Isaia 66:17 - Baibuli Ekibono kya Katonda 2014

¹⁷ Musengwa Katonda akoba ati: “Abo abeerongoosa ni beetukuza, era ni basimba enhiriri okuja ku mikolo egiba mu nimiro dhe basengamu emisambwa, ni balya emamba y'embiidhi, n'empube, n'ebyenhinhalwa ebindi, balizikirizibwa boonaboona ghalala.

Isaia 66:17 ပူးပေါင်းရင်းမြစ်များ

Isaia 1:31

Ab'amaani baliba ng'oti isubi ikalu, ate ebibi bye bakola byaba ng'oti nnimi dha muliro, olwo baliyiira ghalala nabyo, era ghaabulagho n'omuntu asobola okulobera okuzikirizibwa kwaibwe.

Isaia 13:9

Bona, olunaku lwa Musengwa Katonda luli kwidha! Ku lunaku olwo aliraga ekiruyi n'obusungu obubitiriire, yaaleka ensi ng'eri bwa bifulukwa byereere era yaasaaniagho abakozi b'ebibi boonaboona mu nsi.

Ezekieli 4:14

Aye nze naamwiramu nti: “Aa, Musengwa Katonda wange, bona eno, nze tyeyonoonangaku naire. Okuva mu buto bwange okutuuka ni ye buli eno, tiryangaku kifiire bufe kyene, oba ekiitiibwa ensolo edh'omu nsiko. Era tiryangaku kintu kyonakyona ekitali kirongoofu.”

Abalevi 11:29

“Ebiramu bino byona munaabibaliranga mu ebyo ebitali birongoofu: enfuko, empube, omudolome omunene n'ebindi ebiri mu kika kyagwo;