Isaia 7:2 - Baibuli Ekibono kya Katonda 2014

² Kyabazinga wa Buyudaaya bwe yawulira nga Abasiria beeyimbye n'Abaefuraimu, agho mwene ghalala n'abantu be emyoyo gyabatengera ng'oti n'emiti egy'omu kibira bwe gitengeeta n'empewo.

Isaia 7:2 ပူးပေါင်းရင်းမြစ်များ

2 Samueli 7:16

Ndidha kuleeteranga eizaire lyo okwala, ndeeterenga n'obwakyabazinga bwo okukakata mu maiso gange ebyanda n'ebyanda. Ekityamo kyo eky'obwakyabazinga kiidha kubanga kya maani ebyanda n'ebyanda.’ ”

1 Bakyabazinga 11:32

Solomoni aidha kusigaza ekika kirala ku lw'omugheereza wange Daudi, ni ku lwa Yerusalemu ekibuga kye nalondamu mu bika byonabyona ebya Isiraeli.

1 Bakyabazinga 12:16

Abantu bwe baabona nga kyabazinga tabawuliriisa, baamwiramu bati: “Mugabo ki gwe tuli nagwo ni Daudi? Tuzira kye tuli nakyo kya nsikirano ni mutabane wa Yesse. Imwe Abaisiraeli, ka twireyo ewaife. Daudi alabirire ab'endhu ye.” Kale Abaisiraeli baagolola ewaibwe.

1 Bakyabazinga 13:2

Omulanzi oyo, yaavumirira alutaari eyo ng'ajiira ku ebyo Musengwa Katonda bye yamulagira, ati: “Alutaari iwe, alutaari iwe, Musengwa Katonda akoba ati, ‘Bona eno, omwana omulenzi alizaalibwa mu ndhu ya Daudi, ng'eriina lye ni Yosia. Aliitira ku iwe bakabona ab'ebifo ebigulumivu ebisinzibwamu abakuniokerezaaku obubbaani, baaba ng'oti n'omusengo ogugheebwayo. Era amagumba g'abantu galyokerwa ku iwe.’ ”

2 Ebyomubyanda 25:10

Agho Amazia yaasiibula ab'eigye eryali liidhie y'ali nga liva mu Efuraimu, yaabalagira okwirayo ewaibwe. Abantu abo bairayo ewaibwe nga basungughaliire abantu b'omu Buyudaaya ekibitiriire.

2 Ebyomubyanda 28:12

Agho abandi ku bakulembeze, boona nga ba mu kika kya Efuraimu, baatakania abo abaali bali kwira okuva mu lutalo. Abakulembeze abo nga ni bano: Azaria mutabane wa Yohanani, ni Berekia mutabane wa Meshillemothi, ni Yehizekia mutabane wa Shallumu, ni Amasa mutabane wa Hadulai.

Zabbuli 11:1

Oba nga Musengwa Katonda ye neesiga, imwe mukana mutya okunkoba muti: “Guluka ng'enhonhi oje mu nsozi,

Ensambo 28:1

Ababi balumuka nga ghazira na kiri kubabinga, aye abatuufu baba bagumu ng'oti mpologoma.

Isaia 11:13

Ensaalwa ya Isiraeli eriwaagho, n'abazigu ba Buyudaaya baazikirizibwa; obwakyabazinga bwa Isiraeli tibuligemerwa nsaalwa bwakyabazinga bwa Buyudaaya, era Abayudaaya tibalikiriga Baisiraeli.

Isaia 22:22

Ndimugha obuyinza bwonabwona obw'okulabirira eby'obwakyabazinga bwa Daudi. Ndimugha n'ebisimuluzo, nga bw'aba aigwiregho tighabaagho asobola kwigalagho, era nga bw'aba aigairegho tighabaagho asobola kwigulagho.

Isaia 37:27

N'abaabirimu kye baava ni baweeramu irala amaani, ni batya einho era ni batabulwa, ni baba ng'oti n'eisubi erimera mu nimiro, era ng'oti n'ebisubi ebimera ghaigulu ku ndhu, ebiniala nga bikaali na kukula.

Isaia 37:35

Ndidha kulwanirira ekibuga kino nkikuume, ku lwange ni ku lw'omugheereza wange Daudi.’ ”

Isaia 6:13

Era ni bwe ghalisigalagho mu nsi eyo omuntu omulala omulala ku buli bantu eikumi, yeena alizikirizibwa kabiri, yaaba ng'oti n'ekikolo eky'omuti omukologho, ekisigalagho nga gutemeibwagho.” Ekikolo ekyo n'ekiba ensigo kwe gusibukira.

Isaia 7:13

Agho Isaia yaakoba ati: “Mbeeni muwulire imwe baidhukulu ba Daudi. Imwe okukooya abantu ababaguminkiriza tikibamala, memale mwende okukooya ni Katonda wange?

Isaia 7:17

Musengwa Katonda alikuleetera iwe ebizibu, n'abantu bo, n'ab'endhu ya lata wo, nga tibibangaghooku okuva obwakyabazinga bwa Isiraeli lwe bweyawula ku bwa Buyudaaya. Kuba aja kubaleetera kyabazinga w'e Assiria.

Isaia 7:5

Siria ni Isiraeli ghalala ni kyabazinga waayo, bakusaliire olukwe, nga

Isaia 8:12

“Iwe oteeyimbanga mu nkwe abantu bano dhe bakola, era ebyo bye batya iwe otabityanga naire, waire okuwaamu omwoyo.

Isaia 9:9

Abantu boonaboona ab'omu Isiraeli n'abatyamye b'omu Samaria balimanha. Buti beekuluntaza era beesaakiriza nga bakoba bati:

Yeremia 21:12

“Imwe baidhukulu ba Daudi, muwulirise nze Musengwa Katonda bye nkoba: Musalenga emisango mu mazima buli lunaku. Omuntu ye bakiriga mumuwonienga ole amukiriga. Olwo ekiruyi kyange kirobe kutumbuka ng'oti n'omuliro omuntu gw'atasobola kuzikiza, olw'ebibi bye mukola.

Hosea 12:1

“Abaisiraeli bye bakola biziramu muganhulo. Kuli ng'oti n'okwaya empewo eva e buvandhuba, n'ogibingirira olunaku lwonalwona. Beeyongera bweyongere kuguya na kukola bikolwa bya bukambwe. Bakola endagaano ni Assiria, era baasuubulagana ni Misiri.”

Matayo 2:3

Olwawulira bino, kyabazinga Herode ni Yerusalemu yoonayoona baatabulwa.