Isaia 64:3 - Baibuli Ekibono kya Katonda 2014

³ Olundi, bwe waika n'okola ebitiisa bye twali titusuubire, ensozi dhaatengeetera mu maiso go.

Isaia 64:3 ပူးပေါင်းရင်းမြစ်များ

2 Samueli 7:23

Kale ighanga ki erindi ku nsi, eriri ng'oti n'ery'abantu bo Abaisiraeli iwe Katonda be waja n'onunula babe abantu bo? Waabakolera ebintu ebikologho era ebitiisa, ebyaleetera eriina lyo okumanhika mu nsi yoonayoona, ng'obingayo abamaghanga agandi n'emisambwa gyaibwe mu biketezo bye baalimu, ng'abantu bo bali kumpi okutuukayo.

Zabbuli 106:22

eyakola ebyewuninkiriza mu nsi ya Hamu, era eyakola ebyewuunhisa nga bali mu Nhandha Emyufu.

Zabbuli 66:3

Mukobe Katonda muti: “By'okola nga bya ntiisa! Obuyinza bwo bungi, bukaka n'abazigu bo okwidha nga bagwirana okukukubira amakiryaivu.

Zabbuli 66:5

Mwidhe mubone Katonda by'akoze, ebintu by'akola mu bantu bya ntiisa.

Zabbuli 68:8

ensi yatengeeta, eigulu lyayugha amaadhi, olusozi Sinai lwadhugumira olw'okwidha kwo, iwe Katonda wa Isiraeli.

Zabbuli 76:12

Abafuzi abamalamu emyoyo, era bakyabazinga abali ku nsi abatiikiza irala baatenha.

Okuvaayo 34:10

Musengwa Katonda yaakoba Musa ati: “Bona eno, buti ndi kukola n'imwe endagaano. Ndidha kukola ebyewuunhio ng'abantu bo boonaboona babona, ebyewuunhio ebitakolwangaku mu ighanga lyonalyona mu nsi yoonayoona. Abantu boonaboona balikibona ekyo kye nja okukola, kuba kye nja okukola mu imwe kiriba kitiisa.

Isaia 5:25

Obusungu bwa Musengwa Katonda butumbukiire ku bantu be ng'oti muliro, era agalwire omukono gwe okubabonereza. Ensozi dhiidha kutengeeta, n'emirambo gy'abo abaitiibwa gisigale agho mu nguudo dh'ebibuga ng'oti bikaba. Aye waire ng'ebyo bimaze okubaagho, obusungu bwe bwidha kusigala nga bukaaligho. Era asigale ng'akaasitwire omukono gwe okubabonereza.

Isaia 64:1

Wo Musengwa Katonda, ngoli ni oyabuluza eigulu lyaghembuka, waidha eno ghansi! Ensozi dhanditengeese mu maiso go,

Habakkuku 3:3

Katonda aidha kwidha kabiri ng'ava e Temani eky'omu Edomu; Omutukuvu oyo aidha kuviira ku nsozi edh'e Parani. Okumesunkana kwe kuja kumaamira eigulu lyonalyona, n'ensi yoonayoona emusaake.

Habakkuku 3:6

Bw'ayemerera ensi etengeeta; bw'alinga ku amaghanga ati, gadhugumira. Ensozi edh'emyaka n'emyaka dhimenhekamenheka dhaawaagho; obusozi obw'olubeerera budimira mu itaka bwabuliramu. Edho n'ensozi dhe yatambuliraku ebiseera eby'eira.

Amateeka Agokubiri 10:21

Mumusaakenga, oyo ni Katonda waimwe. Mweboneraku n'amaiso gaimwe eby'amaani era ebitiisa bye yabakolera.

Amateeka Agokubiri 4:34

Oba ghalighooku katonda eyaali ageziizaaku okuja okutwala abantu ab'eighanga erindi, abafuule ababe ng'abatoola ghagati mu ighanga erindi, nga Musengwa Katonda waimwe bweyabakolera imwe mu Misiri? Yakozesa amaani ge agataloodheka, yaasindika ebibamba n'olutalo, yaakola ebyewuunhio n'ebyewuninkiriza, era yaaleetera ebintu ebitiisa einho okubaagho, nga mubona.