Isaia 64:7 - Baibuli Ekibono kya Katonda 2014

⁷ Ghazira aidha y'oli kukusaba ghazira asitukiramu kulumukira y'oli omuyambe. Iwe watwegisaaku era waatulekulira agho mu bibi byaife.

Isaia 64:7 ပူးပေါင်းရင်းမြစ်များ

Yobu 10:9

Idhukira nga wampumba mu itosi. Onandhizaayo wanfuula enkungu kabiri?

Yobu 8:4

Abaana bo bateekwa okuba nga baakola ekibi baamusungughaza, kyeyava n'abagha ekibonerezo kyaibwe ekibasaana.

Zabbuli 100:3

Mukitegeere muti Musengwa Katonda oyo ni Katonda. Oyo n'eyatutonda era tuli babe. Tuli bantu be era ntaama dh'alabirira.

Zabbuli 14:4

Aye abakozi b'ebibi bano boonaboona, abalya abantu bange ng'oti balya mere, kiki kyene kye bataidhi, ekibalobera okusinza Musengwa Katonda?

Okuvaayo 32:12

Abamisiri baidha kukoba bati watoola abantu bo mu Misiri, ng'oli n'ekigendererwa ekibi, era ng'ekigendererwa ekyo kya ku baitira mu biketezo bino eby'ensozi, n'okubazikiriza baweere irala ku nsi. Nkusaba okyuse obusungu bwo obukambwe, oleke kukola bantu bo ekyo ky'otegeike okubakola.

Isaia 1:15

Agho ni, bwe munaayandhuluzanga emikono gyaimwe nga muneeghemba, tiidhanga kubalingaku; ni bwe munansabanga einho mutya, tiidhanga kubawulirisa; kuba engalo dhaimwe dhisaabaine musaayi.

Isaia 27:5

Aye oba nga abazigu b'abantu bange benda nze okubakuuma, baidhe batabagane ninze. Batyo bwe babe bakole: baidhe batabagane ninze.”

Isaia 45:9

Akagwireku oyo atakania Eyamutonda, kuba aba ng'oti n'ekiwumbe bwe kyanditakainia ole akiwumbye. Aye nga bwenebwene eitosi lisobola okubuuza aliwumbisa liti: “Oli kuwumba ki?” Oba okukoba liti: “Ozira bukugu?”

Isaia 50:2

Lwaki tyayagaanagho muntu waire omulala ati lwe naidha okubawonia? Lwaki nayeta ni ghatabaagho anvugira? Omukono gwange n'ogufuuse omumpi einho, nga tigukaasobola kubatuukaku kubanunula? Oba amaani ag'okubawonia ge nzira? Mubone eno, nze nsobola okukaabukira enhandha yaakala, era naafuula aghabaire emiiga ghaaba irungu, ebyenhandha byamu byafa olw'okubulwa amaadhi era byawunha.

Isaia 54:8

Nga ndidhwire obusungu obubitirivu, naloba n'okukulingaku okumala akaseera. Aye okuva ni mpegaano ndidha kukugemerwanga ekivunika, olw'okugonza kwange okutawaagho ebyanda n'ebyanda.” Musengwa Katonda Omununuzi wo, atyo bw'akobye.

Isaia 56:4

Musengwa Katonda akoba abantu abo ati: “Omulaawe akuuma Sabbato dhange, n'asalagho okukolanga bye nsiima, era ni yeekalangula ku ndagaano yange,

Isaia 57:17

Abantu abo nabasungughalira olw'ebibi byaibwe n'okwegomba kwaibwe okubi. Kye nava ni mbabonereza era ni mbalekulira agho nga tikaabalingaku naire. Aye beene beeyongera okunvaaku, era beekalangulira mu mpisa dhaibwe embi.

Isaia 59:16

Yeewuunhia okubona nga ghaziragho muntu waire omulala ati, afaayo kuwolerezaagho abo abatuntuzibwa. Kale mwene alikozesa obuyinza bwe n'obutuufu bwe, yaanunula abantu be okubatuusa ku bughanguzi.

Isaia 59:2

Aye mumanhe nti ebibi byaimwe byene n'ebireetera Katonda waimwe okubalekulira agho, yaaloba kubalingaku, waire okuwulirisa bye mumusaba.

Isaia 59:4

Ghaziragho muntu awoza musango mu butuufu ng'ali kukolera ku mazima. Aye muwoza ebiziragho, mwayogera eby'obuguya, memale mwasinga omusango. Mutegeka okukola ebibi era mwamala mwabikola, mwayonoonera irala.

Isaia 63:16

Bwenebwene n'iwe Iseife. Waire dhaadha waife Aburahamu tatwidhi, era nga ni Yakobo takyatula, iwe niiwe Iseife Omununuzi waife, okuva eira n'eira.

Yeremia 9:7

Kale ni Musengwa Katonda oyo Afuga Amagye akoba ati: “Bona eno, ndidha kubasaanuusa ng'omuntu bw'asaanuusa ekyuma, era mbeekebeedhe; kuba nzira kindi kya kukolera bantu bange abo.

Ezekieli 22:30

Nanoonia mu bantu abo aye tyafunamu waire mulala, asobola okuzimba obuyaaka ekimante waire okukuuma mu bifo ekimante ghe kyawomolwa ebituli, asobole okuwonia ensi eyo, ndobe kugizikiriza.

Ezekieli 24:11

Agho leka sefuliya eyo endhereere ey'ekyuma ky'ekikomo esigale ku muliro, esuughe eyengerere, eikoodera lyonalyona erigirimu lisaanuuke n'obutalaivu buye buweemu.

Hosea 5:15

Ndiirayo mu kifo kyange ye mba, okutuusa lwe baliikiriza ni baatula ebibi byaibwe era ni baanoonia ye ndi. Bwe baliba mu kudaagadaaga kwaibwe baliinoonia ye ndi.

Hosea 7:14

Tibansabangaku na mwoyo mulala, aye beetandigira bwa bigwo ku itaka baawowoola ng'oti n'abataidhi Katonda. Era bwebasaba engaano n'omwenge ogw'emizabbibu, beesalasala ku mubiri ng'oti n'abatatya Katonda bwe bakola. Aye nze bandheemera budheemere!

Hosea 7:7

Obusungu bwaibwe bwe butumbuka ng'oti muliro mu ziiko, olwo baatemula abafuzi baibwe. Era bajiire nga baita bakyabazinga baibwe mulala mulala, aye ghazira muntu waire omulala ati ansaba kubayamba.”

Malaki 1:6

Musengwa Katonda Afuga Amagye akoba bakabona ati: “Imwe bakabona, omwana ata mu ise ekinhagansi, n'omugheereza yaakita mu musengwa we. Kale ni oba nze ndi lata waimwe, lwaki timuntaamu kinhagansi? Era oba ndi musengwa waimwe, lwaki timuntya? Lwaki muunhooma, aye kabiri mwamala mwambuuza muti, ‘Tukunhooma tutya?’

Malaki 2:10

Twenatwena tuli n'iseife mulala, Katonda omulala oyo eyatutonda. Memale lwaki tuloba okwesigagana? Era lwaki tunhooma endagaano Katonda ye yakola ni badhaadha baife?