Isaia 66:16 - Baibuli Ekibono kya Katonda 2014

¹⁶ Musengwa Katonda alibonereza abantu boonaboona ng'akozesa muliro na mpiima, era abo b'aliita baliba kamaala.

Isaia 66:16 ပူးပေါင်းရင်းမြစ်များ

Isaia 10:4

Muliba nga muzira kindi kya kukola okutoolaku okutwalibwa mu busibe, oba okwitibwa mu lutalo. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaagalwire omukono gwe okubabonereza.

Isaia 27:1

Ku lunaku olwo, Musengwa Katonda alikozesa empiima ye enkalangufu enkologho era endhogi einho, yaabonereza ogusota ogwetebwa Leviathani, ogwezingulula ni gulumuka. Aliita ogusolo ogwo oguba mu nhandha.

Isaia 3:13

Musengwa Katonda asitwike yaidha okulumiriza abantu be, yeetegeike okubasalira omusango.

Isaia 30:30

Musengwa Katonda alireetera abantu boonaboona okuwulira amamiro ge ag'ekitiisa, n'okubona omukono gwe ogubonereza nga gwika. Ghalibaagho enimi edh'omuliro oguzikiriza buli kiri mu ngira yaagwo, era ghaabaagho okughemya n'okutyabuka kw'olukuba, ni kiwunga, n'amaadhi agalimu amabaale ag'omugozi.

Isaia 31:8

Abassiria baliitibwa inho mu lutalo, aye nga bantu ti n'ababaita. Abassiria abo balirumuka olutalo, era abaisuka baibwe balifuulibwa bairu.

Isaia 34:2

Musengwa Katonda asungughaliire amaghanga goonagoona, yaasungughalira n'amagye gaago goonagoona, era yaagaghaayo y'abazigu bagazikirize goonagoona.

Isaia 65:12

Imwe muliitirwa mu ntalo mwatirimbulwa kuba bwe nabeeta timwanvugira waire okufaayo okuwulirisa bye nkoba. Aye mwakola ebibi ye ndi, mwalondagho okukola ebitansangaaza.

Yeremia 25:31

Amamiro ge baligawulira eyo yoonayoona ensi y'ekanga, kuba ghaligho omusango Musengwa Katonda oyo gw'avunaana amaghanga. Aliwozesa abantu boonaboona, yaabaghaayo baabaita.’ ”

Yeremia 25:33

“Ku lunaku olwo, emirambo gy'abo Musengwa Katonda b'aliita, girisansaanira woonawoona okuva ensi y'eva okutuuka y'ekanga. Abantu abo tighalibaagho abalira waire atoolagho mirambo gyaibwe kuja kugiziika. Balisigala agho ku itaka ng'oti mmungo dha busa.

Yeremia 45:5

Obwo iwe oli kwenda obisibwe mu nsambo ey'endhawulo? Busa naire, ebyo biveeku. Ndidha kuleeta akabi ku bantu boonaboona. Aye iwe weesuneku, kuba oidha kuwoniangagho obulamu bwo, eyo yoonayoona y'olija. Nze Musengwa Katonda, ninze nkobye.”

Yeremia 46:15

Lwaki Apisi katonda waimwe ow'amaani yagwa? Lwa kuba Musengwa Katonda yamukuba yaamugwisa ghansi.’

Ezekieli 28:18

Olw'ebibi byo olukunkumuli n'obukupankupania obungi mu kusuubula kwo, waleetera ebifo byo ebisinzibwamu okwonooneka. Kyenava ni ntumbusa omuliro mu iwe gwakwokya, abo boonaboona abakulingangaku baabona ng'osiriire ofuuse ivu.

Ezekieli 38:17

Nze Musengwa Katonda nkukakasa nti: Niiwe ye nayogeraku mu biseera eby'eira nga mbita mu bagheereza bange abalanzi ab'omu Isiraeli, baamala emyaka kamaala nga balanga bati ndikusindika waabalumba.”

Ezekieli 5:15

“Bwendibasalira omusango ni mbabonereza nga ndi mu busungu obubitirivu, olwo ab'amaghanga agabeezungulwire balitya inho. Mulifuuka kivumo era eky'okuyeeyereza ye bali, era mwafuuka akamanhiso ak'okubalabula. Nze Musengwa Katonda, ninze ndhogeire.

Yoeli 3:2

Ndisoloza abamaghanga goonagoona, naabatwala mu kyetebwa Ekiiko kya Yehoshafati. Era nga bali eyo, ndibasalira omusango olw'ebyo bye baakola ku bantu bange Abaisiraeli kuba baabasansaaniza eyo mu maghanga, era baagabana ensi yange Isiraeli.

Amosi 7:4

Kabiri Musengwa Katonda yandholeka bino: naja okulinga nti nga mmubona ng'alikweta okwokya okw'endhuba okuli ng'oti muliro, kwidhe kubonereze abantu be. Enhandha yali emaze okwokebwa okuva ku ntobo era nga n'obukalu butooleire okuya.

Nahumu 3:15

Aye, ni bwemunaakola mutya, era omuliro gwidha kubookya, babaitire mu lutalo, era babamalegho ng'enzige bwe dhimalagho ebisimbe. Mwazaalagana inho ng'oti nzige.

Nahumu 3:3

Ab'oku mbalaasi bali kulumba ng'empiima dhaibwe dhiri kumyansa era nga n'amafumo gaibwe gali kumirimiinha. Emirambo giri kugwa mmungo na mmungo, era abalwani bali kuja nga bagyekontolaku.

Zekaria 14:5

Muliwona nga mubitira mu kiiko ekyo ekirigabaniamu olusozi aghabiri. Mulirumuka nga badhaadha baimwe bwe baakola ku lule musisi lwe yabita mu biseera bya kyabazinga Uzzia ow'e Buyudaaya. Agho Musengwa Katonda waife aliidha ng'ali ghalala n'abatukuvu boonaboona.