Isaia 64:8 - Baibuli Ekibono kya Katonda 2014

⁸ Wo Musengwa Katonda, aye iwe niiwe Iseife. Ife tuli ng'eitosi eriwumba, ate iwe waaba ng'omuwumbi. Twenatwena niiwe watukola n'engalo dho.

Isaia 64:8 ပူးပေါင်းရင်းမြစ်များ

Yobu 10:3

Kirungi ki ky'ofuna mu kukayukira n'okunhooma ebintu mwene bye wakola n'engalo dho, ate n'osanhukira entegeka edh'ababi?

Zabbuli 100:3

Mukitegeere muti Musengwa Katonda oyo ni Katonda. Oyo n'eyatutonda era tuli babe. Tuli bantu be era ntaama dh'alabirira.

Zabbuli 119:73

Niiwe wampumba n'engalo dho wantaagho, nkusaba ompe okutegeera, memale ndhege ebiragiro byo kye binkoba.

Zabbuli 138:8

Wo Musengwa Katonda, iwe oidha kunkolera byonabyona bye wasuubiza; okugonza kwo tikukoma, kubaagho byanda na byanda. Otalekulira agho ekyo kye wakola n'engalo dho.

Zabbuli 74:1

Wo Katonda, lwaki otuswire ere n'otwerabira ebyanda n'ebyanda? Lwaki otusungughaliire ife entaama dho dh'oyaya?

Zabbuli 95:6

Mwidhe tumusinze nga twewombeese, tumukubire amakiryaivu oyo Musengwa Katonda, Omutonzi waife.

Okuvaayo 32:12

Abamisiri baidha kukoba bati watoola abantu bo mu Misiri, ng'oli n'ekigendererwa ekibi, era ng'ekigendererwa ekyo kya ku baitira mu biketezo bino eby'ensozi, n'okubazikiriza baweere irala ku nsi. Nkusaba okyuse obusungu bwo obukambwe, oleke kukola bantu bo ekyo ky'otegeike okubakola.

Okuvaayo 4:22

Era oidha kukoba kyabazinga oti, ‘Musengwa Katonda ati bw'akoba: Isiraeli n'omwana wange omuberi,

Isaia 19:25

Musengwa Katonda Afuga Amagye alidhigha enkabi ng'akoba ati: “Misiri eighanga lyange, ni Assiria nze mwene lye natonda, ni Isiraeli lye nalondamu okuba eryange, gagheebwenga enkabi.”

Isaia 29:16

Bafuulaniafuulania ebintu inho! Bwenebwene ole asobola okugeza omuwumbi ku itosi obutosi? Ekintu omuntu ky'akoze kisobola okukoba eyakikola kiti: “Ti niiwe eyankola?” Oba, ekiwumbe okukoba eyakiwumba kiti: “Totegeera naire?”

Isaia 43:25

Aye era nze, ninze mwene nsonigha ebibi byaimwe nze ku bwange, era tija kabiri kubibavunaana.

Isaia 43:7

Abantu abo boonaboona bange ku bwange, era beetebwa liina lyange. Ekyabantondesa ni mbataagho, n'okumpeesanga ekitiisa.”

Isaia 44:21

Musengwa Katonda akoba ati: “Iwe Yakobo idhukiranga ebintu ebyo, kuba oli mugheereza wange iwe Isiraeli. Nakutonda obe mugheereza wange, era tirikwerabira naire.

Isaia 44:24

“Ninze Musengwa Katonda Omununuzi waimwe, eyabatonda ni mbata mu nda dha bainhaimwe. Ninze Musengwa Katonda eyakola ebintu byonabyona, ni mmambagho eigulu zenka, era ni nhandhagho ensi nga ghazira angemeireku naire.

Isaia 45:11

Musengwa Katonda Omutukuvu wa Isiraeli era omutonzi we, akoba ati: “Imwe muzira bukumu bwa kumbuuza ebigema ku baana bange, waire okundagira eky'okukola.

Isaia 45:9

Akagwireku oyo atakania Eyamutonda, kuba aba ng'oti n'ekiwumbe bwe kyanditakainia ole akiwumbye. Aye nga bwenebwene eitosi lisobola okubuuza aliwumbisa liti: “Oli kuwumba ki?” Oba okukoba liti: “Ozira bukugu?”

Isaia 57:16

Ninze nafuuwa omuuka ogw'obulamu mu bantu bange, era tiribasungughaliranga bujiiririire waire okubavunaananga emisango buliidho kuba ekyo kisobola okubaleetera okufa, ate nga ninze mwene eyabagha obulamu.

Isaia 60:21

Abantu bo boonaboona balikolanga ebituufu, era baatwala ensi yaaba yaibwe ebyanda n'ebyanda. Baliba lusaga nze mwene lwe neesimbira era omulimo nze mwene gwe neekolera, nsobole okugheebwanga ekitiisa.

Isaia 63:16

Bwenebwene n'iwe Iseife. Waire dhaadha waife Aburahamu tatwidhi, era nga ni Yakobo takyatula, iwe niiwe Iseife Omununuzi waife, okuva eira n'eira.

Isaia 63:8

Musengwa Katonda yakoba ati: “Bwenebwene bano bantu bange, abataja kunguyaguya.” Kale ni yaaba Omulokozi waibwe.

Isaia 9:6

Kuba ife omwana atuzaaliirwa, omwana omulenzi atugheereibwa, aidha okubanga omufuzi waife. Aidha kwetebwanga “Omuwi w'Amagezi Eyeewuunhisa, Katonda ow'Obuyinza, Iseife aligho ebyanda n'ebyanda, Omulangira Aleeta Emiraala”.

Yeremia 31:9

Abantu bange baliira nga bali kulira amaziga eno nga bwe basaba, nga nze ndi kubaiza ewaibwe. Ndibabisa eri obwiga obulimu amaadhi, era naababisa mu ngira entereevu baaloba kwekontola kugwa; kuba nze, ninze lata w'Abaisiraeli, era Efuraimu ni mutabane wange omuberi.”

Hosea 1:10

Abaisiraeli baliba bangi inho ng'oti musenho gwa ku nhandha ogutasoboka kubalibwa oba okupimwa. Mperaano Katonda abakoba ati: “Timuli bantu bange,” aye ekiseera kirituuka yaabakoba ati: “Muli baana ba Katonda omulamu.”

Malaki 2:10

Twenatwena tuli n'iseife mulala, Katonda omulala oyo eyatutonda. Memale lwaki tuloba okwesigagana? Era lwaki tunhooma endagaano Katonda ye yakola ni badhaadha baife?

Yoanne 8:41

Mukola bikolwa bya lata waimwe.” Baamukoba bati: “Ife tituli baghambule, tuli ni lata waife mulala ni Katonda mwene.”

Ab'e Galatia 3:26

Kuba mu Kurisito Yesu, mwenamwena muli buti baana bakulu aba Katonda olw'okwikiriza.

Ab'e Galatia 3:29

Era oba nga muli ba Kurisito, agho ni muli baidhukulu ba Aburahamu era mulifuna Katonda kye yasuubiza.

Ab'Efeso 2:10

Kuba ife tuli bitonde bya Katonda, twatondebwa mu Kurisito Yesu tukole ebikolwa ebikalamu Katonda bye yatutegekera okuva eira.

Amateeka Agokubiri 32:6

Obwo bwene, mutyo bwe mugwaine okubisa Musengwa Katonda, imwe abantu abasiru era abatategeera? Ti ni iseimwe eyabataagho? Ti n'eyabafuula eighanga?

Amateeka Agokubiri 9:29

Ate nga abo n'abantu bo, ababo ku bubwo, be watoola mu Misiri n'obuyinza bwo obungi era n'amaani amangi.’ ”