Isaia 66:12 - Baibuli Ekibono kya Katonda 2014

¹² Musengwa Katonda akoba ati: “Bona, ndireetera ebirungi okuba mu Yerusalemu ebingi einho, nga bikuuluula bukuuluule ng'oti mwiga. Obukombe obw'amaghanga buliyoolookera omwo ng'oti n'omwiga ogwidhwire ni gubanda n'okubanda. Era imwe mulirabirirwa ng'oti mwana mughere inhina y'ayonsa, n'amulera era n'amutenga ku mubiri.

Isaia 66:12 ပူးပေါင်းရင်းမြစ်များ

Isaia 14:2

Amaghanga kamaala galiyamba Abaisiraeli okwirayo mu nsi yaibwe, Musengwa Katonda ye yabagha. Era abamaghanga agandi balifuuka bairu ba Baisiraeli abo, baabagheerezanga. Olwo abo abaatwala Abaisiraeli nga banhage baaba nga bafuulibwa okuba abanhage ab'Abaisiraeli abo. Era Abaisiraeli abo balifuganga abo abaabatuntuzanga.

Isaia 26:3

Wo Musengwa Katonda, abo abagumira ku iwe, obaleetera okuba mu miraala gyenegyene, kuba bakwesiga.

Isaia 33:21

Eyo Musengwa Katonda y'alitwolekera ekitiisa kye, twaba mu kifo ekirimu ensulo, era ekirimu n'emiiga eminene okutabita maato ga bazigu.

Isaia 45:14

Musengwa Katonda era akoba Isiraeli ati: “Obukombe bwa Misiri n'ebintu by'Ethiopia eby'okusuubula birifuuka bibyo. N'abantu b'e Seba abawaigufu balifuuka bairu bo, baakunonereza nga bali ku ndhegere, era baidha y'oli okukukubira amakiryaivu nga baatula bati, ‘Bwenebwene Katonda ali n'iwe wenka, era oyo ni Katonda yenka, ezirayo wundi.

Isaia 48:18

“Ha, kale ngoli wawulira ebiragiro byange! Wandibaire mu miraala egikuuluula ng'oti mwiga ogutakala, era waaba n'obughanguzi obw'amaani ng'oti kwefuukuula kwa nhandha.

Isaia 54:13

Nze Musengwa Katonda mwene ninze ndyegeresa abantu bo, naabaleetera ebintu okubajiiranga obukalamu nga bali mu miraala.

Isaia 54:3

Oligaziya ensalosalo edh'ekiketezo kyo dhaaja ku ndhuyi dhoonadhoona edh'ensi. Abantu bo balitwala ebiketezo eby'abamaghanga agandi, era baliidhula mu bibuga ebyali birekeibwa obwagho.

Isaia 59:19

Abantu okuva e buvandhuba okutuuka e bugwandhuba balimutya, era baatya n'ekitiisa kye kuba aliidha ng'oti n'omwiga oguwolomboka n'amaani, nga gutwalibwa empewo Musengwa Katonda mwene y'asindika.

Isaia 60:16

Amaghanga ni bakyabazinga balikulabirira ng'oti n'inhina w'omwana bw'amulabirira. Era olimanha nga ninze Musengwa Katonda Omulokozi wo era Omununuzi wo, Katonda Owamaani owa Isiraeli.

Isaia 61:6

Aye imwe, abantu balibeetanga bakabona ba Musengwa Katonda, era abagheereza ba Katonda waife. Mulikozesanga obukombe bw'amaghanga, bwabaleeteranga imwe okuteebwamu ekinhagansi.

Isaia 66:11

musobole okwonka mwigute amabeere ge agaidhwire, era mugabane ku kitiisa kye ekiswikiriire.”

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Yeremia 33:6

Aye bona eno, ndiizaagho ekibuga kino bukalamu era naakireetera okuwona. Abantu baamu ndibaleetera okuba mu miraala kamaala, ng'ebintu bibajiira bukalamu.

Haggai 2:9

Eisinzizo eiyaaka liriba lya kitiisa okusinga lire eryasooka. Era mu eryo mwe ndireetera abantu bange ebintu okubajiiranga obukalamu nga bali mu miraala. Nze Musengwa Katonda Afuga Amagye, ninze nkobye.”