Isaia 66:23 - Baibuli Ekibono kya Katonda 2014

²³ Buli ku kuboneka kw'omwezi na buli ku Sabbato, abantu boonaboona baliidhanga baasinza mu maiso gange.

Isaia 66:23 ပူးပေါင်းရင်းမြစ်များ

2 Bakyabazinga 4:23

Iba yaamubuuza ati: “Lwaki oli kuja y'ali olwaleero, ate nga ti lunaku lwa Sabbato waire okuba olw'Ekibinuko eky'Okuboneka kw'Omwezi?” Omukazi yairamu ati: “Iwe otafaayo.”

Zabbuli 22:28

kuba obufuzi bwonabwona bwa Musengwa Katonda, era oyo n'afuga amaghanga.

Zabbuli 65:2

eri iwe akolera abantu ebyo bye bakusaba. Abantu boonaboona baliidha y'oli

Zabbuli 65:3

olw'ebibi byaibwe, kuba ebibi byaife bwe bitubitiriraku obitusonigha.

Zabbuli 86:9

Amaghanga goonagoona ge watonda, gaja kwidha gakukubire amakiryaivu, era gaatule ng'eriina lyo bwe liri ery'ekitiisa.

Isaia 19:21

Ku lunaku olwo Musengwa Katonda alyeyoleka mu Bamisiri, baamumanha, baamusinza nga baghaayo emisengo n'ebigheebwayo ebyokebwa. Balyeyama y'ali era baatuukiriza bye beeyamye.

Isaia 19:23

Olunaku olwo bwe lulituuka, ghalibaagho oluguudo oluva mu Misiri okuja mu Assiria. Abassiria baliidhanga mu Misiri, n'Abamisiri baajanga mu Assiria, era Abamisiri n'Abassiria balisinzizanga ghalala Musengwa Katonda.

Isaia 2:2

Olunaku lwidha kutuuka, olusozi oluliku eisinzizo, lube nga n'olusinga buleeyi mu dhoonadhoona, era nga lusooloobye n'obusozi bwonabwona. Abantu abamaghanga kamaala balisomboka, baidha ku lusozi olwo,

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Isaia 49:7

Musengwa Katonda Omutukuvu era Omununuzi wa Isiraeli, yeeyongera yaayogera n'omugheereza w'abafuzi oyo abantu ye banhooma einho, n'amaghanga ye gakyagha. Yaamukoba ati: “Bakyabazinga balikubona ng'osibwirwa, baasituka baakutaamu ekinhagansi, n'abakungu boona balikubona baakukubira amakiryaivu; kuba Musengwa Katonda omwesigwa era Omutukuvu wa Isiraeli n'eyakulonda.”

Ezekieli 20:40

“Mu kifo eky'okusinza ebyo, mwenamwena mulisinzanga nze Musengwa Katonda waimwe, ku lusozi lwange olutukuvu, olusozi oluleeyi olw'omu nsi Isiraeli. Eyo ye ndibasangaalira, era naasiima ebirabo byaimwe ebisinga kuba birungi, ghalala n'ebigheebwayo byaimwe ebitukuvu.

Ezekieli 45:17

Era kyabazinga oyo n'aidha okutangagho ebigheebwayo ebyokebwa byonabyona okuwaagho, n'ebigheebwayo eby'emere ey'empeke, n'ebigheebwayo eby'okunhwa, ku mikolo gino: ku mbaga edh'Ebibinuko eby'Okuboneka kw'Omwezi, ni ku Sabbato, ni ku mbaga edh'ebibinuko ebindi ebyalagirwa mu ighanga Isiraeli. Era aidha kutangagho ebigheebwayo olw'ebibi, n'ebigheebwayo eby'emere ey'empeke, n'ebigheebwayo ebyokebwa, n'ebigheebwayo olw'okutabagana, olw'okusabira abantu b'eighanga Isiraeli basoniyibwe ebibi byaibwe.”

Ezekieli 46:1

Musengwa Katonda era yaakoba ati: “Omulyango ogwingira mu luya olw'omunda ogulingiriire ku luuyi olw'e buvandhuba gwidha kubanga mwigale mu nnaku omukaaga dhe bakoleraku emirimo. Aye gwidha kwigulwanga ku lunaku lwa Sabbato, ni ku lunaku olw'okuboneka kw'omwezi.

Ezekieli 46:6

“Ku Kibinuko eky'Okuboneka kw'Omwezi, kyabazinga aidha kughangayo ekigheebwayo nga kya nte enume ndala entototo, n'entaama ento mukaaga, n'entaama enume ndala, edhiziraku kikyamu kyonakyona.

Zekaria 14:14

N'abantu ab'omu Bayudaaya boona balirwanisa abazigu abo ku lwa Yerusalemu. Balisoloza eby'obukombe eby'amaghanga agandi nga bingi inho: zaabu, feeza, n'engoye.

Zekaria 14:16

Olwo abo boonaboona abaliwonagho ku b'amaghanga agaliba galumbye Yerusalemu, baliniinaniinanga buli mwaka, baajanga okusinza Musengwa Katonda Afuga Amagye era Kyabazinga, n'okukolanga Ekibinuko eky'Entindi.

Zekaria 14:18

Abamisiri bwe baliroba okuja okukola Ekibinuko eky'Entindi ekyo, Musengwa Katonda alibasindikira endwaire embi y'alisindikira amaghanga agandi agaloba okuja okukikuza.

Zekaria 14:19

Ekyo n'ekibonerezo ekirigheebwa Misiri, n'amaghanga agandi goonagoona agataaniineniinenga kuja kukola Kibinuko kya Ntindi.

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Yoanne 4:23

Aye ekiseera kiri kwidha era kituuse, abasinza mu nsambo entuufu basinze Lata mu Mwoyo era ni mu mazima, kuba abamusinza mu nsambo ng'oti n'eyo Lata oyo b'asiima.

Okwolekebwa 15:4

Musengwa, naani atalitya liina lyo oba okulisaaka? Iwe wenka n'iwe omutukuvu. Abantu ab'amaghanga goonagoona baliidha baasinza mu maiso go, kuba ebikolwa byo eby'obutuufu bibonebwa abantu boonaboona.”