Isaia 7:18 - Baibuli Ekibono kya Katonda 2014

¹⁸ “Olunaku olwo bwe lulituuka, Musengwa Katonda alifuuwa endeka okweta Abamisiri baidhe ng'oti nsowera, nga baviira ku mwiga gw'e Misiri. Era alyeta n'Abassiria baidhe ng'oti ndhuki, nga baviira mu nsi yaibwe.

Isaia 7:18 ပူးပေါင်းရင်းမြစ်များ

Zabbuli 105:31

Yalagira ebikuukuulu by'ensowera n'obudhuuni byabunia ensi yaibwe.

Zabbuli 118:12

Baaneebungaku ng'oti muzinga gwa ndhuki, aye baazikira mangu ng'oti muliro gwa isandha, olw'amaani ga Musengwa Katonda boonaboona naabamulungula.

Okuvaayo 8:21

Bw'oloba okubaleka baje, manha oti ndidha kukusindikira ebikuukuulu eby'ensowera bikwidheku iwe, biidhe ku bakungu bo, ni ku bantu bo. Ensowera dhiidha kweyugha dhiidhule mu ndhu dho, ni mu ndhu edh'Abamisiri abandi buli ghantu ghaidha kwidhula nsowera, waire ghansi ku itaka.

Okuvaayo 8:24

Era atyo Musengwa Katonda bweyakola yaabasindikira ebikuukuulu eby'ensowera byaidhula mu ndhu ya kyabazinga, ni mu ndhu edh'abakungu be. Ensowera dhaidhula ensi yoonayoona Misiri era ensi eyo yaafafaagana olw'ensowera edho.

Isaia 13:5

Bava mu maghanga ag'eghala ere ensi y'ekanga. Musengwa Katonda ali kwidha n'obusungu okuzikiriza ensi yoonayoona.

Isaia 31:1

Bakagwireku abo abaja e Misiri okufunayo obuyambi, abeesiga embalaasi dhaayo, ni beesiga n'abavuzi baadho olw'okuba ab'amaani, era ni beesiga n'ebigaali byayo eby'omu lutalo olw'okuba ebingi einho. Aye ni baaloba okwesiga Musengwa Katonda Omutukuvu wa Isiraeli, waire okumwebuuzaaku abayambe!

Isaia 5:26

Musengwa Katonda alikola akamanhiso okweta abamaghanga agali eghala. Alibafuuyira endeka baava ensi y'ekoma, baidha amangu geene ago nga balumuka embiro.

Isaia 7:17

Musengwa Katonda alikuleetera iwe ebizibu, n'abantu bo, n'ab'endhu ya lata wo, nga tibibangaghooku okuva obwakyabazinga bwa Isiraeli lwe bweyawula ku bwa Buyudaaya. Kuba aja kubaleetera kyabazinga w'e Assiria.

Zekaria 10:8

Ndifuuwa akaleetu okweta abantu bange abo, naabasololeza ghalala; kuba ninze nabanunula. Era ndibaleetera okwiramu okwala, baaba kamaala nga bwe baalinga eira.

Amateeka Agokubiri 1:44

Agho Abamori abaali mu nsi eyo ey'ensozi, baavaayo okubalumba nga bali ng'oti muzinga gwa ndhuki: Baababinga okutuukira irala e Horuma, era baabaghangulira eyo mu nsi ey'ensozi Edomu.

Amateeka Agokubiri 28:49

Musengwa Katonda alibasindikira abantu ab'eighanga erindi, aboogera olulimi lwe mutategeera. Abantu abo alibatoola ku nkomerero y'ensi, baabalumba nga baziinhuuka ng'oti n'enkookooma bw'eziinhuuka.

Amateeka Agokubiri 7:20

Alibaleetamu okutya n'okudhugumira, okutuusa lw'alizikiriza abo abaliba nga bakaasigairegho nga beegisiisa.

Yoshua 24:12

Mwaja okubatuukaku nga mbaswiremu okutya n'okudhugumira, ekyaleetera bakyabazinga Abamori ababiri okulumuka embiro empiima dhaimwe n'obulaso bwaimwe ti n'ebyabaleetera okughangula.