Isaia 66:1 - Baibuli Ekibono kya Katonda 2014

¹ Musengwa Katonda akoba ati: “Eigulu n'ekityamo kyange eky'obwakyabazinga, ate ensi, kwe nta ebigere byange. Kale mulinzimbira ndhu nabaki? Era kifo ki mwe ndiwuumulira?

Isaia 66:1 ပူးပေါင်းရင်းမြစ်များ

1 Bakyabazinga 8:27

“Aye obwo bwenebwene iwe Katonda oghanga okuba ku nsi? Ate oba waire mu igulu lyene, erisingayo okuba ghaigulu tosugamu, memale onaasuga otya mu isinzizo lino lye nzimbye!

1 Ebyomubyanda 28:2

Agho kyabazinga Daudi yaayemerera, yaakoba ati: “Muwulire bye nkoba, imwe baganda bange era bantu bange. Nayenda inho okuzimbira Esanduuku y'Endagaano ya Musengwa Katonda endhu mw'enaabanga, kibenga ekifo Katonda waife mw'afugira. Era nali ntegeike okuzimba,

2 Ebyomubyanda 2:5

Era eisinzizo lye nja okuzimba lija kuba ikologho, kuba Katonda waife mukologho okusinga bakatonda boonaboona.

2 Ebyomubyanda 6:18

“Aye obwo bwenebwene iwe Katonda osobola okuba aghalala n'abantu ab'oku nsi? Ate oba waire mu igulu lyene, erisingayo okuba ghaigulu tosugamu, memale onaasuga otya mu isinzizo lino lye nzimbye!

Zabbuli 11:4

Musengwa Katonda ali mu isinzizo lye eitukuvu, ekityamo kye eky'obwakyabazinga kiri mu igulu. Alingirira abantu, yaabeekebeedha, era yaamanha kye baliku.

Zabbuli 132:7

Agho twakoba tuti: “Ka tuje mu ndhu ya Musengwa Katonda, tuje tweyale gha bigere bye tumusinze.”

Zabbuli 99:9

Musaake Musengwa Katonda waife, mumusinze nga muli ku lusozi lwe olutukuvu; kuba Musengwa Katonda waife mutukuvu.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 60:13

Abantu balireeta emiti egiva e Lebanoni, emisipuressi, emipulane, n'emyalumugi, baagizimbisa buyaaka eisinzizo lyange okuliwoomya, n'okugheesa ekibuga kyange ekitiisa.

Yeremia 23:24

Ghazira muntu asobola kwegisa ghe ntasobola kumubona. Timwidhi nga ndi buli ghantu, mu igulu ni mu nsi?

Malaki 1:11

Okuva e buvandhuba okutuuka e bugwandhuba, abantu ab'amaghanga goonagoona bantaamu ekitiisa. Buli ghantu baniokeza obubbaani ye ndi era baagheereza ye ndi ebigheebwayo ebirongoofu. Boonaboona bantaamu ekitiisa.

Matayo 12:6

Aye ka mbakobere: ghano ghaligho asinga n'eisinzizo.

Matayo 24:2

Yaabakoba ati: “Ebyo byonabyona timuli kubibona? Bwenebwene ka mbakobere: Ghano tighaliba ibaale lirisigala ku liinaalyo nga tirisuuliibwa ghansi.”

Ebikolwa by'Abatume 17:24

Katonda eyakola ensi n'ebigirimu byonabyona, oyo ni Musengwa w'eigulu n'ensi era oyo taba mu masabo gazimbibwa bantu.