Isaia 65:24 - Baibuli Ekibono kya Katonda 2014

²⁴ Banaabanga bakaali na kundheta nga nabawuliire ira, era banaajanga okumala okunsaba nga nabaizeemu ira.

Isaia 65:24 ပူးပေါင်းရင်းမြစ်များ

Amainhama 24:15

Bwe yali ng'akaayogera Rebekka yaatuuka ng'abbeedie ensugha ku ibega. Rebekka ono yali mughala wa Bethueli mutabane wa Milika eyali muka Nahori. Nahori ono yali muganda wa Aburahamu.

2 Bakyabazinga 19:20

Agho Isaia mutabane wa Amozi yaagheereza Hezekia obukwenda obukoba buti Musengwa Katonda wa Isiraeli akoba ati awuliire okusaba kwo ku bigema ku Sennakeribu kyabazinga w'e Assiria.

Zabbuli 32:5

Agho naayatula y'oli ebibi bye nakolanga, era naaloba kukugisa mikuzi gye nayonoonanga. Naakoba nti: “Nteekwa okwatula okwonoona kwange ye Musengwa Katonda.” Agho weena wansonigha omusango ogw'ebibi bye nakola.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Isaia 30:19

Imwe abantu ababa mu Yerusalemu, timukairamu kabiri kulira maziga. Oluliba okulira muti, nga Musengwa Katonda abagemerwa kivunika ng'awuliire okulira kwaimwe, ng'abagha kye mumusabye.

Isaia 41:17

Abantu bange abaavu n'abali mu bwetaavu, bwe balinoonia amaadhi ni gababula, amamiro ni gatuuka n'okubakala olw'endiwo, nze Musengwa Katonda ndiiramu okusaba kwaibwe nze Katonda wa Isiraeli tiribalekulira agho.

Isaia 55:6

Munoonie Musengwa Katonda nga mukaasobola okumubona gh'ali, mumusabe ng'akaabali kumpi.

Isaia 58:9

Bwe munandhetanga ndidha kuvugiranga, era bwe munandiriranga ndidhanga kubairamu nti, ‘Ndi ghano!’ “Bwe mulyetoolamu omuze ogw'okutuntuza banaimwe, okubanhoomerera, n'okuboogeraku ebibi,

Isaia 59:1

Mutalowooza muti amaani ga Musengwa Katonda gaakoma, yaaba nga takaasobola kubalokola. Oba okulowooza muti amatu ge gaasemba, gaaba nga tigakaabawulira, nga muli kumweta okubayamba.

Danieli 10:12

Agho yankoba ati: “Danieli otatya, kuba Katonda awuliire okusaba kwo, okuviira irala ku lunaku lwe watoolera okwewombeeka mu maiso ge ng'oyenda okutegeera obukwenda obw'okubonekerwa. Era nze ndidhie olw'okusaba kwo okwo.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Mariko 11:24

Kale ka mbakobere, buli kye musaba nga mweghemba Katonda, mwikirize muti mukifunie, era timuliroba kukifuna!

Ebikolwa by'Abatume 4:31

Bwe baamala okusaba, ekifo ghe baali beesololeiza kyatengeesebwa, boonaboona baidhula Mwoyo Mutukuvu, baayogera ekibono kya Katonda nga bagumu.