Isaia 7:19 - Baibuli Ekibono kya Katonda 2014

¹⁹ Baliidha beeyugha mu biiko, ni mu ntanda edheeyatisa mu mbaale, ni mu bisaka byonabyona eby'amawa, ni mu byayiro byonabyona.

Isaia 7:19 ပူးပေါင်းရင်းမြစ်များ

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

Isaia 2:19

Abantu balingira mu mpuku edh'omu gabaale, ni mu biina mu itaka, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Isaia 2:21

beene baingira mu mpuku edh'omu gabaale, ni mu ntanda edh'omu nsozi, nga balumuka olw'okutya Musengwa Katonda ow'ekitiisa era ow'obuyinza, lw'alisituka okwidha okudhugumiza ensi.

Isaia 5:6

Ndidha kulizisa, emizabbibu balobe kugiwooleranga waire okugirimangamu. Mwidha kumeramu bwa nkandwa na mawa, era nja kulobera n'ebire okugwisanga amaadhi mu isamba eryo.”

Isaia 55:13

Emiti emisipuressi girimera aghabaire emiwa; n'eminaazi gyaira mu kifo ky'enkandwa. Ako kaliba kamanhiso akatalivaagho ebyanda n'ebyanda, ak'okwidhukirirangaku nze Musengwa Katonda bye nkola.”

Isaia 7:24

Abantu baliidhanga omwo okuyiiga n'obulaso n'obusaale, kuba ensi eyo yoonayoona eriba eidhwire nkandwa na mawa.

Isaia 7:25

Obusozi bwonabwona abantu bwe baalimangaku buliba buzise na nkandwa na mawa, ng'omuntu atya n'okujaayo. Kiriba nga kifuuse kifo kya kusindikangamu nte na ntaama, dhije dhiriirenga omwo.”

Yeremia 16:16

Musengwa Katonda akoba ati: “Bona, nze nja kwetesa abavubi kamaala, baje bavube abantu abo ng'oti byanhandha. Memale kabiri ndhetese abayiizi kamaala, baje babayiige ng'oti nsolo ku buli lusozi, ni ku buli kasozi, ni mu buli mpuku eri mu lwatika lw'olubaale.

Mika 7:17

Balyeghaluliza mu nkungu ng'oti misota, nga bava mu bifo byaibwe eby'okwewogomamu, baira ye iwe Musengwa Katonda waife, nga badhugumira olw'okutya einho.

Zekaria 10:8

Ndifuuwa akaleetu okweta abantu bange abo, naabasololeza ghalala; kuba ninze nabanunula. Era ndibaleetera okwiramu okwala, baaba kamaala nga bwe baalinga eira.

Matayo 7:16

Mulibamanhira ku bikolwa byaibwe. Koodhi emizabbibu baginoga ku miwa, oba emitiini ku lukandwa?