Isaia 7:11 - Baibuli Ekibono kya Katonda 2014

¹¹ “Saba Musengwa Katonda wo akughe akamanhiso, ka kabe nga kava ghansi e magombe oba nga kava ghaigulu mu igulu.”

Isaia 7:11 ပူးပေါင်းရင်းမြစ်များ

1 Bakyabazinga 13:3

Era omulanzi oyo yaagha akamanhiso ku lunaku olwo, ati: “Kino kw'onaamanhira nga Musengwa Katonda n'ayogeire: alutaari eno eidha kumenhekagho, eivu erigiriku liyuyike.”

2 Bakyabazinga 19:29

Agho Isaia yaakoba kyabazinga Hezekia ati: “Kano n'akanaaba akamanhiso akakwoleka ebinaabaagho: Mu mwaka guno ni mu mwaka ogwidha, muja kulya emere ng'emeze yeene. Aye mu mwaka oguliiraku mulisiga emere yaimwe mwagikungula. Mulisimba amasamba g'emizabbibu, mwalya n'ebibala byamu.

Okuvaayo 7:9

ati: “Kyabazinga bw'alibakoba ati, ‘Okukakasa kye mukoba mukoleyo ekyewuunhio,’ olikoba Aaroni oti, ‘Toola omwigo gwo ogusuule ghansi agho mu maiso ga kyabazinga gufuuke omusota.’ ”

Isaia 37:30

Agho Isaia yaakoba kyabazinga Hezekia ati: “Kano n'akanaaba akamanhiso akakwoleka ebinaabaagho: Mu mwaka guno ogusooka mwidha kulya mere emera n'ekula yeene. Ate mu gule ogwokubiri muja kulya endhiraira y'eyo. Aye mu mwaka ogwokusatu mulisiga emere yaimwe mwagikungula. Mulisimba amasamba g'emizabbibu, mwalya n'ebibala byamu.

Isaia 38:22

Era Hezekia yali amaze okubuuza Isaia ati: “Kamanhiso ki akanaakakasa nga ndidha kuwona, era nsobole okuja mu isinzizo?”

Isaia 55:13

Emiti emisipuressi girimera aghabaire emiwa; n'eminaazi gyaira mu kifo ky'enkandwa. Ako kaliba kamanhiso akatalivaagho ebyanda n'ebyanda, ak'okwidhukirirangaku nze Musengwa Katonda bye nkola.”

Isaia 7:10

Agho Musengwa Katonda yaagheereza Ahazi obukwenda obundi ng'amukoba ati:

Isaia 7:12

Aye Ahazi yairamu ati: “Tiidha kusaba kamanhiso, era tiidha kuleba Musengwa Katonda.”

Yeremia 19:1

Agho Musengwa Katonda yankoba ati: “Yeremia, kola oje ogule akadoome ak'eitosi. Otoole ku bakulu b'ebika ni ku bakulira bakabona,

Yeremia 19:10

Agho Musengwa Katonda yankoba mmenhe akadoome kale ak'eitosi ng'abantu be naja nabo babona,

Yeremia 44:29

Nze Musengwa Katonda nja kubagha obukakafu obulaga nga ndibabonereza mu kifo kino, era obulaga ng'okuzikirira kwe nabeesoomera okubatuusaaku ndikutuukiriza.

Luka 2:12

Kano akamanhiso kwe munaamanhira: Mwidha kwagaana omwana omughere nga bamuzingiriire mu bugozi nga bamulambaaziiza mu kitabo.”