Isaia 66:22 - Baibuli Ekibono kya Katonda 2014

²² “Ng'eigulu eiyaaka n'ensi empyaka bye ndikola bwe birisigalagho mu maiso gange, n'eizaire lyaimwe lityo bwe lirisigalagho era n'eriina lyaimwe lyona lyasigalagho.

Isaia 66:22 ပူးပေါင်းရင်းမြစ်များ

Isaia 48:19

Ab'eizaire lyo bandibaire kamaala ng'oti musenho, nga tibabalika ng'oti mpeke dhaagwo. Era nandibakugiire baaloba kuwaagho kuzikirira.”

Isaia 51:16

Nkutaire ebibono byange mu kanwa mwo, era ndidha kukukuumanga n'omukono gwange. Ninze eyabamba eigulu, ni ntaagho n'emisingi gy'ensi, era ni nkoba ab'omu Yerusalemu nti, ‘Niimwe abantu bange.’ ”

Isaia 53:10

Musengwa Katonda akoba ati: “Ninze namuleetera okumunuubulanuubula, era naamuleetera okwetwika obughafu bwaimwe; kuba bw'aghaayo obulamu bwe ng'ekigheebwayo olw'ebibi, alibona abaidhukulu abamusimukamu, yaayongera ku nnaku dhe edh'oku nsi. Olwo bye nhenda byaba nga bituukirizibwa mu oyo.

Isaia 56:5

ndireetera eriina lye okwidhukirwanga buliidho mu isinzizo lyange ni mu bantu bange aghazira kwerabirwa naire, okusinga bwe yandibaire azaire abaana abalenzi n'abaghala.”

Isaia 59:21

Nkoze n'imwe endagaano, era mbaghaire obuyinza bwange n'endhegeresa yange, bibenga byaimwe buliidho. Era okuva ni mpegaano mwidha kungonderanga era mwegeresenga abaana baimwe okumpuliranga ebyanda n'ebyanda.”

Isaia 61:8

Musengwa Katonda akoba ati: “Nze nhenda abo abakola amazima, aye nkyagha abo abanhazi n'abakozi b'ebibi. Ndigha abantu bange empeera yaibwe nga njiira ku mazima, era naakola nabo endagaano ey'ebyanda n'ebyanda.

Isaia 61:9

Abaana baibwe balimanhikana mu maghanga, n'abaidhukulu baibwe baaba bamanhifu mu bantu boonaboona. Buli muntu anaababonanga alimanha ng'abo n'abantu, nze Musengwa Katonda be mpaire enkabi.”

Isaia 65:17

“Bona, buti ndi kutonda eigulu eiyaaka n'ensi empyaka. Era ebintu ebyabita tibiriidhukirwa waire okulowoozebwaku.

Isaia 65:22

Ole talizimba ndhu, kabiri omuntu wundi n'agibaamu. Era ole talisimba kintu, kabiri owundi n'akirya. Ng'emiti bwe gighangaala emyaka kamaala, n'abantu bange batyo bwe balighangaala. Abantu bange abo be nalondamu, balirwagho nga bakaalya ku bintu byaibwe bye baafaabiikanira.

Isaia 65:23

Emirimo gye balikola tibalidaagira bwereere. N'abaana be balizaala tibalituukibwaku kabi naire kuba nze Musengwa Katonda mwene ndibagha enkabi ghalala n'eizaire lyaibwe.

Yeremia 33:20

“Nakola endagaano n'omusana era naakola endagaano n'obwire, nti bibengagho mu kiseera kyabyo ekituufu, era endagaano eyo ghazira asobola kugimenhagho.

Yeremia 33:21

Era ntyo bwe nkoze endagaano n'omugheereza wange Daudi, nti buliidho ghaidha kubangagho omuntu ku baidhukulu be anaabanga kyabazinga. Era naakola endagaano nti buliidho ghaidha kubangagho bakabona ab'omu kika kya Levi abanampeerezanga. Era endagaano edho ghazira asobola kudhimenhagho.

Zefania 3:20

Mu kiseera ekyo mwenamwena nja kubasololeza ghalala mbaize eka. Bwenebwene nja kubafuula bamanhifu era abasaakibwa mu nsi yoonayoona, era mbairizeegho ebirungi nga mwenamwena mubona.” Musengwa Katonda n'akobye.

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

2 Petero 3:13

Aye nga Katonda bwe yasuubiza, tuteegerera eigulu eiyaaka n'ensi empyaka omuliba obutuufu.

Okwolekebwa 21:1

Agho naabona eigulu eiyaaka n'ensi empyaka, kuba eigulu eryasooka n'ensi eyasooka byali bibuzeegho, n'enhandha nga tekaaligho.