Isaia 7:23 - Baibuli Ekibono kya Katonda 2014

²³ “Olunaku olwo bwe lulituuka, buli kifo aghaabanga emizabbibu olukumi (1,000), nga buli mulala gujaamu ebitundu bya feeza lukumi, ghalizika ghaameragho nkandwa na mawa.

Isaia 7:23 ပူးပေါင်းရင်းမြစ်များ

Amainhama 3:18

Eitaka eryo liidha kumerangaku amawa n'ebindi ebikufumita; era oidha kulyanga ebimera eby'omu nsiko.

Isaia 32:10

Mpegaano muli mu idembe, aye mu mwaka mulala guti gwonka, muliba mu kudhugumira budhugumire, kuba emizabbibu gye mukungula buti, ku olwo tigiryama.

Isaia 5:10

Eisamba ery'emizabbibu ery'eyiika eikumi, liidha kuvangamu bwa lita munaana edh'omwenge ogw'emizabbibu. Ate omusiri ogusigibwamu ekiibo ekiramba eky'ensigo, gwidha kukungulwangamu kaibo bwibo.”

Isaia 5:6

Ndidha kulizisa, emizabbibu balobe kugiwooleranga waire okugirimangamu. Mwidha kumeramu bwa nkandwa na mawa, era nja kulobera n'ebire okugwisanga amaadhi mu isamba eryo.”

Isaia 7:24

Abantu baliidhanga omwo okuyiiga n'obulaso n'obusaale, kuba ensi eyo yoonayoona eriba eidhwire nkandwa na mawa.

Yeremia 4:26

Naalingirira nti, naabona ng'ensi eyali engimu efuuse irungu; nga n'ebibuga byamu babizikiriiza byafuuka bifulukwa byereere. Kuba Musengwa Katonda yabasungughalira ekibitiriire.

Ezekieli 12:20

Ebibuga byonabyona buti ebirimu abantu birizikirizibwa, ensi eyo yaasigala agho bifulukwa byereere. Olwo balimanha nga ninze Musengwa Katonda.”

Hosea 2:12

Ndyonoonayonoona emizabbibu gye n'emiti gye emitiini, gye yakoba ati: “Gino n'empeera yange abagonzi bange ye bampa olw'okubagheerezanga.” Aye nze ndigireetera okuzika gyafuuka kibira. Era ensolo edh'omu nsiko dhiriidha dhaalya emizabbibu n'emiti emitiini egyo.

Hosea 9:6

Okuzikirira bwe kulituuka ni kubasansaania, Abamisiri balibasoloza imwe baabaziika e Menfisi. Aghaali eby'obukombe byaimwe ebya feeza ghalimeragho bisaka, n'aghaali weema dhaimwe ghaameregho amawa.

Matayo 21:33

“Muwulire olufumo olundi. Ghaaligho omuntu mulala eyali n'eisamba lye ery'emizabbibu, yaalisitaku olukomera, yaasimamu ekikunhiro eky'omwenge gw'emizabbibu, yaazimbamu ekituuti ekireeyi, yaataamu abakozi, yaaja mu nsi eyindi.

Abaheburayi 6:8

Aye bwe likuza amawa n'eisubi, liba tirikaagasa era nga liri kumpi kulaamibwa na kuzikirizibwa na muliro.