Isaia 8:13 - Baibuli Ekibono kya Katonda 2014

¹³ Mumanhe nga nze Musengwa Katonda Afuga Amagye ndi mutukuvu. Ninze ye mube mutyenga era mumpenga ekitiisa.

Isaia 8:13 ပူးပေါင်းရင်းမြစ်များ

Amainhama 31:53

Katonda wa Aburahamu era Katonda wa Nahori, atusalirenga omusango nze n'iwe.” Yakobo yaalayira mu liina lya Katonda wa Isaaka ise, ati aidha kukuumanga endagaano eyo.

Zabbuli 76:7

Wo Musengwa Katonda, ghazira atakutya, ghazira akana n'asigala agho mu maiso go, bw'oba ng'osungughaire.

Okuvaayo 20:20

Musa yaakoba abantu ati: “Mutatya, kuba Katonda aidhie kubaleba, n'okubongeramu okumutya, mulobe kwonoona.”

Isaia 29:23

Bwe mulibona ku ebyo bye ndibakolera, ni mubona ku baana be ndibagha, muligulumiza eriina lyange, mwayatula nga bwendi Omutukuvu wa Yakobo, era mwantaamu ekitiisa nze Katonda wa Isiraeli.

Isaia 5:16

Aye Musengwa Katonda Afuga Amagye agulumizibwa ng'asalira abantu mu mazima, era ayoleka obutukuvu bwe ng'akolera abantu mu butuufu.

Ezekieli 38:16

Olirumba abantu bange Abaisiraeli waababuutikira ng'oti kire kighembye ku nsi. Mu biseera ebyo eby'oluvainhuma ndikuleetera okulumba ensi yange, amaghanga gasobole okuumanha nze. Bye ndikolera mu iwe, biryoleka amaghanga ago nga bwendi omutukuvu.

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Abalevi 22:32

Mutayonoonanga liina lyange eitukuvu, aye nhenda Abaisiraeli mwenamwena mwatulenga nga bwendi omutukuvu. Ninze Musengwa Katonda abafuula abatukuvu,

Malaki 2:5

“Mu ndagaano yange nabasuubiza okubagha obulamu n'emiraala. Naamala naabibagha, basobole okuntangamu ekitiisa. Era mu biseera ebyo bantangamu ekitiisa era bantyanga.

Okubala 27:14

kuba mwadheemera ekiragiro kyange mu irungu ery'e Zini. Abantu bwe beemuluguunhia nga muli gha maadhi ag'e Meriba mu Kadeshi, timwayoleka bantu abo nga nze ndi n'obuyinza.”

Matayo 10:28

Mutatyanga abo abaita omubiri aye nga tibaghanga kwita mwoyo, aye mutye oyo aghanga okuzikiriza omwoyo n'omubiri mu geyeena.

Luka 12:5

Aye ka mbalabuleku: Mutye oyo ali n'obukumu obw'okwita n'okusuula mu geyeena. Bwenebwene mbakobera oyo ye mube mutye!

Ab'e Roma 4:20

Tiyalekayo kwikiriza era ti yabuusabuusa Katonda kye yamusuubiza. Yeeyongera mu kwikiriza, yaagha Katonda ekitiisa

Amateeka Agokubiri 14:23

Memale olwo mujenga mu kifo Musengwa Katonda waimwe ky'aliba ng'alonzeegho okumusinzizangamu, muliire eyo mu maiso ge ekitundu ekirala ekirala ku buli bitundu ikumi eky'engaano yaimwe, n'eky'omwenge gwaimwe ogw'emizabbibu, n'eky'omuzigo gwaimwe ogw'ebibala eby'emiti emyoliva, ghalala n'ente, n'entaama, n'embuzi dhaimwe edhizaalibwa mu luzaalo olusooka. Mukolenga mutyo, olwo mughange okwega okutyanga Musengwa Katonda waimwe enaku dhoonadhoona.

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”

1 Samueli 11:7

Yaatoola ente ibiri, yaadhitematemamu ebitundu, yaabigha abakwenda babitwale woonawoona mu Isiraeli nga bakoba abantu bati: “Kiisi ataaveeyo kunonereza Saulo ni Samueli, ente dhe baidha kudhitematema batyo.” Musengwa Katonda yaaleetera abantu okutya, baavaayo boonaboona nga bali kwisa kirala.