Isaia 65:4 - Baibuli Ekibono kya Katonda 2014

⁴ Obwire baja mu lwambiidhi omuziikibwa abantu, baatyama ku magombe era baaba mu bifo ebyekusifu. Balya emamba y'embiidhi, baawuutira mu bibya byaibwe omuunhu ogw'omu mamba eyenhinhalwa.

Isaia 65:4 ပူးပေါင်းရင်းမြစ်များ

Okuvaayo 23:19

“Emere ye musookanga okukungula mu misiri gyaimwe mugireetanga mu ndhu yange nze Musengwa Katonda waimwe, mwagighaayo. “Mutafumbiranga mamba ya mbuzi nto oba ya ntaama nto, mu mata ga inhaayo.”

Okuvaayo 34:26

“Emere ye musookanga okukungula mu misiri gyaimwe, mugireetanga mu ndhu yange nze Musengwa Katonda waimwe, mwagighaayo. “Mutafumbiranga mamba ya mbuzi nto, oba ya ntaama nto mu mata ga inhaayo.”

Isaia 66:17

Musengwa Katonda akoba ati: “Abo abeerongoosa ni beetukuza, era ni basimba enhiriri okuja ku mikolo egiba mu nimiro dhe basengamu emisambwa, ni balya emamba y'embiidhi, n'empube, n'ebyenhinhalwa ebindi, balizikirizibwa boonaboona ghalala.

Isaia 66:3

“Ghaligho abantu abasalagho okukola ebintu nga bwebenda, nga tibataagho ndhawulo naire ghagati gha kino ni kire: Ole okughaayo ente ng'omusengo, akibona nga n'ekirala n'ole aghaireyo omuntu. Ole okughaayo entaama ento ng'omusengo, akibona nga n'ekirala n'ole amenha enkoto y'embwa. Ole okuleeta ekigheebwayo eky'emere ey'empeke, akibona nga n'ekirala n'ole aghaireyo omusaayi gw'embiidhi. Ole okuniokeza obubbaani, akibona nga n'ekirala n'ole asaba enkabi eri ekisinzibwa ekitali Katonda. Abantu abo kye benda kye bakola, era basanhukira inho ebyenhinhalwa bye bakola.

Ezekieli 4:14

Aye nze naamwiramu nti: “Aa, Musengwa Katonda wange, bona eno, nze tyeyonoonangaku naire. Okuva mu buto bwange okutuuka ni ye buli eno, tiryangaku kifiire bufe kyene, oba ekiitiibwa ensolo edh'omu nsiko. Era tiryangaku kintu kyonakyona ekitali kirongoofu.”

Abalevi 11:7

Era mutalyanga mbiidhi. Munaagibaliranga mu ebyo ebitali birongoofu, kuba waire eri n'ebinuulo ebyawulemu, aye teiza bwekulumo.

Zekaria 9:7

Ndibalekeza okuliira omusaayi mu mamba, n'okulya ebintu ebindi byonabyona ebyenhinhalwa. Abaliwonagho boona balitwalibwa ng'abantu bange, baaba ng'oti n'ekindi ku bika kya Yuda. Abantu ab'e Ekuroni boona balifuuka bantu bange, ng'Abayebusi bwe baafuuka.

Okubala 19:11

“Omuntu bw'anaagemanga ku mulambo ogw'omuntu, aidha kusigalanga nga tiimulongoofu okumala enaku musanvu.

Matayo 8:28

Agho bwe yatuuka eruuyi ere mu nsi ey'Abagadara, abantu babiri abaaliku emizimu emibi baamwagaana nga bava mu lwambiidhi omwaziikibwanga abantu, nga bakambwe ekibitiriire era nga ghazira muntu asobola kubita mu ngira eyo.

Luka 8:27

Bwe yatuuka ku bukalu yaayagaanana n'omusaadha eyali ava mu kibuga ng'aliku emizimu emibi, era yali amaze entangama nga tavaala, nga tasula mu ndhu, ng'asula eyo mu lwambiidhi omwaziikibwanga abantu.

Amateeka Agokubiri 14:21

“Mutalya ku kintu kyonakyona ekifiire kyene. Munaabanga ba idembe okukigha abasenze ababa mu nsi yaimwe okukirya, oba munaabanga ba idembe okukiguza abasenze abandi. Aye imwe muli ighanga, Musengwa Katonda waimwe lye yafuula erirye. “Mutafumbiranga mamba ya mbuzi nto oba ya ntaama nto, mu mata ga inhaayo.”

Amateeka Agokubiri 14:3

Musa yaakoba Abaisiraeli ati: “Mutalyanga ku kintu kyonakyona, Musengwa Katonda kye yalangirira okuba nga tiikirongoofu.

Amateeka Agokubiri 14:8

Era mutalyanga mbiidhi. Yoona mwidha kugibaliranga mu nsolo edhitali nongoofu, kuba waire eri n'ebinuulo ebyawulemu, aye teiza bwekulumo. Mutalyanga ku mamba ya nsolo edho, waire okudhigemaku nga dhifiire.

Amateeka Agokubiri 18:11

oba avaala talasimu, oba akozesa amaghembe, oba asamira.