Isaia 65:20 - Baibuli Ekibono kya Katonda 2014

²⁰ Abaana baliba tibakaafa nga bato, era abantu boonaboona balighangaalanga emyaka gyaibwe emiidhuvu. Abo abalighangaalanga emyaka ekikumi, balibalirwanga mu bato. Era ole okufa nga tagigheziiza, kalibanga kamanhiso ka kukolimirwa.

Isaia 65:20 ပူးပေါင်းရင်းမြစ်များ

Yobu 5:26

Olifa waateebwa mu magombe ng'omaze okughangaala waawola, ng'oti n'engaano ye bakungwire mu biseera byayo ebituufu, n'ereetebwa ekubwe.

Zabbuli 34:12

Naani oyo ayenda okufuna obulamu, era eyeegomba okughangaala nga musangaavu?

Isaia 22:14

Musengwa Katonda Afuga Amagye yankoba ati: “Bwenebwene ekibi ekyo tija kukibasonigha okutuusa lwe mulifa.” Musengwa Katonda oyo Afuga Amagye atyo bw'akoba.

Isaia 3:11

Aye ababi bakagwireku! Ebyaibwe bibi, kuba byene bye baakolanga ku bandi, ni byene ebyo bye baidhanga boona okubakolaku.

Zekaria 8:4

Abasaadha n'abakazi abakaire einho abatambulira obw'oku mikoomo olw'emyaka, baliiramu okutyamanga mu mpya edh'ekibuga Yerusalemu.

Amateeka Agokubiri 4:40

Mukuumenga amateeka ge n'ebiragiro bye, bye ndi kubagha olwaleero, mughange okubanga obukalamu, imwe n'abaana baimwe abaliiragho, era mughangaalire mu nsi, Musengwa Katonda waimwe y'ali kubagha okubanga eyaimwe enaku dhoonadhoona.”