abo tibagheebwanga.

Mariko 10:10

Nga bali mu ndhu, Abeegeresebwa be baamubuuza kabiri ku nsonga eno.

Mariko 4:34

Tiyayogeranga nabo nga takozeisa lufumo aye bwe baasigalanga bonka ng'Abeegeresebwa be abainhonhola byonabyona.

1 Ab'e Korintho 2:14

Buli ataba ni Mwoyo taghanga kufuna birabo biva ya Mwoyo wa Katonda, kuba tabitegeera era abitwala ng'obusiru, kuba bimanhibwa ni mwoyo.

Amateeka Agokubiri 4:45

Kuno n'okulamba, n'amateeka, n'ebiragiro, Musa bye yakobera Abaisiraeli bwe baava mu Misiri.

Abaheburayi 3:5

Era Musa yali mugheereza mwesigwa mu nhumba ya Katonda yoonayoona, ng'akakasa ebyo Katonda bye yali aja okwogera.

Okwolekebwa 10:4

Enkuba bwe dhaatyabuka nali nja kughandiika, aye naawulira amamiro agava mu igulu nga gakoba gati: “Ebyo enkuba omusanvu edhityabwike bye dhikobye bigise nga bya kyama era tobighandiika.”

Okwolekebwa 19:10

Agho neeyala gha bigere bye okumusinza. Aye yankoba ati: “Leka otageza kukola ekyo! Nze ndi mugheereza mwino ghalala ni baganda bo abadhulira Yesu. Katonda y'obe osinze.” Kuba amazima Yesu ge yatwoleka n'agagha abalanzi bye bakoba.

Okwolekebwa 2:17

“Ali n'amatu awulire Mwoyo ky'akoba Ebikunsu eby'Abaikiriza mu Kurisito. Oyo aghangula ndimugha ku mannu eyagisibwa, era ndimugha eibaale eryeru okughandiikiibwa eriina eiyaaka eritamanhiibwa muntu wundi yeenayeena, okutoolaku oyo aba alifunie.

Okwolekebwa 5:1

Naabona enzingo y'ekitabo mu mukono omusaadha ogw'oyo atyaime ku kityamo eky'obwakyabazinga, ng'eghandiikiibwa munda ni ku ngulu era ng'esibiibwaku n'obumanhiso musanvu.

Okwolekebwa 5:5

Agho owundi ku bakulembeze yankoba ati: “Otalira. Bona, oyo ayetebwa Empologoma, ow'omu ighanga lya Yuda, mwidhukulu wa Daudi yaghangula, era asobola okukakampula obumanhiso omusanvu, n'okuzingulula enzingo ey'ekitabo.”