Isaia 65:14 - Baibuli Ekibono kya Katonda 2014

¹⁴ Abo abakola bye nhenda balyemba olw'eisanhu, aye imwe mwalira olw'enaku era mwawowoola olw'obulumi.

Isaia 65:14 ပူးပေါင်းရင်းမြစ်များ

Yobu 29:13

Be nawonianga okufa bansabiranga nkabi. Banamwandu bye nabakoleranga byabasangaazanga inho, baakuba emizira.

Zabbuli 109:28

Ka bankolimire aye nga iwe ompa bwa nkabi! Ni bwe baanumba, ka baswale aye nga nze omugheereza wo nsangaala busangaale.

Zabbuli 66:4

Abantu boonaboona ku nsi bakusinza; bakwembera enhembo edhikusaaka nga basaaka eriina lyo.”

Isaia 13:6

Muwowoole amaziga kuba olunaku lwa Musengwa Katonda luli kumpi; olunaku oyo Aghanga Ebintu Byonabyona lw'alireeteraku okuzikirira.

Isaia 24:14

Abo abaliba bawoniegho balyemba n'eisanhu lingi; abaliba ku luuyi olw'e bugwandhuba balisaaka ekitiisa kya Musengwa Katonda.

Isaia 50:11

Imwe mwenamwena abasala enkwe okuzikiriza banaimwe, mumanhe nti imwe beene niimwe mulyezikiriza mu nkwe dhaimwe dheene. Ekyo Musengwa Katonda mwene n'alikireetera okuba kityo, era mulifiira mu bulumi.

Isaia 51:11

Abo iwe Musengwa Katonda b'onunwire baliirayo e Yerusalemu nga bemba. Baliba mu masanhu na kusagamba enaku dhoonadhoona, ng'okunakughala n'okusinda biwoiregho.

Isaia 66:14

Ekyo mulikibona mwasagamba mu myoyo ni mu mibiri, mwairamu obulamu n'amaani. Era kirimanhikana nga nze Musengwa Katonda nhamba abagheereza bange abampulira, aye naasungughalira abazigu bange.”

Isaia 9:3

Oleeteire abantu okweyongera obungi mu ighanga, waabaleetera okweyongera okusangaala. Basagambira mu maiso go ng'oti bwe basagamba mu makungula, oba ng'oti n'abantu bwe basagamba nga bagabana omunhago.

Yeremia 31:7

Musengwa Katonda akoba ati: “Mwembe n'amaani nga musagamba ku lwa Isiraeli. Mukubire emizira eighanga erisinga agandi goonagoona obukologho. Mwembe olwembo lwaimwe olusaaka, mulangirire muti, ‘Musengwa Katonda alokoire abantu be Abaisiraeli abaawonagho.’

Matayo 13:42

baabasuula mu nkoomi ey'omuliro, omuliba okugegenga n'okuluma emba olw'obulumi obubitirivu.

Matayo 22:13

Agho kyabazinga yaakoba abagheereza ati, ‘Mumusibe amakono n'amagulu mumusuule ku luya mu kizikiiza eri okugegenga n'okuluma emba olw'obulumi obubitirivu.’

Matayo 8:12

aye abaana ab'omu Bwakyabazinga balibingirwa ku luya mu kizikiiza, omuliba okugegenga n'okuluma emba olw'obulumi obubitirivu.”

Luka 13:28

Ghalibaagho okulira n'okuluma emba, bwe mulibona Aburahamu ni Isaaka, ni Yakobo n'abalanzi boonaboona nga bali mu Bwakyabazinga bwa Katonda, ate nga imwe bababingira ku luya!

Yakobo 5:1

Muwulire ni kino imwe abakombe, mulire amaziga era muwologome olw'okudaagadaaga okuli kubaidhira.

Yakobo 5:13

Ghaligho mu imwe adaagadaaga? Kale asabe Katonda. Ghaligho omusangaavu? Kale ayembe enhembo edhisaaka Katonda.