Isaia 64:5 - Baibuli Ekibono kya Katonda 2014

⁵ Osangaalira abo abasanhukira okukola ebituufu, ni baidhukira okwebisa nga bw'oyenda. Iwe watusungughalira, aye ife tweyongera bweyongere kukola bibi. Era kuva ira nga tuli mu kukola bibi okwo. Aye oba tulibiwona?

Isaia 64:5 ပူးပေါင်းရင်းမြစ်များ

Zabbuli 103:17

Aye abo abatya Musengwa Katonda, Musengwa Katonda oyo abagonza obutalekera ebyanda n'ebyanda. Obutukuvu bwe abwoleka ense n'ense,

Zabbuli 112:1

Mwenamwena musaake Musengwa Katonda. Wa nkabi omuntu atya Musengwa Katonda, asangaalira okukola ng'ebiragiro bye bwebikoba.

Zabbuli 25:10

Okugonza kwa Musengwa Katonda okungi n'obwesigwa bwe, byeyolekera mu nsambo y'atwalamu abo abakuuma endagaano ye era ni bagondera ebiragiro bye.

Zabbuli 37:4

Eisanhu lyo lyagalire mu Musengwa Katonda, aidha kukugha omwoyo gwo bye gwenda.

Okuvaayo 20:24

Nzimbira alutaari ey'eitaka era ogheereyo ku alutaari okwo entaama, oba embuzi, oba ente, ng'ekigheebwayo ekyokebwa, era n'ekigheebwayo olw'okutabagana. Mu kifo kyonakyona kye nnaasalangagho okunsinzizaamu, ndidha kwidhanga nkughe enkabi.

Okuvaayo 25:22

Agho ghe ndidha okukwagaana, era agho ghaigulu agh'ekisandikiza eky'Esanduuku ey'Endagaano era ghagati agh'ebitonde ebiri n'amaghagha ebyetebwa kerubi, ghe ndidha okukugheera ebiragiro byange byonabyona by'oidha okukobera Abaisiraeli.”

Okuvaayo 30:6

Alutaari eyo oidha kugita gha mberi agh'olutimbe oluli gha Sanduuku ey'Endagaano. Era agho gha mberi agh'ekisandikiza ekiri ku Sanduuku ey'Endagaano eyo, ghe nnaayagaanananga n'iwe.

Isaia 1:30

Muliba ng'oti n'omuti omukologho oguniala amakaba, era mwaba ng'oti n'enimiro etafuna ku maadhi naire.

Isaia 12:1

Olunaku olwo bwerulituuka, abantu balyemba bati: “Wo Musengwa Katonda, nze ndidha kukusiimanga. Waire nga wali onsungughaliire, obusungu bwo bwamala bwawaagho, wangumya.

Isaia 26:13

Wo Musengwa Katonda waife, waire ng'abandi baatufugaku, aye niiwe wenka ye twidhi ng'Omufuzi waife.

Isaia 27:8

Musengwa Katonda yabonereza abantu be ng'abatwala mu bunhage. Yabakunguudhia n'empewo ye enkambwe eva e buvandhuba.

Isaia 63:10

Aye baamala beene baadheema, baanakughaza omwoyo gwe omutukuvu. Kale Musengwa Katonda oyo yaakyuka yaafuuka muzigu waibwe, era yaabalwanisa mwene.

Isaia 63:7

Ndiromboodha nga Musengwa Katonda bw'atugonza nga talekera, era naamusaaka olw'ebyo byonabyona by'atukoleire. Era ndimusaaka kuba ayoleike ekisa ekitaloodheka eri ab'endhu ya Isiraeli, olw'okusaasira kw'ali nakwo okwidhwire okugonza okungi einho.

Danieli 9:5

“Ife twakola ensobi, twayonoona, era twakola ebibi. Twadheema, era twakyuka twava ku mateeka go, ni ku by'otulagira.

Hosea 11:8

Abaisiraeli nsobola ntya okubaghaayo? Nsobola ntya okubalekulira agho? Nsobola ntya okubazikiriza ng'oti bwe nakola Adama? Nsobola ntya okubabisa ng'oti bwe nabisa Zeboiimu? Omwoyo gwange tigunganha kukikola; kuba mbagonza inho ebitaloodheka.

Hosea 6:3

Ka tufube inho okumanha Musengwa Katonda. Okwidha kwe ye tuli kukakafu ng'oti bwire kukya. Aliidha ye tuli ng'oti maadhi matoigo, agagwa ni gafukirira ensi.”

Zekaria 3:3

Yoshua yali ayemereire mu maiso ga malaika ng'ali mu bivaalo ebiidhwire eikoodera.

Malaki 3:6

“Nze Musengwa Katonda tikyukangaku, era n'imwe mwena baidhukulu ba Yakobo timumalibwangagho.

Ebikolwa by'Abatume 10:35

Aye mu buli ighanga, asiima kiisi amwisaamu ekitiisa era n'akola ekituufu.

Abaheburayi 4:16

Kale ni tuseete kumpi n'ekityamo eky'ekisa kya Katonda nga tuli bagumu, memale atusaasire era atugemerwe ekisa kiisi lwe tuba nga twetaaga okubeerwa.