Isaia 65:15 - Baibuli Ekibono kya Katonda 2014

¹⁵ Abo be nalondamu balikozesanga eriina lyaimwe nga bakolima. Era imwe, nze Musengwa Katonda, ninze mwene ndibaita, aye abo abakola bye nhenda ndibatuuma eriina eiyaaka.

Isaia 65:15 ပူးပေါင်းရင်းမြစ်များ

Zabbuli 102:8

Omusana n'obwire abazigu banvuma, era abo abanvumirira bakozesa eriina lyange nga bakolima banaibwe.

Ensambo 10:7

Omuntu omutuufu aidhukirwa nga wa nkabi, aye eriina ery'omubi lyerabirirwa irala.

Isaia 62:2

Yerusalemu, amaghanga galibona bw'onunwirwa, ni bakyabazinga boonaboona baabona ekitiisa kyo. Olituumibwa eriina eiyaaka, Musengwa Katonda mwene ly'alikugha.

Isaia 65:12

Imwe muliitirwa mu ntalo mwatirimbulwa kuba bwe nabeeta timwanvugira waire okufaayo okuwulirisa bye nkoba. Aye mwakola ebibi ye ndi, mwalondagho okukola ebitansangaaza.

Isaia 65:22

Ole talizimba ndhu, kabiri omuntu wundi n'agibaamu. Era ole talisimba kintu, kabiri owundi n'akirya. Ng'emiti bwe gighangaala emyaka kamaala, n'abantu bange batyo bwe balighangaala. Abantu bange abo be nalondamu, balirwagho nga bakaalya ku bintu byaibwe bye baafaabiikanira.

Isaia 65:9

Nditaagho ku baidhukulu ba Yakobo n'aba Yuda, baatwala ensi eyo erimu ensozi dhange. Abantu bange abo be nalondamu era abagheereza bange abo baligitwala yaaba yaibwe ku bwaibwe, era baagibangamu.

Isaia 66:15

Bona, Musengwa Katonda aliidhira mu muliro ng'ali n'ebigaali eby'omu lutalo ebiziinhuuka ng'oti kiwunga, ng'aidha okwolesa obusungu bwe obubitirivu, n'okubonereza ng'akozesa enimi edh'omuliro.

Yeremia 24:9

Ndidha kubafuula ekintu ekitiisa einho abantu boonaboona ku nsi, bafuuke eky'okwogerwaku era eky'okuyeeyereza. Baidha kubanga kivumo era kikolimo, eyo yoonayoona ye ndibasansaaniza.

Yeremia 25:18

Ab'omu Yerusalemu n'ab'omu bibuga byonabyona ebya Buyudaaya, ghalala ni bakyabazinga n'abakungu baabyo baakinhwa. Olwo, ebibuga ebyo bisobole okufuuka ebifulukwafulukwa mu nsambo etiisa einho. Era olwo abantu babyesimoozenga bwesimooze era babikolimirenga, nga bwekiri ni ye buli eno.

Yeremia 26:6

Era bwemutaalekere agho kubanga badheemu, nja kukola eisinzizo lino kye nakola Shilo. Olwo amaghanga goonagoona ku nsi, gaidha kukozesanga eriina ery'ekibuga kino nga gakolima.”

Yeremia 29:18

Ndibakiriga n'entalo, n'endhala, n'endwaire ya kawumpuli, era naabafuula ekintu ekitiisa einho abantu boonaboona ku nsi. Yoonayoona ye ndibasansaaniza baidha kubanga kintu kya kukolima, kya kwesimooza, era kya kuvuma.

Yeremia 29:22

Era abantu abaatoolebwa e Yerusalemu ni batwalibwa e Babilonia mu bunhage, bwe banaayendanga okukolimira omuntu, baidha kukobanga bati, ‘Musengwa Katonda agwananga yaakukola kye yakola Zedekia ni Ahabu, kyabazinga ow'e Babilonia be yayokya mu muliro ni bafa.’

Yeremia 42:18

“Musengwa Katonda Afuga Amagye, Katonda wa Isiraeli, akoba ati, ‘Nga bwe namalira obusungu bwange n'ekiruyi kyange ku bantu b'omu Yerusalemu, era ntyo bwe ndibimalira ni ku imwe, bwe musalagho okuja e Misiri. Mulifuuka ekintu ekitiisa einho, abantu baaboogerangaku nga babayeeyereza bwe babavuma. Era balikozesanga eriina lyaimwe ng'ekikolimo. Era timuliira kabiri mu Buyudaaya naire.’”

Yeremia 44:12

Abantu boonaboona abaali bawoniegho mu Buyudaaya, aye ni basalagho nga bamaliriire okuja okuba mu nsi Misiri, ndibaleetera boonaboona okuzikiribwa. Okuviira irala ku basembayo ghansi okutuukira irala ku babbede beene, balifiira mu nsi Misiri, nga babaitira mu ntalo oba nga bafa endhala. Balifuuka ekintu ekitiisa einho, abantu baaboogerangaku nga babayeeyereza bwe babavuma. Era abantu balikozesanga eriina lyaibwe ng'ekikolimo.

Ezekieli 14:8

Ndimwefuulira naamukyagha, naamufuula akamanhiso ak'okulabulanga abandi era eky'okuyeeyereza. Era ndimuboola naalekera agho okumubalira mu bantu bange, memale olwo mwamanha nga ninze Musengwa Katonda.

Zekaria 8:13

Imwe ab'omu Buyudaaya n'ab'omu Isiraeli, mwali mufuuse ekibono abamaghanga agandi kye baakozesanga okukolima. Aye buti ndidha kubanunula, olwo bakozesenga eriina lyaimwe okusabiranga abantu enkabi. Kale mutatya naire, mugume bugume.”

Matayo 21:41

Baamukoba bati: “Abakozi ababi abo, abatemo alibazikiriza bubi inho, era eisamba yaalitaamu abakozi abandi abalimugha ebibala mu biseera byabyo.”

Matayo 22:7

Kyabazinga yaanakughala, yaasindika amagye ge gaazikiriza abaisi abo era gaayokya n'ekibuga kyaibwe.

Ebikolwa by'Abatume 11:26

Bwe yamubona yaamuleeta mu Antiokia, baamala omwaka mulamba nga bali n'Ekikunsu ky'Abaikiriza mu Kurisito era baayegeresa abantu kamaala inho. Mu Antiokia abeegeresebwa ye baasookera okwetebwa Abakurisito.

Ab'e Roma 9:26

Mu kifo gheene ghe bayeterwa ‘Abatali bange’, agho gheene ghe balyeterwa abaana ba Katonda omulamu.”

1 Ab'e Thessalonika 2:16

nga batwekiika emberi tulobe kukobera abamaghanga agandi ebibono eby'okubalokola. Ekyo buliidho kyaidhuuliriza ebibi bye bakola. Aye ekiviire mu ebyo ni Katonda okubamaliraku ekiruyi kye.

Okwolekebwa 2:17

“Ali n'amatu awulire Mwoyo ky'akoba Ebikunsu eby'Abaikiriza mu Kurisito. Oyo aghangula ndimugha ku mannu eyagisibwa, era ndimugha eibaale eryeru okughandiikiibwa eriina eiyaaka eritamanhiibwa muntu wundi yeenayeena, okutoolaku oyo aba alifunie.