Isaia 65:2 - Baibuli Ekibono kya Katonda 2014

² Olunaku lwonalwona nayandhuluzanga emikono gyange okusangaaza abantu abadheemu, abeebisa mu nsambo etali nkalamu nga bajiira ku ebyo beene bye bayiiya okukola.

Isaia 65:2 ပူးပေါင်းရင်းမြစ်များ

Amainhama 6:5

Musengwa Katonda yaabona ng'omuntu ku nsi afuuse mubi inho era ng'ebidhuubo bye bibi ekiseera kyonakyona.

Zabbuli 36:4

Akola entegeka ey'okukola eby'eitima ng'ali mu buliri, yaasituka nga ghazira kirungi kye yeetegeike kukola, era ghazira kibi kimugemya ntete kukola.

Zabbuli 36:5

Aye iwe Musengwa Katonda okugonza tikukoma era kugungumavu okutuuka mu igulu, ate obwesigwa bwo butuuka mu bire.

Ensambo 1:24

Nabeeta mwaloba kuvugira, naabagololera omukono mwaloba kwidhayo.

Ensambo 16:29

Omuntu akola eby'obukambwe asendasenda n'abandi, yaabakoza ebintu ebitali bikalamu.

Isaia 1:2

“Iwe eigulu wulira n'iwe ensi tega kutu, muwulirise bye nkoba. Abaana be nalera ni nkuza, bandheemeire.

Isaia 1:23

Abakulembeze bo badheemu, era bagemagana na baibi. Buli muntu agonza kulya nguzi era yaagunirira okugheebwa ebirabo. Tibalwaniriraku bamulekwa, waire okuwulirisa ensonga banamwandu dhe babaleetera.

Isaia 30:1

Musengwa Katonda akoba ati: “Bakagwireku abakulembeze abo abadheemu, abajiira ku ntegeka nze dhe ntakoze, era ni bakola endagaano edh'enkolagana n'amaghanga agandi; kuba agho baba bongera kibi ku kibi.

Isaia 30:9

Badheema buliidho era baajiira ku kuguyaguya, baaloba okugondera amateeka ga Musengwa Katonda.

Isaia 55:7

Ababi balekeyo empisa dhaibwe embi; aboonooni bave mu ndowooza yaibwe embi. Baire eri Musengwa Katonda, aidha kubagemerwa ekivunika; Katonda waife oyo aidha kubasoniyira irala na mwoyo mulala.

Isaia 55:8

Musengwa Katonda era akoba ati: “Ebidhuubo byange tibiri ng'oti n'ebyaimwe, waire engeri dhaimwe okuba ng'oti n'edhange.

Isaia 63:10

Aye baamala beene baadheema, baanakughaza omwoyo gwe omutukuvu. Kale Musengwa Katonda oyo yaakyuka yaafuuka muzigu waibwe, era yaabalwanisa mwene.

Isaia 66:18

Nze ndidhi bye bakola ni bye balowooza. Ekiseera kiidha kutuuka nsoloze ab'amaghanga goonagoona aboogera enimi edha buli nsambo. Baliidha baabona ekitiisa kyange,

Isaia 66:3

“Ghaligho abantu abasalagho okukola ebintu nga bwebenda, nga tibataagho ndhawulo naire ghagati gha kino ni kire: Ole okughaayo ente ng'omusengo, akibona nga n'ekirala n'ole aghaireyo omuntu. Ole okughaayo entaama ento ng'omusengo, akibona nga n'ekirala n'ole amenha enkoto y'embwa. Ole okuleeta ekigheebwayo eky'emere ey'empeke, akibona nga n'ekirala n'ole aghaireyo omusaayi gw'embiidhi. Ole okuniokeza obubbaani, akibona nga n'ekirala n'ole asaba enkabi eri ekisinzibwa ekitali Katonda. Abantu abo kye benda kye bakola, era basanhukira inho ebyenhinhalwa bye bakola.

Isaia 66:4

Kale zeena ndibasindikira ebyo byene bye batya ebibaleetera obulumi kuba bwe nayeta ghazira waire omulala ati eyavugira, era bwe nayogera ghazira yafaayo kuwulira. Aye baakola bwa bibi ye ndi, baalondagho okukola ebitansangaaza.”

Yeremia 18:12

“Aye baidha kwiramu bati, ‘Busa, lwaki tukyusa? Ife twidha kusigala nga tukola ebyo emyoyo gyaife emikalangufu era emibi bye gyenda.’ ”

Yeremia 3:17

Mu kiseera ekyo Yerusalemu kiriba kyetebwa ekityamo eky'obwakyabazinga ekya Musengwa Katonda. Abantu abamaghanga goonagoona balyesololeza eyo okunsinza nze Musengwa Katonda, nga tibakairayo kukola ebyo emyoyo gyaibwe emikalangufu era emibi bye gyenda.

Yeremia 4:14

Imwe ab'e Yerusalemu, munaaze emyoyo gyaimwe mugimalemu ebibi, memale mulokolebwe. Mulituusa li okubanga n'ebirowoozo ebibi mu myoyo gyaimwe?

Yeremia 5:23

Aye abantu imwe muli n'emyoyo emikalangafu era emidheemu. Mwakyuka, mwanvaaku mwaja ye mwenda.

Yeremia 7:24

Aye baaloba kumpulirisa waire okugondera bye ndagira. Baajiira ku ebyo emyoyo gyaibwe emikalangufu era emibi bye gyenda. Mu kifo ky'okuba abalungi, beeyongera bwa kuba babi inho.

Okubala 15:39

Amadhwenge ago buli lwe munaagalingangaku gaidha kubanga akamanhiso akanaabaidhusanga amateeka gange nze Musengwa Katonda n'okugagonderanga, mulobenga kunvaaku ni mujiira ku ebyo emyoyo gyaimwe n'amaiso gaimwe bye bibaleetera okwegomba.

Matayo 15:19

kuba ku mwoyo n'okuva ebidhuubo ebibi, obutemo, okwenda, okwemadula, obwibi, okughaayiriza, n'okuvuma Katonda.

Matayo 23:37

“Yerusalemu, Yerusalemu iwe aita abalanzi, n'okuba abatumiibwa y'oli amabaale! Emikuzi emeka gye nayenda okusoloza abaana bo aghalala ng'enkoko bw'esoloza obwana bwayo mu maghagha, aye nga tonganha?

Luka 13:34

“Yerusalemu, Yerusalemu iwe oita abalanzi n'abakwenda abakugheerezebwa n'obakuba amabaale! Ng'emikuzi kamaala neegomba okusoloza abaana bo aghalala ng'enkoko bw'ekola, aye nga toganha!

Ab'e Roma 10:21

Aye ng'ayogera ku Isiraeli akoba ati: “Olunaku lwonalwona nayandhuluza emikono gyange ku lw'abantu abatawulira era abadheemu.”

Ab'e Roma 2:5

Aye nga bw'oli n'omwoyo omukalangufu ogutenda kwenenia, weereeteire mwene omusango n'obukambwe ku lunaku Katonda lw'aliragiraku obusungu bwe, nga asala omusango aghazira kusaliriza.

Amateeka Agokubiri 29:19

Ghatabangagho awulira bibono bya ndagaano eno erimu okulayira, n'akoba mule ati: ‘Ndidha kuba bukalamu ni bwe nnaasigala nga tiri kujiira ku ndagaano eyo, nga neekolera byange.’ Okukola ekyo, kuba kuleetera abalungi n'ababi okuzikirira aghazira kubitiza.

Amateeka Agokubiri 31:27

Ndidhi bukalamu nga bwe bali abadheemu era ab'empwitu. Kuba oba nga badheemera Musengwa Katonda mpegaano nga nkaali mulamu, memale olwo tibalisinzaagho kumudheemera nga mmaze okufa?

Amateeka Agokubiri 9:7

“Mutagezangaku naire okwerabira nga bwe mwaleetera Musengwa Katonda waimwe okubasungughalira mu irungu. Okuviira irala ku lunaku lwe mwaviiraku mu Misiri, okutuusa lwe mwatuuka mu kifo kino, mubairenga nga mumudheemera.