Isaia 64:2 - Baibuli Ekibono kya Katonda 2014

² ng'oti n'ebisaka ebigemye omuliro, oba ng'amaadhi bwegasambira nga gali ku muliro. Idha oyoleke obuyinza bwo eri abazigu bo, era oleetere amaghanga okudhugumirira mu maiso go.

Isaia 64:2 ပူးပေါင်းရင်းမြစ်များ

Zabbuli 106:8

Aye era yabawonia okuzikirira ku lw'obulungi obw'eriina lye, asobole okwoleka obuyinza bwe obungi.

Zabbuli 46:10

Era alagira ati: “Mulekere agho! Mumanhe nga ninze Katonda. Nsinzibwa amaghanga goonagoona, era nsinzibwa ebiri ku nsi byonabyona.”

Zabbuli 79:10

Lwaki oleka amaghanga okutubuuza gati: “Memale Katonda waimwe ali gha?” Iwe beesasuulizeeku nga tubona, olw'omusaayi ogw'abagheereza bo be baita n'amaghanga goonagoona gakimanhe.

Zabbuli 83:13

Wo Katonda wange, bafuule ng'oti n'enkungu eri kwezungululira mu mpewo ey'amaani, babe ng'oti n'omusinsi empewo gw'efuuwa ere.

Zabbuli 9:20

Wo Musengwa Katonda, baleetere okutya, bategeere nga bantu buntu.

Zabbuli 99:1

Musengwa Katonda ni Kyabazinga; abantu ka badhugumire olw'okumutya! Ekityamo kye eky'obwakyabazinga kiri ku bitonde eby'amaghagha ebyetebwa bikerubi, ensi k'etengeete olw'okumutya.

Okuvaayo 14:4

Mu kiseera n'ekirala ndidha kumukalangusa omwoyo alobe kutya, atoolere okubabinga ng'ayenda okubagema, aye kye nja okukola kyabazinga n'abalwani be kija kumpeesa ekitiisa, era Abamisiri balimanha nga ninze Musengwa Katonda.” Abaisiraeli baakola nga Musengwa Katonda bweyabakoba.

Isaia 28:21

Musengwa Katonda alisituka okulwana ng'oti bwe yakola ku lusozi Perazimu, era alisungughala ng'oti bwe yakola mu kiiko ky'e Gibeoni. Memale olwo yaakola omulimo gwe ogwo ogwewuunhisa ogutali gwabuliidho, era yaayoleka ebintu bye ebyo by'akola ebyewuninkiriza.

Isaia 37:20

Wo Musengwa Katonda waife, mpegaano ni tukweghembye tuwonie, otutoole mu ngalo edh'Abassiria. Olwo abantu abamaghanga agandi boonaboona basobole okumanha nga iwe, Musengwa Katonda, niiwe Katonda wenka.”

Isaia 63:12

Musengwa Katonda oyo ali gha, eyakozesa obuyinza bwe, n'akola eby'amaani ng'abita mu Musa, n'ayawulamu amaadhi g'enhandha ng'abantu babona olwo eriina lya Musengwa Katonda oyo ni limanhikananga ebyanda n'ebyanda?”

Yeremia 33:9

Ekibuga kino Yerusalemu kirindeetera eisanhu n'ekitiisa era kyaneesiimisa. Amaghanga goonagoona ag'omu nsi galitya era gaadhugumira nga baboine nga bwe nkolera abantu b'omu Yerusalemu ebirungi, era nga bwe mbaleetera ebintu okubajiira obukalamu.”

Yeremia 5:22

Lwaki timuntyaku naire nze Musengwa Katonda? Lwaki timudhugumiraku naire mu maiso gange? Ninze nataagho omusenho okuba ensalosalo enhandha kw'ekoma, ensalosalo ey'olubeerera enhandha y'etasobola kutuuma. Enhandha ni bwe yeefuukuula etya tesobola kughaguza, era amaadhi gaayo ni bwe gawolomboka okwaga gha, tigaghanga kubitagho.

Amosi 4:12

“Kale ni Baisiraeli imwe, nja kubabonereza era olw'ekyo mwetegekerenga omusango gwe nja okubasalira.”

Mika 1:4

Buli lusozi lw'alitangaku ekigere nga lusaanuuka ng'oti muzigo bagutaire ku muliro. Era nga luyuyika mu kiiko ng'oti maadhi gayuyika kuva ku lusozi.

Zekaria 14:4

Mu kiseera ekyo alyemerera ku Lusozi olw'Emiti Emyoliva, oluli ku luuyi olw'e buvandhuba olwa Yerusalemu. Olusozi olwo lulyeyatisaamu endhawu ibiri okuva e buvandhuba okutuuka e bugwandhuba, lwaidhamu ekiiko ekigazi einho. Olwawu olundi olw'olusozi olwo luliseseetukira ku luuyi olw'omukono omugooda olw'e buvandhuba, ate olwawu olundi lwaseseetukira ku luuyi olw'omukono omusaadha olw'e buvandhuba.

Amateeka Agokubiri 2:25

Okuva n'olwaleero, nja kukuba amaghanga goonagoona agali ku nsi entiisa, gabatye. Kiisi anaawuliranga ku liina lyaimwe, aidha kudhugumiranga olw'okutya.’”