Isaia 8:14 - Baibuli Ekibono kya Katonda 2014

¹⁴ Ninze ekifo ekitukuvu mwe muliwonera. Aye ab'omu bwakyabazinga bwombi, obwa Isiraeli n'obwa Buyudaaya, nga kw'otaire n'abatyamye b'omu Yerusalemu, ndibafuukira eibaale kwe beekontola n'ekitimuguunha kwe beeguunha ni bagwa, era naabafuukira olutuula olubagemya.

Isaia 8:14 ပူးပေါင်းရင်းမြစ်များ

Zabbuli 11:6

Aja kulagira omuliro ogw'amanda n'obuganga bwa salufa, okumagalika ng'oti maadhi ku bakozi b'ebibi, n'empewo ebabula okubafuuwa. Ebyo n'ebiri mu kikopo kye yabategekera okunhwa.

Zabbuli 140:5

Abantu bano abeekuluntaza banteze omutego; bantega n'olutuula n'emigugha, ni mu ngira ye mbitamu baasimamu ebiina okuntega.

Zabbuli 69:22

Kale ni embaga dhaibwe dhe balya ka dhibafuukire ng'oti lutuula olubagemya; ebibinuko byaibwe eby'emisengo gye baaghaayo, ka bibaviiremu okugwa.

Ensambo 18:10

Musengwa Katonda ali ng'oti n'ekisenge ekigumu, abakola ebituufu mwe balumukira okuwona ebizibu.

Isaia 25:4

Niiwe obulumukiro abanaku n'abaavu mwe bafunira obuyambi, niiwe ekifo mwe beewogoma okuwona kiwunga, era niiwe ekiwoleeze ekibakingiriza ni bawona olwota. Kuba obuluukuuli bw'abakambwe buli ng'oti n'amaadhi agalimu kiwunga bwe gasaamira ebimante,

Isaia 26:20

Mwidhe imwe abantu bange, mwingire mu ndhu dhaimwe, mweigalize mwegise omwo okumala akaseera, okutuusa obusungu bwa Katonda lwe buliwaagho.

Isaia 28:16

Kale ni, Musengwa Katonda Afuga Amagye kyava n'akoba ati: “Mubone, ndi kuta mu Sioni eibaale erikakasiibwa nga igumu, libe eibaale ery'omughendo ery'omusingi mu nsonda era likole omusingi omugumu begulugulu. Ndidha kulighandiikaku nti, ‘Okwikiriza okugumu era kubaamu n'obuguminkiriza.’

Isaia 4:6

Ekitiisa ekyo, omusana kirikingiriza ekibuga kyonakyona okukiwonia olwota, kyakifuula ekifo eky'okwewogomamu okuwona amaadhi ni kiwunga.

Isaia 59:10

Tuja nga tughaamanta ku bimante ng'oti n'abatulu abatabona. Era twaja nga twekontola ni mu kasana ghagati nga buli ng'oti bwire, twaba ng'oti n'abali mu nsi y'abafu.

Isaia 7:16

Era aliba akaali na kwawulagho kirungi na kibi, ng'ensi dha bakyabazinga ababiri ababatiisa dhaamala ira okusigala agho nga ndhereere.

Yeremia 6:21

Kale ni ndidha kubateera ebitimuguunha mu ngira, beekontole okwo bagwe. Abazaire ghalala n'abaana baibwe, bakagwa baibwe ni baliraanwa baibwe, baja kuzikirira.”

Ezekieli 11:16

“Kale kobera abo bwe muli mu bunhage, oti nze Musengwa Katonda nkoba nti waire nga nabatoola mu nsi yaibwe, naabasindika mu nsi edh'eghala era naabasansaaniza mu maghanga kamaala, aye ndidha kubanga ghalala nabo eyo mu nsi dhe balimu okumala ekiseera.

Ezekieli 3:20

“Ate omuntu akola ebituufu bw'akyuka n'ava ku kukola ebituufu n'akola ebibi, era zeena ni mmuleka obuleke yeekontole agwe, omuntu oyo bw'otalimulabula aja kufiira mu bibi bye. N'ebikolwa ebirungi by'aliba akoze tija kubiraadha naire. Ate omusango ogw'okufa kwe ndiguta ku iwe.

Matayo 13:57

Kale baamuboola. Aye Yesu yaabakoba ati: “Omulanzi azira ye batamutaamu kitiisa, okutoolaku mu kyalo eky'ewaibwe ni mu ndhu ey'ewaibwe.”

Matayo 21:44

Yeenayeena agwa ku ibaale lino amenhekamenheka, aye eibaale lino ye ligwaku limumaniangula.]”

Luka 2:34

Simeoni yaabasabira enkabi, ate yaakoba Maria inhina ati: “Ono omwana ateereibwagho olw'okuzikirira n'okuzuukira okw'abangi mu Isiraeli, era abe akamanhiso ak'okutakania.

Luka 21:35

Kuba abantu boonaboona ab'oku nsi lulibagwaku ng'oti iggu.

Ab'e Roma 11:35

Naani amughangaku ekirabo, memale amwirizeegho?”

Yoshua 10:7

Kale Yoshua n'eigye lye lyonalyona, nga n'omuli n'abasaadha abaali abalwani abalungi einho, baatoolera olugendo nga bava e Giligali.

1 Petero 2:8

Era biti: “Lino n'eibaale abantu kwe beekontola ni bagangalima, olubaale lwe beeguunhaku ni bagwa.” Bagangalima kuba tibaikiriza kibono, kye kikoba era atyo Katonda bwe yabategekera.