Isaia 66:11 - Baibuli Ekibono kya Katonda 2014

¹¹ musobole okwonka mwigute amabeere ge agaidhwire, era mugabane ku kitiisa kye ekiswikiriire.”

Isaia 66:11 ပူးပေါင်းရင်းမြစ်များ

Zabbuli 36:8

Batoola ku bungi bw'emere eri mu ndhu yo baakola embaga, era baafuna ku birungi byo ebikuuluula ng'oti mwiga.

Isaia 49:23

Bakyabazinga balibalabirira imwe ng'oti ni baiseimwe beene, ni bainhebantu ba bakyabazinga abo baabalabirira ng'oti ni bainhaimwe beene.” Balibakubira amakiryaivu, baakutama n'ebyeni byatuuka ku itaka, baakomba enkungu ku bigere byaimwe. Olwo mwamanha nga ninze Musengwa Katonda era mwamanha muti abaneesiga tibaliswazibwa.

Isaia 60:1

Iwe Yerusalemu, situka oyake ng'oti ndhuba, kuba obutangaavu bwo butuuse, n'ekitiisa kya Musengwa Katonda kiri kwakira ku iwe.

Isaia 60:16

Amaghanga ni bakyabazinga balikulabirira ng'oti n'inhina w'omwana bw'amulabirira. Era olimanha nga ninze Musengwa Katonda Omulokozi wo era Omununuzi wo, Katonda Owamaani owa Isiraeli.

Isaia 60:2

Bona eno, enzikiiza erigema ku nsi, enzikiiza eri bedimudimu yaasandikira amaghanga. Aye Musengwa Katonda alivaayo ng'oti ndhuba yaakwakiraku, n'ekitiisa kye kya bonekera ku iwe.

Isaia 60:5

Olibona ekyo waasangaala; omwoyo gwakupakukapakuka olw'eisanhu. Kuba obukombe obw'amaghanga balibukuleetera; ebintu ebingi einho baabibisa ku nhandha byafuuka bibyo.

Isaia 62:2

Yerusalemu, amaghanga galibona bw'onunwirwa, ni bakyabazinga boonaboona baabona ekitiisa kyo. Olituumibwa eriina eiyaaka, Musengwa Katonda mwene ly'alikugha.

Yoeli 3:18

Mu kiseera ekyo, ensozi dhiriidhula enimiro dh'emizabbibu, n'obusozi bwaidhula ente edhikamwa. Obwiga bw'omu Buyudaaya bwonabwona buliidhula amaadhi. Era ghalibaagho ensulo ey'amaadhi erikuuluula ng'eva mu isinzizo lya Musengwa Katonda, yaaja yaafukirira Ekiiko eky'e Shittimu.

1 Petero 2:2

Ng'abaana abaghere bwe balirira amata amakalamu buli kiseera, mwena buliidho mwegombenga emere enkalamu ey'omwoyo. Bwe mulya emere eyo mwidha kukula era mulokolwe.