Isaia 64:10 - Baibuli Ekibono kya Katonda 2014

¹⁰ Ebibuga byo ebitukuvu byafuuka ng'oti irungu: olusozi Sioni luli ng'oti irungu, ekibuga Yerusalemu kyafuuka ng'oti kifulukwa.

Isaia 64:10 ပူးပေါင်းရင်းမြစ်များ

2 Bakyabazinga 25:9

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

1 Ebyomubyanda 23:5

enkumi eina yaabagha gwa kuba bakuumi ba miryango ate enkumi eina (4,000) abandi yaabagha gwa kusaakanga Musengwa Katonda nga bakozesa ebivuga kyabazinga bye yataagho olw'omulimo ogwo.

Isaia 1:7

Ensi yaimwe bagizikiriiza, n'ebibuga byaimwe baabyokya omuliro byasiriira; abantu abagwira balumbye ensi yaimwe; baaginhaga era baazikiriza n'ebigirimu nga mubona muti.

Isaia 48:2

Era mweyeta ba mu kibuga ekitukuvu, abeesiga Katonda wa Isiraeli, eriina lye nga ni Musengwa Katonda Afuga Amagye.

Isaia 52:1

Iwe Sioni situka, situka oiremu obe wa maani. Iwe Yerusalemu ekibuga ekitukuvu, vaala ebivaalo byo ebiboneka obulungi; kuba bale abatatya Katonda n'abatali balongoofu tibakairayo kwingira mu iwe.

Isaia 6:11

Nze naabuuza nti: “Wo Musengwa Katonda, ekyo kiriba kityo kumala kiseera ki?” Yandhiramu ati: “Okutuusa ng'ebibuga bifuuse bifulukwa, nga tibikaalimu bantu babibaamu, n'amayumba nga tigakaalimu bantu, n'ensi ng'ezikiriire okuweekereragho.

Isaia 63:18

Ife abantu bo abatukuvu twabaaku mu kifo kyo ekitukuvu kumala kaseera buseera, abazigu baife baamala baakityankirira.

Yeremia 52:13

Yaayokya eisinzizo lya Musengwa Katonda, n'ekisaagaati kya kyabazinga, n'ebizimbe byonabyona ebikologho eby'omu Yerusalemu.

Okulira 1:10

Abazigu baaja baidha, baanhaga ebintu eby'omu kibuga byonabyona eby'omughendo. Bwenebwene ab'omu kibuga ekyo baabona bukalamu abamaghanga agandi nga bangirira irala mu kifo ekitukuvu, Musengwa ghe yalobera abamaghanga agandi okutuuka.

Okulira 1:7

Mu biseera ebyo eby'okudaazibwadaazibwa, ab'omu Yerusalemu baidhukira ebintu byaibwe eby'omughendo, bye baalinga nabyo mu biseera ebyabita. Baidhukira bwe baaghangulwa abazigu ni ghabula omuntu ababeeraku yeenayeena. Abazigu baibwe abo baabalingirira baabasekerera olw'okughangulwa okwo.

Okulira 5:18

Olw'okuba olusozi Sioni lwasigalira agho nga tighakaali alubaaku, ebibe ni byonka ebirutambuliratambuliraku nga byagala eky'okulya.

Danieli 12:7

Agho Malaika oyo eyali avaire ebivaalo ebighegheevu era eyali ere omwiga ye gwali guli kuviira, yaagololera emikono gye gyombi y'eigulu. Era naamuwulira ng'ali kulayira Katonda omulamu ebyanda n'ebyanda, ng'akoba ati: “Giriba emyaka esatu n'ekitundu. Abazigu bwebalikiriga abantu ba Katonda okutuusa okubamala amaani, ebintu ebyo byonabyona birituukirizibwa.”

Mika 3:12

Kale ni ku lwaimwe, olusozi Sioni balirulima ng'oti nimiro, ekibuga kya Katonda Yerusalemu kyasigala agho nga mmungo ya bifunfugu n'olusozi lwonalwona oluliku eisinzizo lwafuuka kibira.

Haggai 2:3

“Naani ku imwe abakaasigairegho, eyabona eisinzizo lino mu kitiisa kyalyo ekyasooka? Mperaano libabonekera litya? Liteekwa kuba nga lyaweeramu irala ekitiisa!

Luka 21:21

Ng'olwo abali mu Buyudaaya balumukira mu nsozi, ng'abali mu kibuga bavaamu, era ababanga mu kyalo bataingiranga mu kibuga;

Luka 21:24

Abandi balibaita n'empiima, abandi balitwalibwa mu maghanga goonagoona nga banhage, era Yerusalemu kiriniinirirwa abamaghanga agandi okutuusa enaku edh'abamaghanga agandi lwe dhiriwaaku.