Isaia 64:11 - Baibuli Ekibono kya Katonda 2014

¹¹ Eisinzizo lyo eitukuvu eriboneka obulungi, badhaadha baife mwe baakusaakiranga, lyayokebwa omuliro. N'ebifo byaife byonabyona ebisanhusa, byafuuka bifulukwafulukwa.

Isaia 64:11 ပူးပေါင်းရင်းမြစ်များ

1 Bakyabazinga 8:14

Agho kyabazinga yaakyuka, yaalingirira Abaisiraeli boonaboona abaali beesoloiza nga bali agho, yaabasabira enkabi.

1 Bakyabazinga 8:56

“Musengwa Katonda asaakibwe, oyo aghaire abantu be Abaisiraeli emiraala nga bwe yasuubiza. Ghaziragho waire ekintu ekirala kiti ky'atatuukiriiza, ku birungi bye yasuubiza ng'abita mu Musa omugheereza we.

2 Bakyabazinga 25:9

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

2 Ebyomubyanda 36:19

Yaayokya eisinzizo, yaamenhagho ekimante ekyali kyezungulula Yerusalemu, yaayokya amayumba gaamu goonagoona, era yaazikiriza n'ebintu byamu ebirungi byonabyona.

2 Ebyomubyanda 6:4

Yaabakoba ati: “Tumusaake Musengwa Katonda, oyo Katonda wa Isiraeli, atuukiriiza kye yasuubiza lata wange Daudi, bwe yakoba ati,

2 Ebyomubyanda 7:3

Abaisiraeli boonaboona bwe baabona omuliro n'okumesunkana okw'ekitiisa kya Musengwa Katonda nga biri kwika ku isinzizo, baakuba amakiryaivu ku mabaale amataanhe era baakutama n'ebyeni byatuuka ku itaka. Era baasinza Katonda nga bamwebaza, nga bakoba bati: “Musengwa Katonda mulungi okugonza kwe tikukoma, kubaagho byanda na byanda.”

2 Ebyomubyanda 7:6

Bakabona baayemerera mu bifo byaibwe. N'Abalevi boona baayemerera nga balingagaine ni bakabona abo, nga bagemye ebivuga Daudi bye yakola okusaakirangaku Musengwa Katonda era baabikozesa mu lwembo Daudi oyo lwe yabeegeresa olw'okwebaza Musengwa Katonda, olw'okuba okugonza kwe tikukoma, kubaagho byanda na byanda. Bakabona baafuuwa amagwala nga n'Abaisiraeli boonaboona beemereire.

Isaia 63:18

Ife abantu bo abatukuvu twabaaku mu kifo kyo ekitukuvu kumala kaseera buseera, abazigu baife baamala baakityankirira.

Yeremia 52:13

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Okulira 1:7

Mu biseera ebyo eby'okudaazibwadaazibwa, ab'omu Yerusalemu baidhukira ebintu byaibwe eby'omughendo, bye baalinga nabyo mu biseera ebyabita. Baidhukira bwe baaghangulwa abazigu ni ghabula omuntu ababeeraku yeenayeena. Abazigu baibwe abo baabalingirira baabasekerera olw'okughangulwa okwo.

Okulira 2:1

Ha, Musengwa asungughaire era yeesoomeire okubonereza ekibuga Sioni! Ebintu byamu abantu bye baatwalanga okuba eby'omughendo, abiswire ghansi ng'oti bikaba. Waire ng'ekibuga ekyo n'ekibaire ekityamo eky'obwakyabazinga bwe, Musengwa oyo akirekuliire agho olw'okuba asungughaire.

Okulira 2:7

Musengwa yazira alutaari ye, yaalekulira agho eisinzizo lye. Era yaganha abazigu baamenha ebisenge byalyo. Abazigu baakubira mu ndhu ya Musengwa emizira egy'obughanguzi, ng'oti n'Abaisiraeli beene bwe baakubirangamu emizira egy'embaga edh'ebibinuko ebyalagirwa.

Ezekieli 24:21

mbakobere imwe abantu ab'eighanga Isiraeli nti: Bona eno, ndyonoona eisinzizo lyange, eribaleetera okwebona nga muli ba maani, ni libasanhusa okulingirira, ni mwegomba okulingiramu. N'abaana baimwe be mwaleka mu Yerusalemu, balifiira mu lutalo.

Ezekieli 24:25

Era Musengwa Katonda yankoba ati: “Iwe omuntu, olunaku lulituuka naabatoolaku eisinzizo eribaleetera okwebona nga ba maani era nga ba bitiibwa, beesuuta, era lyabasanhusa okulingirira, beegomba okulingiramu. Era ku lunaku olwo ndibatoolaku n'abaana baibwe.

Zekaria 1:12

Agho malaika oyo yaakoba ati: “Wo Musengwa Katonda Afuga Amagye, oligemerwa li ekisa Yerusalemu n'ebibuga eby'omu Buyudaaya, by'osungughaliire emyaka gino ensanvu?”

Matayo 24:2

Yaabakoba ati: “Ebyo byonabyona timuli kubibona? Bwenebwene ka mbakobere: Ghano tighaliba ibaale lirisigala ku liinaalyo nga tirisuuliibwa ghansi.”

Amateeka Agokubiri 29:23

Balibona ng'ensi eyo yoonayoona eyokeibwa, ng'efuuse buganga bwa salufa na muunhu. Eriba nga tekaasigibwamu kantu, ng'ezira ky'esobola kubaza era nga tekaameramu isubi. Eriba ng'ezikiriziibwa nga Sodoma ni Gomorra, era ng'Adama ni Zeboiimu, Musengwa Katonda bye yagemerwa obusungu n'ekiruyi n'abizikiriza.