Isaia 7:25 - Baibuli Ekibono kya Katonda 2014

²⁵ Obusozi bwonabwona abantu bwe baalimangaku buliba buzise na nkandwa na mawa, ng'omuntu atya n'okujaayo. Kiriba nga kifuuse kifo kya kusindikangamu nte na ntaama, dhije dhiriirenga omwo.”

Isaia 7:25 ပူးပေါင်းရင်းမြစ်များ

Isaia 17:2

Ebibuga by'e Aroeri biidha kusigala nga biziramu bantu ebyanda n'ebyanda. Biidha kubanga byayiro bya ntaama na mbuzi, dhibenga omwo nga ghazira adhitiisa naire.

Isaia 5:17

Entaama ento dhiririira mu bibuga nga bizise ng'oti n'edhiri kuliira mu byayiro, n'edho edhipiitibwa obupiitibwe ensavu era n'embuzi ento, dhoona dhirifuna omwo eisubi.

Isaia 7:19

Baliidha beeyugha mu biiko, ni mu ntanda edheeyatisa mu mbaale, ni mu bisaka byonabyona eby'amawa, ni mu byayiro byonabyona.

Isaia 7:24

Abantu baliidhanga omwo okuyiiga n'obulaso n'obusaale, kuba ensi eyo yoonayoona eriba eidhwire nkandwa na mawa.

Hosea 4:16

Abaisiraeli bamagalavu ng'oti nte nto. Kale nze Musengwa Katonda nnaasobola ntya okubaliikiza mu kyayiro ekigazi, ng'omuntu bw'aliisa entaama ento?

Zefania 2:6

Ekiketezo kyaimwe eky'oku nhandha kija kufuuka kyayiro, nga kiidhwire entindi edh'abaayi n'ebigo eby'ebyayo byaibwe.