Isaia 7:13 - Baibuli Ekibono kya Katonda 2014

¹³ Agho Isaia yaakoba ati: “Mbeeni muwulire imwe baidhukulu ba Daudi. Imwe okukooya abantu ababaguminkiriza tikibamala, memale mwende okukooya ni Katonda wange?

Isaia 7:13 ပူးပေါင်းရင်းမြစ်များ

Amainhama 30:15

Leeya yairamu ati: “Wamala okuntoolaku baze. Ekyo tikikumala? Mpegaano oyenda na kuntoolaku mandurake w'omwana wange.” Rakeli yaamukoba ati: “Bw'ompa mandurake w'omwana wo, Yakobo anaaba n'iwe obwire buno.”

2 Ebyomubyanda 21:7

Aye Musengwa Katonda yaaloba kwenda kuzikiriza bantu ba ndhu ya Daudi kubamaliriragho, kuba yasuubiza omugheereza we Daudi oyo ati eizaire lye n'erinaafuganga obwakyabazinga obwo ebyanda n'ebyanda.

Zabbuli 45:5

Obulaso bwo bwogi bwene, bufumita omwoyo gw'abazigu bo, amaghanga n'amaghanga gaagwa ghansi ku bigere byo.

Isaia 1:14

Tyendera irala mbaga dha bibinuko byaimwe eby'Okuboneka kw'Omwezi, waire edh'ebibinuko byaimwe ebindi ebyalagirwa. Mbyesiniirwa inho, era nkooye okubiguminkiriza.

Isaia 1:24

Kale ni Musengwa Katonda Afuga Amagye, Katonda oyo owa Isiraeli Aghanga Ebintu Byonabyona, akoba ati: “Ha, imwe abazigu bange ndidha kubamaliraku obusungu bwange, era mbeesasuulizeeku imwe abantakania.

Isaia 22:22

Ndimugha obuyinza bwonabwona obw'okulabirira eby'obwakyabazinga bwa Daudi. Ndimugha n'ebisimuluzo, nga bw'aba aigwiregho tighabaagho asobola kwigalagho, era nga bw'aba aigairegho tighabaagho asobola kwigulagho.

Isaia 25:1

Wo Musengwa Katonda wange, ndidha kukugulumizanga era nsaakenga eriina lyo. Kuba okoze ebyewuninkiriza, waatuukiriza n'obwesigwa n'amazima ebyo bye wategeka okukola okuva eira.

Isaia 43:24

Timwaghaayooku mpiiya kungulira bubbaani buwunha kawoowo, waire okundhigusa n'amasavu g'ensolo dhaimwe. Aye mu kifo ky'okukola ebyo, mwantwika bwa mugugu gwa bibi byaimwe, mwankooya n'ebyonoono byaimwe.

Isaia 63:10

Aye baamala beene baadheema, baanakughaza omwoyo gwe omutukuvu. Kale Musengwa Katonda oyo yaakyuka yaafuuka muzigu waibwe, era yaabalwanisa mwene.

Isaia 7:12

Aye Ahazi yairamu ati: “Tiidha kusaba kamanhiso, era tiidha kuleba Musengwa Katonda.”

Isaia 7:2

Kyabazinga wa Buyudaaya bwe yawulira nga Abasiria beeyimbye n'Abaefuraimu, agho mwene ghalala n'abantu be emyoyo gyabatengera ng'oti n'emiti egy'omu kibira bwe gitengeeta n'empewo.

Yeremia 21:12

“Imwe baidhukulu ba Daudi, muwulirise nze Musengwa Katonda bye nkoba: Musalenga emisango mu mazima buli lunaku. Omuntu ye bakiriga mumuwonienga ole amukiriga. Olwo ekiruyi kyange kirobe kutumbuka ng'oti n'omuliro omuntu gw'atasobola kuzikiza, olw'ebibi bye mukola.

Yeremia 44:22

Ni ye buli eno ensi yaimwe yaasigala agho etyo ng'eri bifulukwa byereere omutaba bantu. Era abantu bagivumirira, baakozesa n'eriina lyayo ng'ekikolimo. Olw'okuba Musengwa Katonda yali tasobola kuguminkiriza bikolwa byaimwe ebibi ebyenhinhalwa.

Yeremia 6:11

Obusungu obungi kye buviire ni bungema ng'oti n'obubwo. Era bumbitiriireku tikaasobola kubufuga.” Agho Musengwa Katonda yankoba ati: “Obusungu obwo bumalire ku baana abato mu nguudo, ni ku baisuka abeesoloiza. Abasaadha ni bakazi baibwe baja kutwalibwa, n'abantu abakulu n'abakaire einho boona batwalibwe.

Ezekieli 16:20

“Era waatoola batabane bo ni baghala bo be wanzaalira, waabaghaayo ye biri ng'emisengo egyokebwa. Olowooza oti ekya iwe obutaba mwesigwa ye ndi kyali kitono,

Ezekieli 16:47

Aye tikyakumala kwebisa nga beene, oba okukola ebyenhinhalwa nga beene kuba ghaabitagho bwa kaseera katono, waayonooneka n'okubasinga mu byonabyona by'okola.

Ezekieli 34:18

Abandi ku imwe okulya eisubi eirungi tikubamala, mutaaku n'okutyankirira n'ebigere eryo lye mutaliire. Era bwe mumala okunhwa amaadhi amalaavu, mutaabuula n'ebigere ago agasigairegho.

Ezekieli 6:9

baaba eyo mu bunhage. Abo balindidhukira nga bali eyo era baamanha nga bwe namenha emyoyo gyaibwe egitali myesigwa egyanvaaku, ni giira ku kusinza ebifaananie ebitali nze Katonda. Kale balituuka beene okwesinwa olw'ebibi byaibwe, n'olw'ebyenhinhalwa bye bakola.

Amosi 3:13

Musengwa Katonda afuga amagye akoba ati: “Muwulire bino era mulabule baidhukulu ba Yakobo:

Malaki 2:17

Mukooya Musengwa Katonda n'ebyo bye mwogera. Aye ate mwamala mwabuuza muti: “Tumukooya tutya?” Ate nga mumukooya bwe mukoba muti: “Kiisi muntu akola kibi aba mulungi mu maiso ga Musengwa Katonda, era Musengwa Katonda amusangaalira.” Oba bwe mubuuza muti: “Katonda oyo akola ebituufu nga tasaliriza ali gha?”

Okubala 16:13

Okututoola mu nsi engimu era erimu ebirungi kamaala n'otuleeta okutwitira ghano mu irungu, ti kikumala? Mpegaano oli na kwenda kwefuula mufuzi waife?

Okubala 16:9

Mukibona nga kintu kitono, Katonda wa Isiraeli okulonda imwe mu bantu be Abaisiraeli boonaboona n'abaseesa okumpi ni mwene, mugheerezenga mu Weema ye era mwemererenga mu maiso g'abantu be abo okubagheereza?

Luka 1:69

Atufuniire amaani okutulokola mu ndhu ya Daudi omugheereza we.

Ebikolwa by'Abatume 7:51

“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli.

Abaheburayi 3:10

Mbeeni n'okusungughalira abantu abo, naakoba nti, ‘Buli kaseera emyoyo gyaibwe gidaaliimira luuyi, tibawulira biragiro byange.’